Voyez Poirson, t. 1er, p
uince se disposent mal pour fauoriser leur désir : car tant s'en faut que le peuple puisse ni veuille souffrir l'exaction de ce qui n'est pas justement deu, que mesme l'impuissance et le désespoir en jectent desià quelques vus à vue espèce de rébellion contre les sergens qui vont exécuter ce qui est justement deu, de sorte que je préuoy qu'il faudra enfin, de toute nécessité, que V. M. y apporte par son authorité souueraine vn tempérament, non selon les contractz et conuentions des parties, mais selon que la puissance des debteurs le pourra supporter sans ruyner du tout et désoler vostre prouince. L'oeil de V. M. que nous espérons bientost luire sur nous, apportera le remède à ce mal qui mérite bien d'estre réserué à l'heureuse main de V. M. qui n'a encor trouué rien d'impossible de ce qui a esté nécessaire pour la restauration de cest Estât. Cependant, Sire, il importe que ceux qui vous porteront ceste requeste recognoissenl qu'elle vous est aussi désagréable qu'elle est inciuile, tant affin que soubz semblables prétextes per-sonne ne se dispense de faire telles assemblées et coups particuliers, que affin de n'interrompre le règlement qui s'est pris pour les debtes du pais, qui est quasi exécuté partout auec un commun contentement de tous et auec cette créance que de là, après Dieu et le secours de vostre bonté, deppend l'vnique salut de ce pais.
Avant hier, qui fut le vingt cinquiesme de ce mois, passèrent icy quatre galères de Naples qui portent en Espagne le cardinal de Guenarre et le duc de Gayette. Je prie Dieu, etc.
De Marseille le [xxvne] octobre 1599.
Vostre etc.
G. Dr Vaik.
Coll. Dup., 64, 1° lin.
LETTRES DE DU VAIR A HENRI l\. W,
26 mai 1600. — Du Vair demande au roi de récompenser les excellents et loyaui services du président Coriolis , en admettant son fils à lui succéder.
SlllE,
M. le président Coriolis ' qui a longuement, dignement et laborieusement serui en sa charge, se sentant maintenant pressé de sa vieillesse et des incommoditéz qu'elle tire après soy, a pris résolution de supplier V. M. de receuoir son filzpour successeur à son office. C'est chose digne d'un grand roy, mais particulièrement conuenable à la singulière bonté qui est naturelle à V. M., de recognoistre les seruices des pères en la personne des enfants, principalement quand ils sont capables de continuer les charges où les leurs ont vieilli. Depuis mon séjour en ceste prouince, j'ay cognu le filz du dict sieur président tant de veue que de réputation, plein de suffisance, prudhommie et affection à vostre seruice; tesmoignage que j'ay pensé estre obligé de luy rendre ; et, bien que les longs seruices du père soient entiers V. M. les plus fauorables intercesseurs qu'il sçauroit désirer, toutefois, Sire, j'estime estre du debuoir d'vn vostre fidelle seruiteur de vous solliciter par ses très humbles prières de donner par le fauorable traictement d'un ancien seruiteur et officier, occasion aux autres d'espérer, en vous bien seruant, semblable gratiffication ; qui me fait à la vérité de ce tesmoignage adjouster la faueur de cette recommandation,
I . Voyez suprà, Étude sur Du Vair, p. 69. —La famille de Coriolis, dont faisait partie le président auquel Du Yair rend cet honorable témoignage, a laissé de longs souvenirs en Provence où elle existe encore. C'est à une des branches de cette famille qu'appartenait M. de Coiiolis, décédé il y a quelques années membre ■ le l'Académie des sciences, et connu par des travaux appréciés du monde savant.
laquelle V. M. receura de celuy qui n'a aucune plus passionnée affection que de paroistre à jamais, Sire,
Vostre, etc.
G. Du Vair.
D'Aix, ce xxvie May 1000.
Coll. Dup., 64, fo 126 .
6 juillet. 1000. — Du Vair donne avis au roi de l'enregistrement de l'édit apporié par M. Des Arches, et des obstacles que peut présenter en Provence l'institution d'une chambre mi-partie du Dauphiné appelée à juger les causes de ceux de la religion.
