PIÈCE CCLXIV

(14f)2), 10 janvier, (Iroiioble. — Lettre du Parlement de GrenoljJe aux consuls de Lyon les priant de ne pas rcelamer de tailles aux Dauphinois ayant des Mens à Lyon, attendu que les Lyonnais ne payent rien pour les terres qu'ils ont en Dauphiné.

[Voir p. 271]. (Original sur pnpier. Au dos, petit débris de cire attestant que la pièce a été scellée en cire rouge.)

A noz très chiers et especiaulx amys les conseillers de la ville de Lyon. (Ail dos). Très chiers et especiaulx amys, nous nous rocommandons a vous tant comme nous pouvons ; plusieurs subgect/ et officiers daulphinaulx sont venuz par devers nous plaintif/, de ce que on leur fait payer les tailles et autres charges du roy pour aucuns biens quilz ont a Lyon et es marches du royaulme, jasoit ce qu"ilz n'y facent pas leurs demourances ne domiciles et soyent chargez de par deçà ou Daulphiné, qui est tout d'une mesme seigneurie, selon Testât, faculté et condicion de chacun d eulx, combien aussi que ceulx de Lyon et autres lieux du dit royaulme ayant biens et possessions rurales ou dit Daulphiné ne soient pas en coustume, ains contredienl de contribuer es subsides et autres charges daulphinaulx, et par ainsi les dis subgetz daiiphinaulx sont foulez et grevez et ne sont en riens relevez par les dis du royaulme et pour ceste cause nous ont envové présentement le chastellain de Saint Saphorin pourlcur de cestes requerans que sur ce leur voulsissions pourveoir selon une ordonnance par nous faite Tannée passée sur ceste matière et qu'icelle ordonnance feust exequutée au regart de ceulx de Lyon et d'autres lieux du dit royaulme, en gardant equalité et les traitant ainsi que les dis subgetz daulphinaulx sont traictiez par delà, que n'avons voulu octroyer, sans premièrement le vous faire savoir et nous défaillir devers vous, veu que nous sommes tous d'une mesmes seigneurie, comme dit est, et nous semble qu'il vauldroit mieulx, bien voysiner ensemble, ainsi que avons acoustumé de faire aussi avecques les autres pays marchissans ou dit Daulphiné, qui ne sont pas si conjoingz, et que beaucoup plus y a de ceulx de par delà ayans biens ou Daulphiné que de ceulx du dit pays ayans biens ou royaulme, et pour ce vous envoyons le double de la dicle ordonnance cy dedans encloz, et avons chargé le dict chastellain de vous en parler, vous prians très affectueusement que vueillez traictier et laire traictier les dis subgetz daulphinaulx sur le fait des dis aydes. (ailles et subsides, tout ainsi que voulez que les dis de Lyon et du royaulme soient traictiez de par deçà et sur ce nous vueillés faire savoir voslre entcncion et bon vouloir, et se aucune chose se voulez que faire puissions, nous le ferons de très bon cuer. Très chiers et especiaulx amys, Noslre Seigneur

soit garde de vous. Escript a Grenoble le XVI'»'' jour de janvier

M IIIFLXI.

Le lieutenant et gens du Parlement de Daulphiné bien vostres.

(Arch. niun. de Lyon, AA 69, n" 35.)