On appelle ainsi la cathédiale
deux couleurines hors de la ville sur le bord de la mer du costé de l'infirmerie, lesquelles pouuoient battre jusques au pied du chasteau d'If. Les galères de Florence estoient tout contre le chasteau d'If, rangées queue à queue Tune de l'autre; et y auoit aussi vng vaisseau rond, lequel aussytost ilz renuoyèrent dans le port de Pomègues. Hz demeurèrent à la veue les vngs des autres sans se bouger jusques sur les trois heures apprès midy, le vent estant directement contraire et ne permettant point aux nostres de s'aduancer vers Ratonneau pour faire leur renuictuaillement, comme ilz auoient délibéré, sans attendre les vaisseaux anglois, sy le vent leur eust seruy. A la dicte heure parut une tartane venant de Martigues, laquelle à son navigage monstroit aller au fort Ratonneau. Les Florentins l'ayant apperçeue plus de quatre à cinq milles loing enuoyèrent vne galère qui passa au deuant de nos vaisseaux et luy alla couper chemin. Il fut tiré vng coup de canon de terre sur la dicte galère, et lors vne des nostres se mist à la rame pour aller fauoriser la dicte tartane qui tourna son nauigage vers nous. Mais doubtant que ce fust quelque vaisseau opposé par les ennemys qui jouast le jeu pour tirer noz galères foibles de chiourme hors de la deffense des gros vaisseaux qui auoient le vent contraire, elle ne s'aduança pas beaucoup : aussy qu'elle vist partir incontinent deux autres galères qui venoient au secours de la première, laquelle à la veue de tous noz vaisseaux entreprit la dicte tartane, et assistée des deux autres qui la suiuoyent la courut plus de trois heures durant, tirant deux coups de canon dessus : mais la tartane ayant le vent propice se mocqua de toutes les galères et lassa tellement celle qui la poursuivoit quelle fut contraincte de l'abandonner et donner repos à sa chiourme. Et, ce faict, se retirèrent toutes les dictes trois galères de Florence au chasteau d'if. Sur les six heures du soir le vent se raffraichit tellement, estant toujours contraire à noz vaisseaux , que il y eust vng qui rompit ses gréements et faillit
de s'en aller dessus la galère de mon dict seigneur de Guyse, laquelle fut contraincte de voguer sur le fer, pour se destourner du choc. Cela fut cause que l'on prinst résolution de rentrer au port pour attendre la commodité du vent. Aussy tost vindrent nouuelles que les quatre vaisseaux anglois estoient à la tour de Planiez , qui n'est qu'à sept ou huict milles de ceste ville; et prit-on résolution de les attendre pour effectuer le lendemain ce que l'on auoit délibéré.
Le vendredy xxe, on eut nouvelle que le vent auoit rejecté les Anglois jusques à Tholon. Le capitaine Beaulieu qui est dans le fort donna aduis qu'il auoit faulte d'hommes, et que les Florentins auoient essayé de prendre le canon et faisoient contenance d'attaquer le fort; et pressoit que l'on luy envoyast des hommes pour le deffendre. Le dict seigneur de Guyse se résolut d'y aller le lendemain auec ce qu'il auoit de forces pour secourir et renuictuailler le fort, auec intention d'éuiter l'occasion de venir aux mains, principalement pour ne hazarder les bourgeois de la dicte ville, desquelz ses vaisseaux estoient armez. Sur le soir se fit l'embarquement, et sortirent du port tous les vaisseaux qui demeurèrent à l'ancre jusques au samedy xxie.