Sire,
Monsieur des Arches, estant arriué icy à la moitié du mois de juin pour poursuyvre la vérification de vostre édict, a trouué que le parlement estoit prest à se fermer à la fin du mois, selon qu'il est accoustumé. Il a fallu réparer par la diligence ce que la brièveté du temps nous ostoit de moyens de satisfaire à vostre volonté. J'y ay faict trauailler incessamment, sans y perdre un moment d'heure, et mesnagé vostre intention, en sorte que le dict sieur des Arches, a esté présent, assistant et oppinant à tout ce qui s'est délibéré, bien que jamais le parlement n'ait souffert par le passé que ceux qui ont porté les édicts ayent esté présens à la délibération. Il y a apporté tout le soing et dextérité que V. M. eust sceu désirer ; et a aussy trouué le général de la compagnie entièrement disposé à se conformer à voz volontez, comme estant fermement assuré que V. M. a plus de prudence à recognoistre, et d'affection à promouuoir
ce qui est du bien vniversel de son estât et du nostre particulier, que nous n'auons nous-mesmes. Toutefois, Sire, Testât particulier de ceste prouince faisoit naistre en ceste délibération des difficultés plus considérables qu'en aucune de vostre royaume où cet édict ait esté présenté. Mais pesant d'un costé, selon qu'il a esté remonstré, combien il importait à V. M. qu'il fust promptement et purement procédé à la vérification ; et considérant d'autre que la puissance et la volonté vous demeurent toujours en main, pour pouruoir à ce que l'on vous fera cognoistre tourner au préjudice du bien de voz subjectz, nous avons voulu,, par une prompte obéyssance mériter que les remonstrances qui vous seroient faites, pour ce qui regarde le particulier de ceste prouince et bien commun des vns et des autres, voz subjetz, fussent reçues d'autant plus favorablement de V. M. que nous vous tesmoignons ne procéder sinon de la sincère affection mie nous auons à vostre seruice et à la descharge de noz consciences. Nous auons donc, Sire, procédé à la vériffication pure et simple de vostre édict, lequel nous eussions faict publier au mesme instant, n'eust esté que les audiences estoient fermées icy dès la Saint-Jehan, huict jours auant l'arrest, qui n'a pu estre conclu que le dernier jour de juin qui est aussi le dernier jour du parlement, et que nous n'auions pas de. lettres pour le continuer, comme il eust esté nécessaire ; de sorte que la publication a esté remise au premier jour d'audience : ce que j'estime aussy pouuoir beaucoup seruir à la conseruation du repos de la prouince ; affin qu'une chose qui sans doubte se trouuera fort amère au goust commun de ces peuples-cy leur soit donnée peu à peu et auec loysir de s'y pouvoir accoustumer. Cependant aussy sy V. M. a volonté de pouruoir par une déclaration aux. inconuénients qui résulteroient de l'exécution de l'édict aux termes qu'il est cousché, elle aura le moyen de le faire. Cela, Sire, dépend principalement de l'attribution qui est donnée par vostre édict à la chambre
mi-partie de Dauphiné, des causes de ceux de la religion de ceste prouince : car, outre qu'elle est directement contre les priuiléges du pais, qui portent expressément que les habitants ne pourront estre distraits hors d'iceluy pour la justice, elle apportera innumérables incommoditéz aux vns et aux autres. Ceux de la religion se peuuent asseurer que, si ilz s'aheurtent à n'auoir justice en la prouince, ilz se chargeront d'une hayne commune de tout le monde, se doiuent proposer n'avoir aucun commerce en la prouince, et qu'ilz ne trouueront personne qui veuille négocier ne contracter auec eux; quelques arrêts qu'ilz puissent obtenir dehors, ilz n'en peuuent espérer l'exécution : en matière criminelle ceux qui seront offensés par eux ne prendront pas la peine de s'aller plaindre à Grenoble, mais aussy ceux qui les offenseront ne se soucieront pas beaucoup des arrêts du Dauphiné. Cependant, arriuant des séditions, des tumultes contr'eux ou par eux, il n'y aura point de justice en la prouince , qui y puisse ne qui y veuille pouruoir. En ceste prouince il y a des procès qu'on appelle de discussions de biens où il y a