Incluse dans la précédente

3o2 APPENDICE.

vous, qui sera cause que je ne feray longue réplique à vostre lettre. Les soldats françois n'ont pas esté renvoyez, pource que eulx inesmes ont voulu demeurer pour recouurer chascun ses hardes, et tous ceulx qui s'en veulent aller en ont toute liberté. Monsieur, vous sauez que le grand-duc est obligé de rendre compte au roy de ceste place, et puis qu'on y treuue des soupçons, il s'en faut déliurer, et le roy et le grand-duc se cognoissent fort bien, et l'un et l'autre sera aduisé; et, si le roy vouldra1 puis après mettre en ceste place d'aultresProuuençaulx, je m'asseure que le grand-duc l'obéira. Et cependant ses capitaines qui sont icy mourront mille fois le jour pour le seruice du roy, et n'y laisseront point approcher vaisseaulx des ennemis de Sa Majesté, ains les salueront à bonnes cannonades. Je vouldrois bien auoir le moyen de venir parler à vous; mais j'ay éprouué dernièrement que pour une petite occasion Messieurs de Marseille m'ont voulu presque retenir prisonnier dans la ville, et monseigneur de Guise n'eut pas la puissance de m'en faire sortir. Pour ce, je n'oserois d'y venir, et d'aultres de noz gens ne vous sçauroyent dire davantaige de ce que je vous ay escrit et de ce qve vous auront dit les gentilshommes qui ont esté icy. Et, si Messieurs de Marseille vouldront songer au service du roy, comme je crois, il faut qu'il y ait entre nous lionne amitié et intelligence et en somme qu'ils ne doutent point. Et ne sçachant que vous escrire dauantage, Monsieur, je vous baise très humblement les mains, et prie Dieu qu'il vous conserue en toute prospérité.

De chasteau d'Iff, le xxe de avril 1597.

Votre très-humble et très- affectionné serviteur.

CURTIO PlQUENS.

Coll. Dupuy, 64, fo 87.

1. Le lecteur remarquera, sans qu'il soit nécessaire de les noter, les tournures italiennes qui trahissent l'origine étrangère de l'auteur de cette lettre.

22 juin 1597. — Discours de ce <jui s'est passé avec le seigneur Don Joban de Médicis depuis son arrivée.

Samedy, quatorziesme jour de juing, arriua le seigneur dom Johan de Medicys auecques les cinq galères de Florence, et vinrent jusques auprès des murailles de la ville, saluer et tirer tout leur canon. Il ne fut respondu qu'un coup de la ville. Sur le soir le dict seigneur dom Johan envoya Malameille pour saluer le seigneur de Guyse de sa part, ne portant autre chose que paroles générales.

Le lendemain, dimanche xve du mois, le dict seigneur de Guyse enuoya M. Péricard offrir toute courtoisie au dict seigneur dom Johan, lequel le mesme jour enuoya le cavalier Viuance qui apporta lettres du grand duc et de la grande duchesse à mon dict seigneur de Guyse, et vne de la grande duchesse à moy. La grande duchesse faisoit de grandes plainctes au dict seigneur de Guyse, de ce qu'il estoit le premier qui auoit entreprins d'offenser le grand duc : et par les discours du dict cheuallier s'apprenoit que le dit seigneur don Johan estoit venu pour asseurer le château d'If et qu'il pensoit qu'il ne le pourrait asseurer tant que le fort seroit ez mains des François. Le dict jour il y eut quelques Florentins du dict seigneur don Johan qui estant en l'isle de Pomegues tirèrent sur ceux du fort ; il y eut aussy quelques arquebusades tirées du dict fort. Le dict seigneur don Johan arresta les barques qui alloient au fort, disant qu'il auoit voulu monter le canon qui estoit sur terre en l'isle au pied de la montaigne. M. de Guyse en estant aduerty despêche les sieurs de Morilhanet Pantournon vers le dict seigneur dom Johan, lesquelz accordèrent au dict seigneur dom Johan que l'artillerie qui estoit au fort seroit

mise dans vne barque pour demeurer comme en dépost ; et, ce faisant, il laisseroit aussy passer les viures qui iroient au fort, à la charge qu'ilz n'iroient que de jour, et en passant viendroient s arraisonner aux galères.