Le dict jour, sur les six heures du matin, nostre armée se mit en bataille en vng grand calme, les deux galères au front, et les douze vaisseaux derrière, marchant en deux rangz six à six, et remorquez par des tartanes; et entre les vaisseaux estoient douze autres tartanes qui portoient les viures et autres munitions qu'il falloit mettre dans le fort. De ceste façon s'aduancèrent mille pas près de l'isle de Etatonneau. Deuant eux et à costé de l'isle s'estoient mises en bataille les cinq galères du Grand Duc, séparées d'égale distance enuiron cinquante pas, reculant à mesure que les autres aduançoient à la portée du canon. Comme noz vaisseaux furent à my chemin de l'isle, le chasteau d'If où il n'y auoit nulle enseigne arborée commença à tirer, et continua jusqu'à ce qu'ilz eussent perdu de veue noz vaisseaux et que
Tislede Ratonneau leseust couuertz, sans néantmoingz que de plus cent cinquante coups de canon il y eust aucun vaisseau offensé ; le second coup donna dans la bannière de mon dict seigneur de Guyse. Comme noz vaisseaux furent voisins de l'isle et à portée du canon des galères de Florence, les tartanes chargées de munitions allèrent aborder à l'isle, sans que les galères de Florence fissent auoune contenance de vouloir les empescher. Mais comme les gros vaisseaux se furent logés dans le port, lors les dictes galères commencèrent à tirer et les nostres à leur respondre ; et continua la batterie de canon de part et d'autre jusques sur les deux heures après-midy. Le chasteau d'If continua pareillement à tirer contre le fort de Ratonneau ; et le canon que les Florentins auoient logé en leur fort au dessus de la montaigne de Pomègues et au pied d'icelle, tira aussy dans le fort de Ratonneau pour empescher de monter et poincter le canon qui estoit au dict fort de Ratonneau au bord de la mer. Les galères de Florence sur les deux heures se retirèrent dans le port de Pomègues. Il y eut trois coups de canon qui donnèrent dans la galère de mon dict seigneur de Guyse, dont il en eut trois hommes tuez et vn blessé. Il y eut vn vaisseau des nostres percé d'outre en outre; mais parce qu'il estoit près de la terre il fut incontinent raccommodé. L'on a jugé trois coups de canon estre tombez en la générale des Florentins et vne antenne d'vne de leurs galères emportée. La galère du viguier se tint toujours en mer, et lit beaucoup d'effect sans receuoyr aucune incommodité. Après la retraicte des galères de Florence, monsieur de Guyse, ayant laissé des viures, des munitions, du canon et des hommes ce qu'il voulut dans le fort, s'en revint. Les Florentins enuoyèrent vne galère pour voir la retraicte, laquelle ne s'approcha point.
A Marseille, le 22 juin 4T>97.
G. Du Vair.
Coll. Dup., LXIV, fo 97, sq.
22 juin 1597. — Réflexions sur la prise du château d'If. — Agitation dans la Tille. — Bruit public qu'il importe au roi de faire cesser. — Reprise des négociations par le duc de Guise.
Sire,
J'ay assez prédict à V. M. par mes précédentes despesches de quelle importance luy estoit le chasteau d'If et quels accidents pourroient arriver à ceste prouince s'il demeuroitplus longtemps en main étrangère: Teffect s'en est suivi qui n'est néantmoins que. les primices de beaucoup plus grands maux qui viendront à la suitte. Le sieur dom Johan estant arriué a voulu, nonobstant vos lettres, affamer le fort de Ratonneau et en dresser vn autre aux Pomègues. Ce qui s'est passé, à ce subjet je vous l'enuoye en vn discours particulier que je n'ay pas voulu transcrire en ceste lettre de peurd'arrester plus long temps vostre courrier que monsieur de Guyse a retenu jusques à présent, afin de pouuoir vous donner certain aduis de ce qui arriueroit de plus important sur ce subjet qui dès son commencement montroit bien deuoir produire quelque chose d'extraordinaire. Je feray, Sire, ce queje pourray pour appaiser ce feu; mais je ne puis vous promettre d'y pouuoir beaucoup ; car d'un costé, les Florentins sont fort altiers et ces peuples-cy fort animez à la conseruation de leur liberté : c'a esté l'accident que j'ay appréhendé autrement comme celuy quej'ay jugéle plus suffisant pour brouiller vos affaires en ceste province en laquelle la crainte des est rangers et la crainte de leur domination est si grande parmy les peuples que quiconque prendra prétexte de s'y opposer tournera toutes choses où il voudra. Pour vous représenter en vn mot la conséquence do cel accident, le
peuple de ceste ville ne vit quasi que de deux choses, la pesche et le commerce. Voilà l'hostilité ouuerte, et quand elle ne le seroitpas,ce peuple juge assez que tant que le duc de Florence tiendra les isles, ils sont à sa mercy. Ce subjet de procurer la liberté authorise quiconque en veult crier, et oste entièrement la liberté à vos seruiteurs. Je vous puis dire, sans me vanter, auoir acquis en ceste ville autant de part pour vous pouuoir seruir qu'en ayt jamais homme en ma robbe ; mais en ceste occasion il ne m'est pas quasi demeuré liberté d'ouurir la bouche : et pour ce, je supplie et conjure V. M. par le bien de ses affaires, de vouloir apporter tout ce qui sera en sa puissance pour guarir ceste playe. Représentez-vous, Sire, que ce peuple est le plus auarequi soit au monde, quiauoit accoustumé de tirer tout son proftit de la négociation d'Espagne, car celle de Leuant sans celle d'Espagne ne vault rien. Il n'ayme le nom de France, sinon en tant qu'il en reçoit la protection. Tenez pour certain que, quand ils ne la trouueront en vn lieu, ils la chercheront où que ce soit.