cent et deux cents parties, quasy toutes pauvres gens qui poursuyuent de petites debtes : il faut que lorsqu'il s'y trouvera quelqu'un de la religion partie , ces procès-là soient éuoquez : C'est autant que coupper la gorge à tous ces pauvres gens-là, qu'à peine ont ilz moyen de se traîner jusques aux piedz des juges qui sont à leur porte pour demander justice. Outre ces inconvénients il y en a vng qui regarde le public bien auant, qui est pour le faict des debtes et comptes des communautez, qui est la plus grande partie des procès de la prouince; pour le jugement desquelz V. M. establit icy vne chambre composée du parlement et de la chambre des comptes : sy l'on les tire hors du païs, il s'en ensuyura deux choses, l'vne, que les communautez n'iront point plaider hors la prouince; et se laisseront toutes condamner sans se défendre : car nous voyons mesme icy à nos portes
LETTRES DE DU YAIll A HENRI IV. 401
que, pour leur pauureté, toutes leurs affaires sont abandonnées, et pas une d'elles ne se deifend; de sorte que nous sommes la pluspart du temps contrai nctz, pour voir les manifestes oppressions que Ton leur faict, de juges deuenir advocatz, et faire d'office ce qui est nécessaire pour leur déffense ; l'autre, que les règlemens receuz pour ce faict en la prouince avec ung incroyable soulagement des peuples et contentement néantmoins de tous, ne pourront estre obseruez pour ne pouuoir estre entenduz ni pratiquez que par ceux qui ont congnoissance de la façon dont ces peuples-cy ont esté maniez durant les troubles par leurs créanciers et par ceux qui ont administré leurs affaires, de sorte que ce qui se trouueroit juste à ceux qui voient à l'œil Testât des affaires et la façon d'vser du pays, se trouuera indubitablement injuste dehors. Que sy en ces affaires-là les catholiques se voyent traictez d'une façon et ceux de la Religion de l'autre, je ne voy pas comme on puisse les maintenir en repos, ny moins enipescher que les communautez qui pensent auoir acquis quelque soulagement par les règlemens qui sont en vigueur icy, et s'en verront privées par la distraction qui se fera de leurs procès, ne se précipitent à un entier désespoir et ne s'opposent par la force à toutes les exécutions qu'on voudra faire sur elles. Il y a beaucoup d'autres grandes raisons, Sire, qui feront que la prouince ne supportera cette distraction qu'auec un manifeste et continuel mescontentement et extresme jalousie, lesquelles je ne représenteray point pour ceste heure à V. M. Je luy diray seulement qu'à tout cela il peut estre remédié par l'establissement d'vne chambre de juges choisiz en ce parlement : chose, Sire, que les principaux de ceux de la Religion qui poursuyuoient la vériffication de l'édict ont eux mesmes trouuée à propos en présence de monsieur des Arches, etauoit une fois esté en délibération de s'assembler pour en supplier V. M. Je m'asseure que sy vous leur faites entendre que vous le jugez nécessaire pour
vostre seruice et pour leur bien, et leur fassiez congnoistre ( que vous y estes résolu, vous les trouverez disposez à s'y accommoder. C'est, Sire, chose à quoy j'ay pensé que V. M. pourroit pouruoir auant la publication, affin qu'arrivant auec ceste modération, elle fust plus acceptable à tous voz subjetz. Toutefois sy V. M. trouve qu'il importe à son seruice qu'elle soit plus tost faicte, affin de procéder à l'exécution de l'édict par les commissaires que vous députerez, enuoyant des lettres d'adresse à la chambre des vacations, on le publiera sans attendre l'ouuerture du parlement : car enfin, Sire, comme le dict sieur des Arches l'a veu et vous le pourra tesmoigner, le général de ceste compagnie n'a autre dessein que vostre seruice, et m'asseure qu'il n'y en a point en vostre royaume où voz commandemens soient receuz et exécutez auec. une plus prompte obéyssance et plus grand désir de vous complaire : dont je loue Dieu et le prie de tout mon cœur, etc.
D'Aix, ce vie juillet 1600.
Coll. Dup.,64, fo 130.
G. Du Vair.
19 février 1601. — Lettre d'envoi d'un mémoire important dont la copie n'est pas jointe ici. — Remerciements au roi. — Bruits de guerre.