Le lundy xvr3, il vint aduis comme le dict seigneur dom Johan arrestoit les barques et mesme auoit.mis à la chaisne ceux qui auoient esté trouuez dedans. Cela fut cause que le dict seigneur duc me pria d'aller vers le dict seigneur dom Johan auec pouuoir et instruction de traicter auec le dict seigneur dom Johan, qu'il n'entreprendroit rien contre le fort et n'empescheroit les viures; et, ce faisant, que le canon ne seroit monté au fort et demeureroit où il est, ou qu'il serait rapporté en la ville, s'il ne se pouuoit prendre autre expédient. J'allay vers le dict seigneur don Johan. Comme j'estois prest à partir, arriua le sieur de Lusarche ayant charge du dict seigneur don Johan de parler aux consulz ausquels il dict, en présence du dict seigneur de Guyse, que le dict seigneur don Johan luy auoit donné charge de luy asseurer qu'il n'estoit là que pour le bien et seruice du roy et de ceste ville : comme j'estois sur le chemin, je trouvay le cheuallier Viuance qui venoit apporter quelques présent? de la part de Mrae la grand' duchesse à mon dict seigneur de Guyse, lesquelz il refïusa. Vng peu de là je fus inuesty par deux galères qui m'accompagnèrent jusques aux dictes Pomègues où estoit ledict seigneur dom Johan ; lequel ne Gâchant qui j'estois, enuoya l'esquif que je l'allasse attendre au château d'If, ne voulant que j'allasse au dict lieu de Pomègues où je voyois de loing que l'on travailloit. Estant au château d'If, le capitaine Philippe et le sieur Curtio luy enuoyèrent dire qui j'estois. Je demeuray là bien deux heures à attendre. Enfin son secrétaire vint qui me dict venir sçauoir qui j'estois et sy j'avois quelque chose à luy dire, qu'il luy en feroit le rapport. Je luy dis que j'estimois que les sieurs Philippe et Curtio l'eussent faict entendre desià qui j'estois, et que j'auois à parler au dict seigneur dom

Johan pour les affaires de S. M. Et assez long-temps après, il me manda dire qu'il estoit en sa galère. J'y allay et il m'attendit en pouppe sans s'aduancer au deuant de moy. Ararriuée, je luy dis qu'estant en ceste ville pour le service du roy, et auec charge de ses affaires, j'auois désiré venir luy baiser les mains, ce que j'eusse plus tost faict sy l'indisposition de ma personne ne m'en eust empesché, mais que deux nouvelles occasions m'auoient pressé d'y venir mainctenant ; l'une pour satisfaire à M. de Guyse qui l'auoit désiré et qui m'auoit chargé d'vne lettre, laquelle je luy présentay, et m'auoit aussy chargé de m'esclaircir auec luy de beaucoup de choses qui se passoient contrairement à la bonne intelligence qui doibt estre entre les ministres du roy et du grand duc; et l'autre, qu'il falloit que je renuoyasse le courrier qui luy auoit porté des lettres de la part de Sa Majesté, et que par iceluy je lui rendisse compte de l'estat de ses affaires, ce que je ne pouuois sans que je fusse informé de luy comme il auoit à viure auec les ministres et subjetz de S. M. Il me fit pour response vng grand discours de l'affection que M. le grand duc auoit au seruice du roy, laquelle il auoit tesmoignée par tant de bons offices qu'on ne la pouuoit ignorer, qu'il luy auoit autant serui à la conseruation de sa couronne qu'autre amy qu'il eust au monde, et particulièrement luy ayant conserué ceste place auec vne certaine dépense et procuré la liberté de la ville de Marseille, et icelle préserué des mains des Espagnolz; qu'auec ceste mesme volonté et ce mesme desseing il estoit venu là par le commandement du grand duc, pour faire tout ce qui seroit du bien du seruice du roy et rien autre chose. Je luy répliquai que personne -ne pouuoit réuoquer en doubte les bons offices que M. le grand duc auoit faictz au roy ; mais ce qui nous estonnoit estoit qu'il nous rendoit maintenant des effetz tout contraires à cela, et à la déclaration qu'il nous faisoit, pource que nous voyions qu'il faisoit tous actes d'hostilité contre les ministres du roy et