On a fait courir icy vn bruit qui n'a pas pris peu de racine en l'esprit de ces gens cy, et lequel est mesmes fortifié par les discours des Florentins, 84 41 40 51 11 61 92 30 51 50 92 91 40 77 14 51 vii 20 41 27 85 51 60 84 21 61 87 72 30 73 41 98 30 88 41 87 40 86 21 73 51 99 41 60 51 73 93 12 20 70 72 encor 72 30 93 31 61 87 16 60 13 31 41 16 40 93 84 61 70 73 60 88 93 10 83 86 40 à recouurer v 16 60 26 16 40 88 93 60 30 72 93 40 86 30 93 90 31 77 continuant 70 40 77 40 41 35 61 89 83 51 70 92 garantir que 14 3 77 92 88 90 96 74 31 70 88 vii 79 60 89 31 80 94 50 (?) 88 76 20 90 79 92 14 41 24 «.
1 . La main qui sur les suscriptions écrit d'ordinaire le nom de Du Vair et la date
de la lettre, a écrit en interligne au-dessus de ces chiffres la traduction suivante :
(Que vous auez uendu Marseille au grand duc; que pmirlaluy asseuref on lny
Le remède que j'estime qui seroit plus propre à ce mal, ce seroit que monsieur le Grand Duc remist entièrement ce chasteau d'If entre vos mains , s'il se peust qu'il le remette de la façon dont il estoit, et, si Bausset lui est suspect, que V. M. en nomme vn autre ; et que, ce faisant, on ruine tant la fortiffication commencée à Ratonneau que celle commencée aux Pomègues ; et que monsieur le duc de Florence fasse retirer ses galères d'icy.
Sire, ce jour d'huy, monsieur de Guyze, jugeant la conséquence de ce qu'il auoit fait, a mandé vostre' courrier vers le sieur don Johan pour tirer sa response , et a pris ceste occasion pour me faire escrire au sieur Curtio, secrétaire de monsieur le Grand Duc, affin de renouer la négociation que j'auois commencée; mais il ne m'a voulu faire response, sinon de bouche par vostre courrier, qui a esté que l'on ne leur auoit rien tenu de ce que l'on leur auoit promis, et pour ce, qu'ils n'estoient délibérés de traicter d'aucune chose que le fort ne fust à bas. Voilà, Sire, ce que je puis escrire à V. M., la suppliant de pourvoir le plus diligentement qu'elle pourra à cet affaire. Ce qu'attendant, après avoir très-humblement baisé les mains de V. M. je prieray Dieu de tout mon cœur,
Sire, Qu'il vous donne en santé très-longue et très-heureuse vie. De Marseille ce 22 juin 1597.
Vostre, etc.
G. Du Vair.
Coll.Dup., 64, fo 111.
a veult bailler encores la tour de Bouc et qu'il est après a recouurer Berre du due « de Sauoie. Ceste altération continuant, je ne vous puis garantir que dans six « mois Marseille ne soit es mains du roy d'Espagne. »
1er juillet 1597. — Continuation des hostilités entre les Florentins et les Marseillais. — Proposition de trêve. — Différends avec le pape. — Difficulté de retenir à Marseille les membres de la chambre de justice.
Sire,
Depuis le 22 juin que j'escrivis à V. M., l'hostilité a toujours continué entre les Florentins et ceux de ceste ville. La veille de S. Jehan, les dicts Florentins firent vn grand effort sur le soir pour tirer en mer deux pièces de canon qui estaient encor au pied de la mer en l'isle de Ratonneau. Les isles furent tout ce soir en feu de coups de canon et mousquetades ; mais le cable dont ils tiroient le dict canon s'estant rompu, les galères se retirèrent. Depuis, le temps a esté quasi toujours venteux, de sorte que ceux de la ville ont porté au fort ce qu'ils ont voulu, et ceux du fort ont monté tout leur canon en hault. Les Florentins de leur costé ont fort travaillé aux fortz de Pomègues qu'ilz font en deux endroits, de sorte qu'il paroist prez de deux toises hors de terre; et ont trouvé au bord de la mer, dans le port, une fontaine qui les accommode grandement.
Le 27, Monsieur de Guyze fut d'aduis de regarder s'il y auroit moyen de renouer le traicté, et pour cet effet il fit escrire M. de Pericard au sieur de Lusarche, lequel enuoya aussi tost un passeport au dict sieur Pericard qui alla le lendemain au chasteau d'If, accompagné de deux gentilshommes de la ville. Et là conféra auec Curtio et le capitaine Philippe qui enuoyèrent le sieur de Lafarge vers le seigneur don Johan de Medicis luy faire entendre ce qui auoit esté proposé. Il rapporta sa volonté qui estoit d'accorder vne suspension d'armes pour huict jours, pendant
laquelle chascim trauailleroit à ses forts : pour le regard du commerce, qu'il entendait qu'il luy fust permis d'arrester ou laisser passer les barques et vaisseaux ainsi qu'il aduiseroit. Sur quoy les nostres estant prez à rompre et s'en reuenir, Curtio retourna vers le dict sieur don Johan, et enfin rapporta son consentement pour le passage des vaisseaux, mais à la charge quïlz seroient visitez, et que s'il y auoit quelque refraischissement , il en pourroit prendre pour de l'argent. Le dict sieur de Pericard remit à en communiquer à mon dict seigneur de Guyze et à leur faire sçauoir ce qu'il en auroit aggréable; et néantmoins, en reuenant, il pria le sieur de Beaulieu qui estoit au fort de ne rien altérer au préjudice de ce qui se traictoit. Monsieur de Guyze ne reuint que le démanche 29 de juin. Le dict seigneur don Johan envoya ce soir le dict sieur de Lusarche pour sçauoir la résolution de ce qui auoit esté traicté.
Au mesme jour arrivèrent à la Groisette, qui est à vne lieue et demye de Marseille, dix-huict galères de Naples, chargées de treize compagnies d'infanterie commandées par dom Garcia de Tolède , oncle du dict sieur don Johan, et par Pietro di Lena, lesquelles, le lundi matin trentiesme juin, s'en allèrent droit au port de Pomègues où elles furent receues par le dict sieur don Johan, dont la nouuelle vinst aussi tost à la ville auec vne extrême indignation contre les Florentins. Toutefois cela nous fit juger qu'il falloit d'autant plus éuiter les voyes d'aigreur et aussi pouruoir à ce que le peuple n'entrast en ombrage de ce qui se traictoit. Et pour ce, mon dict seigneur de Guyze fit faire assemblée de ville en laquelle les conditions de la trêve furent leues; et bien que l'on n'y eust pas mis que le dict seigneur don Johan pourroit arrester les barques et prendre en payant les refraischissements nécessaires, toutesfois les dictes conditions ne se trouuoient point aggréables, et l'inclination du peuple estoit à se deffendre par la iorce. Enfin l'on les leur fist accorder. Et néantmoins ils
résolurent à l'instant de se préparer à la guerre, et pour y satisfaire, imposèrent vn demy pour cent sur toutes sortes de biens. Les articles furent à l'heure mesme renvoyez au dict seigneur don Johan qui les a renuoyez ce jour d'huy premier juillet, auec ceste addition « à la charge de pouuoir arrester les barques » et voulant que la dicte suspension n'eust lieu que pour huict jours, dont il y en auoit jà deux passez. On les luy a renuoyés pour les tenir sans ceste condition, s'il les auoit aggréables. Voilà, Sire, Testât où est demeuré cet affaire, duquel ayant amplement représenté à V. M. la conséquence par mes précédentes despêches, il ne me reste sinon la supplier d'y pouruoir le plus promptement que faire se pourra. Les galères de Naples n'ont rien tenté où elles ont passé en ceste prouince, et semble bien qu'elles ne soient pas pour rien entreprendre ; car elles sont chargées de grandes dames qui passent dessus en Espagne ; mais enfin ce premier spectacle de voir les ennemis de V. M. recueillis dans vos portz, a donné vn fascheux tesmoignage et à vos subjetz et aux estrangers de combien vous importe la possession de ces isles et qu'elles soient commandées par autres que par vos subjetz. Depuis l'accident du chasteau d'If, il ne s'est faict aucun commerce en ceste ville. Le port est tout plein de vaisseaux qui ne veulent nullement sortir. Sire, M. de Guyze m'a monstre une lettre que luy escrit M. de Luxembourg, par laquelle il luy mande que Sa Sainteté se plainct de ce que Ton a pris ses bleds, et aussi de ce qu'on a chassé les Capucins italiens, mesme subjetz du roy d'Espagne et du duc de Sauoye, de ceste prouince. Quant au faict du bled, mon dict seigneur de Guyze en a jà donné compte à V. M., et est après à en donner contentement à Sa Sainteté. Je vous diray, Sire, seulement pour ce fait, qu'auec tout ce que Ton en a arresté et à qui Ton a peu , il ne s'en retrouve au jour d'huy du tout point en ceste ville, de sorte que, si nos ennemis eussent fait ce à quoy ils esloient sollicitez, vous perdriez indubitablement ceste ville-.