ses subjetz, prenant les barques qui alloient au fort de Ratonneau, et mettant mesme aux fers ceux qui auoient esté pris dans les barques. A quoy il me respondict qu'il estoit là pour asseurer ceste place au seruice du roy; que M. le grand duc estoit obligé d'en rendre compte au roy, et par conséquent de pouruoir à la seureté d'icelle. Je lui dis que la seureté du chasteau d'If n'auoit rien de commun auecques l'arrestement des barques qui alloient au fort ; puisqu'il estoit là pour faire le seruice du roy, qu'il sauoit les lettres que le roy luy auoit escriptes et à nous aussy, déclarant sa volonté estre que le fort fust continué; que c'estoit à luy à s'y conformer. Il me respondit que ce fort n'auoit point esté commencé par le commandement du roy, et qu'il n'estoit point pour son seruice, ains directement au contraire, et qu'il le sçauoit bien. Je luy dis que les lettres qu'il auoit eues du roy et celles que nous auions estoient celles par où nous debuions apprendre ce qui estoit de la volonté de S. M. et du bien de son seruice. Il me dict qu'il sçauoit bien la volonté du roy, et que c'estoit M. de Guyse qui auoit faict entreprendre ce fort sans le commandement et consentement du roy, seulement pour brauer le dict seigneur grand duc et pour luy empescher le libre accez au dict chasteau d'If; que si le roy depuis auoit approuué la continuation de la dicte fortifflcation, ç'auoit esté pressé par le dict seigneur duc de Guyse, et comme les roys ont ' accoustumé de ne vouloir point desdire les princes qui ont authorité aux prouinces; mais qu'il sçauoit bien la volonté du roy, et qu'il auoit lettre particulière qui luy auoit esté escripte par laquelle on luy mandoit ce qu'il deuoit faire ; qu'il s'estonnoit fort que M. le duc de Guyse entreprist cela sur le grand duc son parent ou allié, lequel il ne pouuoit ignorer estre bon seruiteur du roy, l'auoir esté deuant et tousiours, ce que le dict seigneur de Guyse ne pouuoit pas dire, et lequel ne se pouuoit comparer ny en volonté ny en pouuoir de seruir le roy, avec le dict seigneur grand duc ;

bref, que ce fort estoit contre le seruice du roy, et seulement pour brauer le dict seigneur grand duc et à la honte de l'aultre fort qui estoit le chasteau d'ïf. Sur quoy je pris occasion de luy dire qu'il sembloit par ce discours et ceux que les siens auoient tenus au dict seigneur de Guyse qu'il voulust auoir le fort et qu'il estimast ne pouuoir assurer le chasteau d'If d'aultre façon. Il me fit response que le fort seroit mieux pour le seruice du roy entre les mains du duc de Toscane, et qu'il le garderoit plus fidellement qu'entre les mains du dict seigneur de Guyse ; et que comme il estoit, il estoit contre le seruice du roy. Je le priay de m'éclaircir sçauoir s'il vouloit empescher la continuation du fort et que Ton y portast des viures, qui estoit la volonté du roy, laquelle il luy auoit faict sçavoir par ses lettres et à nous aussy par celles qu'il nous auoit escriptes. Il me respondit qu'il fairoit ce qui seroit pour le seruice du roy. Et sur ce que je le pressois, il me dict qu'il n' auoit point empesché la dicte fortification. Sur quoy je luy remonstray qu'il auoit, ce jour d'hui mesme, arresté les viures qu'on y portoit et mis ceux qui les portoient à la chaine. Il me dict qu'il l'auoit faict pour ce qu'on ne luy auoit pas tenu parole; et que, contre la foy donnée, au lieu d'embarquer le canon, on l'auoit voulu monter au fort ; et que ceux qui portoient des viures ne s'estoient pas voulu arraisonner aux galères; et que la loy de la mer portoit qui estoit le maistre devoit estre recogneu par tous ceux qui passoient. A quoy je luy dis qu'estant là pour le seruice du roy, comme il disoit, et dans les portz du roy, il ne pouuoit pas entreprendre cela sur ses subjetz exécutant ses commandementz; et que je le priois de considérer en quelz termes il mettoit les affaires du roy, et en quelle humeur ce peuple de Marseille, quand il leur apprenoit qu'il falloit doresnavant en sortant de Marseille venir demander congé aux galères de Florence pour aller faire leur négoce et affaire : au reste que je le suppliois de me desclarer librement s'il estoit résolu