Pour le regard des Capucins., nous auons esté aduertis par les Capucins mesmes des menées que les estrangers de leurs ordres tranioient, comme toutes sortes d'aduis, de lettres, de nouuelles, s'apportoient icy par leur moyen; du mauuais traitement que faisoient les dicts estrangers aux François de leur ordre sur lesquelz ilz auoient supériorité, quand ils les recognoissoient affectionnez au bien de vostre estât. Voyant que les recherches que l'on pourroit faire pour la seureté de Testât sur leurs personnes et monastères seroient pleines de scandale , à la requeste des consulz et secrette prière des Capucins françois, j'aduertis le frère gardien de faire retirer tous ceux qui estoient subjetz du roy d'Espagne et du duc de Sauoye, tant que la guerre dureroit. Je priay MM. du parlement d'Aix de faire le semblable pour les autres couuents de toute la prouince : ce qu'ils trouuèrent bon, pour auoir de fraiz et fascheux tesmoignages des désordres que les dicts estrangers auoient apportés en ceste relligion. Nous auons esté en mesme peine pour le fait des Observantins qui estoient icy quasi tous Sauoyardz. Nous y auons mis le meilleur ordre que nous auons peu ; fait retirer les plus suspectz. Il nous est eschappé vn frère Gilette qui est passé en Languedoc pour y brouiller, dont j'ay eu beaucoup de regret. Comme nos ennemis font proffit de tout, j'ay esté aduerty des Capucins mesmes que le cardinal Sainte-Séuerine, protecteur de leur ordre, a pris subjet sur ceste occasion de faire mander soixante estrangers en ceste prouince, tous subjetz ou du roi d'Espagne ou du duc de Sauoye, affin, à ce que je comprendz, de nous réduire à ceste nécessité ou de les tolérer au danger très-grand de ceste prouince, ou de les chasser auec scandale. Ce sont des artitices de vos ennemis auxquelz vostre prudence pouruoira. J'ay cependant donné aduis à M. de Luxembourg comme toutes choses se sont passées icy pour ce regard, affin qu'avec la vérité, il puisse rendre Sa Sainteté satisfaite.
J'ay, Sire, aduerti V. M., il y adesià long temps, que je
ne pouuois plus retenir icy les conseillers du parlement qui seruent à cette chambre, pource que quelques prouisions que V. M. leur ait accordées, ilz ne peuuent estre dressés de ce peu d'appointements que vous leurauez ordonné: outre l'incommodité qu'ilz endurent ici, ilz sont fort sollicitez par Messieurs du parlement d'Aix de retourner. J'attendois toujours l'arriuée de Monsieur de Pontcarré, estimant que puisque la chambre ne peull pas plus longuement subsister icy, il estoit nécessaire auant qu'elle se rompist, de voir un chef en ce parlement, qui eust particulièrement soing de cette ville et sur lequel aussi V. M. se peust reposer du reste des affaires de la prouince en laquelle ceste charge luy donne plus grande part que vous ne sçauriez estimer; et pour ce je supplie très humblement V. M. de haster le voyage dudict sieur de Pontcarré, vous asseurant que la longueur et incertitude d'iceluy ne sert qu'à apporter du mal à vos affaires. Je feray cependant tout ce que je pourray pour tenir la chambre entière icy le plus qu'il sera possible, attendant sa venue et vos commandements, n'ayant plus grand souhait au monde que de vous faire paroistre que je suis tel que m'obligent et la reconnaissance et la fiance qu'il vous plaist prendre de moy,
Sire,
Vostre très humble etc.
G. Du Vair.
De Marseille, ce 1er juillet 1597.
Coll. Dup., 64, fo 108.
20 août 1597. — Différend entre le parlement et la chambre des comptes. — Recommandation en faveur du Parlement.
Sire,
Par celle que j'ay escript à V. M. du 15 de ce mois, je vous ay informé de Testât de ceste prouince. Mais Messieurs du parlement d'Aix enuoyant vers V. M. le sieur Monnier pour le différend qu'ilz ont auec Messieurs des comptes, j'ay pensé estre obligé, pour le bien de vostre seruice, de vous tesmoigner que j'ay touio'urs recognu les dicts sieurs du parlement fort affectionnez à la conservation de vostre authorité en ceste prouince, et disposez à vous y fidèlement servir (de quoy faire le temps et la constitution des affaires du pais leur donne plus de moyen qu'à aucun autre des parlements de vostre royaume) ; qui me faict croire que V. M. aura pour aggréable que je l'aduertisse qu'il vous importe qu'en chose raisonnable, ils recognoissent que vous désirez la conseruation de leur authorité pour l'employer à vostre seruice : ce qu'ils méritent d'autant plus qu'ils ne désirent autre chose que l'obseruation des règlemens que vous et vos prédécesseurs auez donnés sur la jurisdiction de semblables compagnies, et prendre le mesme règlement qui est entre vostre parlement de Paris et vostre cour des comptes et cour des aydes du dict lieu. Les différends qui sont entre ces corps là, mesmes ez prouinces un peu escartées de vostre œil , empeschent fort le bien et auancement de vos affaires: qui esucille vostre prudence et interpelle vostre authorité à les composer de façon que, sans estre diuertiz par semblables contentions, ils puissent conspirer vnanimement, à commun vœu, à l'exécution de vos commandemens, aftin que la peine que V. M. prend
journellement pour la conserualion de son estât, aidée par le fidèle ministère de ses serviteurs et officiers, vous apporte, comme j'en prie Dieu de tout mon cœur,
Sire,
Un très heureux accomplissement de vos saints souhaits et louables desseins.
De Marseille, ce 20 aost.
Coll. Dup., f° 107.
G. De Vair.
15 août 1597. — Émeute contre le chevalier Picciolini. — Gentille invention d'Amurat pour se sauver des galères de Florence. — État des esprits à Marseille.
Sire,
J'ay receu celles que V. M. m'a faict cest honneur de m'escrire par les sieurs de Doria et cheualier Picciolini. L'espérance que ceux de ceste ville avoient de recevoir quelque résolution sur le faict des fortz par l'arriuée du sieur Doria, a faict que voyant les choses remises au retour du sieur Bouchany, ils se sont aucunement altérez, de sorte que le dict sieur cheualier Picciolini, s'embarquant pour aller au chasteau d'If, fut attaqué d'une troupe de mariniers qui auecques plusieurs paroles insolentes le menacèrent de le jetter dans le port. Gomme j'en fus aduerty, bien que le nom des Florentins fust fort odieux et qu'il ne fust pas trop seur d'entreprendre de venger leur injure, toutesfois, craignant la conséquence et aussy qu'on disoit qu'il y auoit esté meslé quelques paroles au mépris de V. M., je fis dès
le jour mesme prendre prisonnier celuy qui m'auoit esté indiqué, et informer du faict. Mais bien que le faict ait esté commis en trouppe, quelque diligence qu'on ayt peu faire, on n'en a jamais sceu tirer aucune prenne, de sorte qu'il a fallu se contenter de tenir l'accusé prisonnier. Ceux de la ville sont allez à l'Hostel de Ville en grand trouppe requérir les consulz de le venir demander. J'ay pensé qu'il falloit que la prison luy seruist de peyne et d'exemple aux autres, puisque le deffault de la preuve nous ostoit le fondement de plus sévère chastiment, et aussy que la condition du temps et qualité de l'affaire ne sembloit pas le pouuoir porter sans hazarder l'authorité de voz magistratz.
Depuis , il est arriué que l'vnziesme de ce mois, Amurat Faiz s'est résolu de s'en aller d'icy, ayant pris la commodité d'ung maistral gaillard, lequel estant contraire à la route qu'il vouloit tenir, il jugea deuoir estre encore plus contraire aux Florentins qui ont leurs vaisseaux plus pesantz. Et pour ce, le matin il fit semblant de sortir et se mit enuiron ung mille en mer. Gomme les Florentins vindrent sur luy, il s'en reuint à l'entrée du port, mit ses tentes et soubz icelles fist repaistre ses gens et abattre les pouppes de ses galères. Et comme il veit que les galères de Florence furent retournées au chasteau d'If, que le sieur don Johan estoit descendu de sa galère pour aller disner, aussy tost il enuoya deuant ses deux plus pesantes galères, et auec les deux plus légères , prit son chemin vers les galères de Florence, sçachant bien qu'elles viendroient à luy pendant que les autres s'aduanceroient. Les Florentins s'estant rembarques le plus vistement qu'ils peurent, vindrent vers les deux galères d'Amurat jusques à la portée du mousquet où s'estant entretiré quelques mousquetades , Amurat, donnant la vogue raucade à ses galères et pronageant contre le vent auec beaucoup d'aduantage, regaigna ses deux galères qui estoient deuant. Celles de Florence perdant l'espoir de les pouuoir inuestir, tirèrent le canon ; et néantmoingz les
suyuirent comme ils peurent enuiron jusque la Couronne. Amurat, voyant qu'il n'y en auoit que trois qui suyuissent, tourna la proue vers elles; qui fut cause qu'elles firent voile vers les deux qui suyuoient et s'en reuindrent au chasteau d'If. Et Amurat suyuit sa route. Le lendemain les galères de Florence partirent auec le jour pour aller après. Il est venu ung marinier qui a trouué Amurat aux isles d'Ières et le sieur don Johan à quinze milles de là. Ce partement des galères nous a apporté ung peu de repos et beaucoup de soulagement; car entre celles de Florence et des Turcs elles tenoient icy trois à quatre mille bouches qui aydoient à nous affamer, la récolte ayant esté ceste année fort mauvaise, chose qui nous met icy en grand pensement.
Pour ce qui est du faict des fortz, j'en ay informé sy amplement V. M. par mes précédentes despesches , mesme par celle que M. de Pilles vous a portée la dernière, que je n'y puis rien adjouster, sinon continuer à vous supplier très humblement d'y remédier le plus promptement qu'il sera possible. Je vous ay ouuert tous les moyens que j'estimois qu'il y auoit; bien que V. M. soit honorée en ceste ville et que vos seruiteurs y ayent de l'authorité et de la bienueillance, toutefois les humeurs y sont sy changeantes, Testât de ceste ville sy disposé à mouuement (et ce subjet paroist sy propre pour y souslever quelque remuement ), qu'il me semble que Ton ne sçauroit assez craindre ny y pourueoir assez promptement.