d'empescher les bateaux qui iraient au fort, afin d'en pouuoir donner aduis à Sa Majesté. Il me respondit qu'il ferait ce qui serait du service du roy, et que je n'aurais aultre response de luy. A quoy je luy respliquay que ceste response estoit fort déraisonnable : et quand il serait au lieu où il commandast souveraynement et à ses subjetz, sy serait il obligé, estant interpellé s'il auoit vne chose agréable ou non, de le déclairer, afin que, le faisant ou ne le faisant pas, il n'en pust prendre occasion d'offense; que j'estois là pour sçauoir s'il vouloit demeurer aux termes de ce qui auoit esté accordé le jour précédent. Il me dict que l'on ne luy auoit gardé la foy que l'on luy auoit promise; et que pour ce, il ne se vouloit obligera rien; et qu'en vng il ferait ce qui serait du seruice du roy ; mais qu'il n'y auoit rhétorique au monde qui luy sceust tirer autre response ; qu'au reste le lieu où nous estions estoit anguste et qu'il ne pouuoit pas porter plus grand discours pour ne publier entre tant de gens qui nous enuironnoyent les affaires de ces deux grands princes. La dessus je luy demanday qu'il mist au moins en liberté les subjetz du roy qu'il tenoit aux fers : ce qu'il promit de faire; et sur ce je pris congé de luy.

Estant de retour par deçà, je fis entendre à M. de Guyse et aux consulz une grande partie des responses que le dict seigneur (loin Johan m'auoit faictes, lesquelles auoient esté aussybien entendues de ceux que le seigneur de Guyse auoit priez de m'assister tant des siens que de la ville. Le seigneur de Guyse et ceux de la dite ville en demeurèrent fort indignez et vinrent l'après souper chez moy, se résoluant, puisqu'il n'y auoit aultre moyen, et qu'on voyoit le desseing ouuert du dict seigneur don Johan de s'emparer du dict fort, de recourir au seul moyen de l'einpescher qui leur restoit, qui estoit la force. Pour cest effect ilz résolurent d'armer vne partie des vaisseaux qui estoient au port; et mon dict seigneur de Guyse partit incontinent pour aller à Tholon voir s'il pourrait faire venir les quatre

vaisseaux anglois qui auoient battu les galères d'Espagne. Le lendemain matin, qui estoit le mardy xvir3, le courrier de Sa Majesté alla vers le dictseigneur don Johan pour lui demander sa response aux lettres duroy. lllerenuoyaauecques deux lettres; l'une adressante à M. de Guyse, responsifue de celle qu'il luy auoit escripte le jour précédent ; l'autre à moy, toutes deux de mesme substance, portant que n'ayant peu prendre résolution le jour précédent auecques moy, il désiroit s'aboucher de nouveau pour sçavoir ce qu'il auoit à escrire au roy. Le dict seigneur de Guyse estant, comme dict est, absent, les sieurs de Péricard, le vicomte de Chauigny et Paulmier me vindrent et m'apportèrent la lettre que le dict seigneur dom Johan escriuoit au dict seigneur de Guyse, et me remonstrèrent l'extrême nécessité en laquelle estoient ceux du fort, telle qu'il y auoit desià quelques pionniers qui estoient mortz de faim, et pour ce, me prièrent de le pouuoir secourir, de prendre ceste occasion de renouer auec le dict seigneur don Johan. J'en fis difficulté attendu l'absence de mon dict seigneur de Guyse. Toutesfois pressé du sieur de Péricard et vicomte de Chauigny, ayant encore par deuers moy le pouuoir et instruction que le dict seigneur de Guyse m'auoit faict donner le jour précédent; voyant les affaires en pire estât qu'ilz n'estoientauparauant, je pensay ne pouuoir faillir de traicter suiuant les dictes instructions, et pour ce, je manday les consulz de la dicte ville ; et, leur ayant faict entendre l'instance quemefaisoientle dict sieur de Péricard et vicomte de Chauigny, de leur consentement je pris le dict sieur de Chauigny auecques moy et m'acheminayvers ledict seigneur dom Johan qui estoit au chasteau d'If; et là, en présence dudict sieur vicomte de Chauigny, auec beaucoup plus de courtoisies que le jour précédent, me dict qu'il m'auoit donné ceste peyne de venir là, pour sçauoir ce qu'il auoit à escrire au roy, pour ce qu'il estoit prest à prendre tel party que nous voudrions selon l'occasion que nous en donne-