Ce m'est, Sire, beaucoup d'heur et trop de consolation que vous ayez agréable le seruice que je vous rends icy. En quelque lieu que vous me jugiez nécessaire, quelque misère et incommodité que j'y puisse ressentir, je m'estimeray trop heureux de vous y seruir; mais considérez, Sire, que je ne puis persuader ny moings contraindre ceux qui m'y assistent d'y demeurer auec incommodité et sans appoinctement. Je feray tout mon possible, ce que je pourray pour les y retenir le plus que je pourray. Attendant vostre vo-
lonté, et cependant après auoir baisé très humblement les mains de V. M., je prieray Dieu ,
Sire,
Qu'il vous donne en santé très longue et très heureuse vie.
De Marseille, ce 15 aost 1597.
Vostre, etc.,
G. Du Vàir.
Coll. Dup. LXIV, fo<0b.
23 août 1597. — Départ de Don Johan pour Florence. — Dangers publics. — Approche des élections. — Conduite que le roi doit tenir. — Changement à faire dans l'organisation de la force armée.
SlRE,
Le sieur Chevallier Picciolini s'en retourne vers V. M., n'ayant par sa venue rien aduancé dauantage que ce que je vous ay escript par ma précédente. Le sieur de Bouchani qui deuoit apporter le commandement de M. le Grand Duc n'est point paru. Le sieur don Johan a achevé ou pour le moings fort aduancé tous ses fortz, et est party ce jourd'huy auec les galères, pour s'en retourner en Florence; de sorte que tout ce que j'en puis juger est que les Florentins estiment, tirant les choses en longueur, faire passer l'humeur à ce peuple et se conseruer où ilz sont. Je croy bien que l'absence des galères pourra diminuer quelque chose de l'aigreur etallentir la fureur de ce peuple; mais ce mal leur est sy présent, la conséquence sy sensible, et y a d'autre costé tant de gens en ceste ville qui ne désirent qu'à brouiller
et ausquelzce subjet est sy propre, que, comme j'ay sonnent escript à V. M., j'appréhende qu'il n'arriue icy quelque matin vng remuement qui sera sans remède. Il est sans doubte que, tant que les choses seront en cest estât, ceux qui seront icy pour vostre seruice y auront peu d'authorité, et vostre nom beaucoup moings de respect qu'il n'auoit auparavant. Pour ce que je ne doubte point que V. M. ne fasse tout son possible pour y pourueoir, j'attendz de Dieu le reste.
Voicy, Sire, approcher le temps du nouuel estât qui se doibt faire dans deux mois et duquel dépend fort la seureté de la ville et le repos d'icelle. M. de Guyse m'auoit proposé d'escrire à V. M. qu'elle fist la nomination ez principales charges, pour ceste année, selon le rolle que l'on luy en eust envoyé. Il eust été fort à propos d'entrer dans ceste possession, et ne doute nullement que le choix que le dict seigneur eust faict n'eust esté des personnes les plus vtiles pour vostre seruice. Mais pour moy, j'ay estimé que cela en tout temps seroit difficile à exécuter; plus en ceste saison où ce peuple a plus de jalousie de ses priuiléges qu'auparavant; et juge qu'il serait dangereux de mettre vostre authorité à l'essay en chose où il y auroit peu d'apparence qu'elle peust réussir ; et ay craint dauantage que cela mesmes empeschast d'honnestes gens qui pouuoient estre nommés ainsi extraordinairement , d'entrer aux charges par la voie ordinaire et vous y seruir vtilement. Bien ay-ie opinion qu'il soit nécessaire que V. M. escrive à la ville, au viguier et aux consulz, que vous avez désiré de conseruer la liberté qu'ilz ont eue en l'élection de leurs officiers; mais en l'estat où sont les affaires, personne n'a tant d'intérest que vous qu'il y ayt des personnes de qualité et mérite telz que vous leur puissiez confier la garde d'une ville qui vous est tant importante : aussy vous les aduertissiez d'auoir en cela considération à ce qui vous doibt estre plus agréable, dont ilz seront informez tant par mon dict sieur de G uysc, que
par ceux qui sont icy pour vostre seruice et auxquels vous en auez déclaré vostre volonté pour la leur faire entendre, leur ayant donné charge expresse, au cas qu'il se passast en cela chose contre le bien de vostre seruice et qu'il se fist nomination de personnes qui ne vous soit pas agréable, de l'empescher. Sy V. M. prend ce conseil , il faudra enuoyer vos lettres de bonne heure et en laisser la date en blanc.