rions. Je lny fis response que ce n'estoit pas de nous qu'il vouloit prendre conseil de ce qu'il auoit à faire ; mais que nous eussions bien désiré pouuoir escrire au roy que le dict seigneur don Johan traitoit ses subjetz comme amys et concéderez; mais que jusques au jour d'huy nous n'auions veu que tous effectz contraires, que, s'il luy plaisoit prendre vne autre façon et procédé et, au lieu d'honnestes paroles, nous donner de bons effectz, nous ne désirions rien tant que de conseruer la bonne intelligence qui deuoit estre entre les seruiteurs du roy et ceux de monsieur le Grand Duc. Là dessus il reprit tous les discours qu'il auoit faicts le jour précédent pour justifier toutes ses actions, et dict qu'il le faisoit pour ce que le dict sieur vicomte de Chauigny, seruiteur particulier de mon dict seigneur de Guyse, ne les auoit pas entendus, et dict lors entre autres choses, que l'altercation qui s'estoit faicte au chasteau d'If auoit esté faicte sans commandement de monsieur le Grand Duc, sur quoy je prins subiet de luy dire qu'il ne debuoit donc pas s'estonner sy, craignant que dom Pierre de Medicis l'eust procuré en faueur du roy d'Espagne, nous auions basté la fortification de Ratonneau comme le seul remède à tel inconvénient. Le jour précédent il m'auoit dict que monsieur de Guyse auoit escript par plusieurs fois à monsieur le Grand Duc que la place n'estoit pas asseurée entre les mains de Bausset. 11 dict lors que le dict seigneur de Guyse l'auoit faict dire par plusieurs personnes, mesmes par le cheualier de Vivance. Après plusieurs grands discours, plaintes et justiffications de part et d'autre, il nous dict pour conclusion qu'il ne se pouuoit tenir asseuré auec ses galères tant que la fortiffication de Ratonneau se continuerait, et que le canon seroit en l'isle ; sy on vouloit cesser la fortiffication et emporter le canon en la ville, qu'il laisserait passer les viures ; que c'estoit tout ce que l'on aurait de luy. Je luy remonstray que nous auions commandement du roy de construire la fortiffication et qu'il

ne le pouuoit ignorer; et que le canon ne le poituoit non plus nuyre là où il estoit que dans la ville de Marseille, que ce n'estoit qu'auantages qu'il vouloit prendre sur l'authorité du roy et de ses ministres pour en faire trophées; et qu'il n'en deuoit pas vzer de ceste façon à l'endroit d'vng sy grand roy, et soubz le voile d'amitié, et qu'il deuoit considérer que les princes voisins en fairoient mal leur proffit; el que le roy jugeant quelle atteinte cela donnoit à la repputation de ses affaires ne pourroit pas dissimuler vil tel traictement. Nous auions apperceu en venant qu'on auoit logé quelques pièces tant en bas qu'en hault du roc de Pomègues et qu'il s'y faisoit quelque fortiffication. Je pris subjet de luy dire là dessus qu'encore que le roy eust commandé de construire la fortiffication, toutesfois nous auions tant d'enuye de contenter le dict seigneur dom Johan et ne point rompre la bonne intelligence qui estoit entre ces deux princes, que nous accorderions que toutes fortiffications ez isles cesseroient de part et d'autre jusques à ce que l'on eust la volonté du roy sur le tout. II nous voulut fort asseurer qu'il ne faisoit aucune fortiffication en la dicte isle de Pomègues, et toutesfois ne voulut jamais passer cest article, et ayma mieux qu'on ne parlast point du tout de ladicte continuation, et que l'on remist à résouldre cest article à l'entreuue qui se feroit de luy et de monsieur de Guyse. Quant au canon, nous ne peusmes jamais trouver autre expédient qui le contentast; et pour ce, voyant que le temps pressoit et que ceux du fort estoient à l'extrémité, fut accordé que le canon seroit rapporté de là. Conclusion de tout ce qui fut lors accordé fut que ce soir mesme il iroit une tartane de Marseille chargée de viures, laquelle rapporteroit au dict seigneur dom Johan quelques gens que l'on luy auoit retenus à Marseille, et qu'il feroit conduyre la dicte tartane au fort de Ratonneau pour y descharger les dicts viures et rapporter les malades et autres qui vouldroient reuenir à la ville, que le lende-