J'ay faict entendre par cy deuant à V. M. l'extrême désordre qui est en la ville au faict des armes et de la garde de la ville, n'y ayant en tout que quatre capitaines qui ont au moings soubz eux vingt-cinq mille hommes portant armes, de sorte, qu'outre arriuant vne rumeur, chacun d'eux ayant cinq ou six mille hommes autour de soy, ne scait ny à qui commander ny comment, ne se pouuant ayder de ceste grande trouppe, il arrive sou uent que ceux qui sont mis en ceste charge d'an en an, sont de tout inexpérimentez et souuent de sy basse qualité que les honnestes hommes de la ville n'y veulent obéyr. Enfin, Sire, le désordre y est tel que sy Amiens a este surprins et occuppé par huict cens hommes, ceste ville peult estre occuppée par trois cens, car je n'y vys iamais peuple moings capable de conduitte que celuy cy. Chacun y veult commander et personne n'y veult obéyr. Et pour ce, sy V. M. trouuoit bon, au lieu des quatre capitaines, ordonner qu'ilyauroit quatre colonelzqui fussent quatre gentilz hommes qui auraient chacun leur compaignie particulière, et soubz eux chacun six capitaines, personnes de qualité, qui auroient chacun une compaignie, les choses à mon aduis y seroient beaucoup plus asseurées, tant pour la facilité qu'il y auroit de manier le peuple par ce nombre de chefs, que pour ce que on ne pourroit pas sy aysément practiquer plusieurs personnes, et aussy que par ce moyen les charges seroient avec quelque proportion distribuées entre le peuple et la noblesse. Sy c'est chose agréable à Y. M., il fauldroil enuoyer
le règlement par lettres patentes portant expresse injonction cTainsy le faire, et deffense à peyne de rébellion et désobéissance, d'y contrevenir, ny à ceux qui seront esleuz autrement, de s'ingérer es charges. Attendant sur tout cela vostre volonté pour m'y conformer et vous y seruir auec la déuotion que je doibz, après auoir baisé très humblement les mains de Vostre Majesté, je prieray Dieu de tout mon cœur,
Sire, Vous donner en santé très longue et heureuse vie. De Marseille, ce 23 aost 1597.
Votre, etc.
G. Do Vair.
Coll. Dup., 64, f 114.
1" novembre 1597. — Restitution des marchandises arrêtées au château d'If. — Demande de l'évèché de Riez.
Sire,
Depuis les deux despesches que je fis à V. M. le 29 octobre, Tune par le sieur Rostan vostre secrétaire, l'autre par les depputez de Tholon, il est arriué icy vn homme qui estoit sur les galères d'Espagne, par lequel j'ay appris qu'elles estoient dix huict en nombre, portoient André Doria et son fils auec quinze cents bisognes et cinq cents vieux soldats Espagnols. Elles ne se sont point arrestées aux Isles, ains sont venues droit à la Croisette. Et quatre sont venues à Eaucane faire aiguade où M. de Guyze les alla recognoistre. Depuis elles ont tiré chemin.
LETTRES DE DU VAiR A HENRI IV. 383
J'ay escript à V. M. comme le nouuel estât de ceste ville s'estoit fait auec beaucoup de tranquillité, et élection de personnes toutes telles que l'on pouuoit choisir pour le bien de vostre seruice et auec vn grand contentement de toute la ville1. Sire, lorsque M. de Guyze et le seigneur don Johan s'entreuirent, les consuls de ceste ville firent grande instance pour le recouurement des marchandises qui sont au chasteau d'If suiuant l'arrest qui a esté donné à vostre conseil. Le dict seigneur don Johan fist response que V. M. auoit escript à M. le Grand Duc une lettre depuis le dict arrest, par laquelle vous le piïeiez de ne point faire rendre les dictes marchandises, ains les retenir, et offroit le dict seigneur don Johan aux dicts consuls de les leur rendre en rapportant vn mot de lettre de vous, par lequel il apparust de vostre volonté. Les marchands à qui elles appartenoient enuoyent vers vous pour cet effect. Outre, Sire, l'affection qui vous est naturelle à l'endroit de vos subjets, la compassion de beaucoup de misérables personnes qui ont en cela le principal de leur bien vous doibt esmouuoir à les y favoriser et subuenir à leur calamité.
J'ay, Sire, aduis du decèz du sieur Rastellis, Évêcque de Riez -. Vostre bonté et le contentement qu'il vous a pieu tesmoigner auoir de mon très humble seruice me donnent la hardiesse de vous faire souvenir qu'à ceste occasion vous me pouuez donner moyen de vous seruir auec quelque commodité, mesme en la profession à laquelle je me suis dédié dès ma jeunesse. Ce que je fais toutefois auec ceste résolution de m'estimer toujours assez heureux que vous ayez mon seruice aggréable, quand bien vous ne daigneriez jamais me fauoriser d'autre grâce, et sans receuoir autre regret de ma pauureté, quand vous me condamneriez d'y
1, Il parait y avoir ici une lacune, et il manque entièrement plusieurs lettres.