main matin une autre tartane chargée de viures iroit au dict fort pour charger et rapporter le canon ; et que, ce faict, toutes sortes de viures iroient au dict fort et toutes barques et autres vaisseaux iroient et viendroient comme elles auoientaccoustumé, que le dict seigneur dom Johan ne feroit descendre aucuns hommes en la dicte isle de Ratonneau, et ne permettroit qu'il s'y fist aucun acte d'hostilité ; et, au cas que les galères d'Espagne parussent, que le canon seroit remonté au fort, et en fourniroit le dict seigneur dom Johan, s'il estoit besoing, et s'opposeroit aux galères auec les forces du duc de Toscane. Je pressay le dict seigneur dom Johan que ce qui auoit esté accordé fust mis par escript; mais il me dict que l'on s'en deuoit fier à luy et s'asseurer de sa parole. Je n'en fis pas plus grande instance à cause de l'absence du dict seigneur duc de Guyse.

Estant de retour à Marseille, je trouuay la ville fort esmeue et douze vaisseaux esquipez en guerre, pour l'effect qui auoit été résolu^ et le peuple en humeur d'en venir à la force, sans vouloyr ouyr parler d'aucun traité. Je fis entendre aux consulz ce qui auoit esté accordé et les incitay mesmes d'enuoyer la tartane chargée de viures pour secourir ceux du fort. Mais ils me prièrent d'attendre que monsieur de Guyse fust de retour. Etceppendant par autre voye enuoyèrent la nuict des viures au fort.

Le lendemain matin, qui estoit le mercredy xvme du mois, mondict seigneur de Guyse reuint de Tholon, ayant prias asseurance des quatre vaisseaux anglois qu'ilz viendroient à son secours moyennant cinq mille escus qu'il leur auoit remis pour vng droit d'amiraulté quilz deuoient. Asseuré de ces forces-là et de celles qui estoient préparées à la ville et qu'il auoit aussy mandées de tous coztez, il trouua ne deuoir pas demeurer à ce qui auoit esté par moy accordé le jour précédent, disant que l'instruction qu'il nr auoit baillée estoit pour traicter le jour auparauant; auquel le dict seigneur dom Johan n'ayant voulu entendre

aucune raison, il n'estimoit pas que je deusse poursuiure dauantage le dict traicté en son absence. Le voyant résolu à cela et que toute l'humeur de la ville estoit aussy à tenter le moyen de la force; après luy auoir représenté tous les inconuénients qui en pourroient arriuer : que les forces que nous auions n'estoient que momentanées : qu'il nous attacherait vne querelle qui seroit de longue durée ; que nous auions d'autres affaires sur les bras ; que nous ne hazardions pas des soldats, mais des bourgeois de ville; le voyant résolu et aussy le peuple de Marseille entièrement poussé à cela, l'humeur duquel est de s'opiniastrer touiours dauantage contre ce que l'on leur veult empescher, quand ilz sout en chaleur, je suppliai mondict seigneur de Guyse de me desgager de la parole que j'auoys donnée, et pour cest effect me permettre d'escrire au dict seigneur dom Johan pour m'excuzer de ce que l'on n'auoit point exécuté ce que l'on auoitipromis; et conseillay au dict seigneur de Guyse d'escrire au dict seigneur don Johan, et de remettre à terminer toutes affaires par vne entreueue d'eux deux, afin de ne point rompre tout à faict et ne point donner occasion au dict seigneur dom Johan de rien attenter par force cependant que l'on se prépareroit icy. Ce qui fut faict. Le dict seigneur dom Johan fit response, se plaignant de ce qu'on lui auoit ainsy manqué, offrant de venir à ceste entreuue lorsqu'on auroit satisfaict à ce que l'on luy auoit promis.

Le jeudy xixe se fist l'embarquement dans douze vaisseaux rondz et les deux galères et bon nombre de tartanes, enuiron de mille ou douze cens hommes de la ville avec ceux de la compagnie de ' gendarmes et les gardes de

mondict seigneur de Guyse; et sur les huict à neuf heures tous les dicts vaisseaux et galères sortirent du port et se mirent en bataille au dessoubz des murailles de la ville, du costé de la Majour2, et pour les fauoriser furent trainées