Sire,
M. de la Goua, m'a asseuré vous auoir escript le succès du voyage de Fréjus : cela m'a retenu de vous en donner autre aduis jusques à ce que j'aye eu parlé au dict Fréjus; lequel m'ayant faict vn discours qui m'a semblé contenir
beaucoup de choses considérables, mesmes vne de laquelle vos bons et fidelles seruiteurs ne sçauroient estre trop jaloux, je luy ay faict escrire le discours de sa main en ma présence; lequel j'envoye à V. M. Je luy eusse aussy enuoyé le personnage, n'estoit qu'il m'asseure que celuy qui est nommé en son escript doibt passer par icy en peu de jours, et qu'il peult seruir beaucoup à l'attraper. La sagesse et magnanimité de V. M. luy fairont mespriser sans doubte tous les mauuais desseins de ses ennemis; mais sa prudence aussi luy faira pouruoir à leur oster le moyen de les effectuer '. J'y veilleray de deçà auec la fidélité et diligence que je doibs.
Les aduis que nous auons tendent tous à la guerre. Les regimens qui estoient sortis de la prouince sont de retour et prennent le chemin des garnisons où ils sont destinez. Je croy que V. M. aura mis ordre de faire descendre icy des poudres et des boulets dont ceste coste est entièrement dépourueue.
Je remercie très humblement V. M. de la grâce qu'il luy a pieu faire à mon frère pour la résignation de l'évesché de Sisteron. J'espère que luy et moy vous rendrons tant de seruices que vous n'aurez jamais regret au bien qu'il vous a pieu luy faire. Attendant que mon bonheur m'en offre nouuelle occasion, je prieray Dieu, etc.
D'Aix ce 19 feburier 1601.
Vostre etc.,
G. Du Vair.
Coll.Pup., 64, fo 132.
1. Voy. Histoire du règne de Henri IV, par M. Poirson, t. 1er, livre VI, ch. l*r. Conspirations, séditions, attentats contre la vie du roi.
9 juillet 1601. — Sur le décri des monnaies étrangères. — Conseils au roi.
Sire,
M. de Guyse s'en estant allé trouuer V. M. fort instruit des affaires de ceste prouince, je m'asseure qu'il ne mancquera poinct de vous représenter ce qui le peult mériter, selon la soigneuse et fidelle affection qu'il a au bien de vostre seruice. Et pour ce, la présente sera seulement pour donner aduis à V. M. de ce qui est arriué icy sur le faict des monnoyes, comme chose qui importe beaucoup et où vostre authorité est nécessaire1. Le voysinage des nations estrangères, la commodité des abbordz et transportz et l'artifice des billonneurs a tellement despeuplé ceste prouince de vostre monnoye qu'il ne s'y en trouue ne peu ne prou : il n'y court que ducatons et quelques solz faulx ou bas deloy. C'est chose qui a besoing de remède et croy que V. M. a désiré de l'y mettre; et que pour cet effect ell'a faict publier les lettres patentes du décry des monnoyes estrangères, dont on a apporté quelques copies imprimées en ceste prouince, mais qui y sont arriuées en telle saison et auec si peu d'ordre et prouision des choses nécessaires pour rendre ce remède vtile, qu'au contraire le seul bruict a failly à mettre tout en confusion : car elles sont justement arriuées lorsqu'on vouloit faire la récolte; qu'il n'y auoit aulcun moien de pouuoir recouurer aultres espèces pour faire trauailler les ouuriers, ny moien de faire intermettre ceste œuvre sans la ruine entière de la province. Dauantage le délay que l'on a donné aux communautez de paier leurs debtes eschet à la fin de ce mois. Tout ce qu'ilz ont ou peuuent espérer d'argent pour satisfaire à leurs créanciers et éuiter les exécutions n'est que de monnoie
1. Voyez Poirson, t. 1er, livre vi, eh. in, De la situation financière de la France.
LETTRES DE Dl" VATR A HENRI IV. 408
estrangère. De la changer, mesme auec perte, il n'y a poinct de moien : car nos monnoies sont icy fermées et ne trauaillent poinct. Cela a donné subject aux procureurs de ce pais, sur le premier mouuement qu'a apporté la nouuelle de ce décry, de recourir à vostre cour affin d'y pourueoir. Elle les a renuoyez à V. M., et, attendant ce qu'il vous plairoit ordonner sur leurs remonstrances, elFa faict surseoir la publication du décry. Je ne doubte poinct que V. M. ne considère bien l'importance de cette affaire et n'y pouruoye auec la prudence qui y est requise. Toutesfois elPaura, s'il luy plaist, agréable que je luy représente qu'en ce faict elle doibt auoir considération particulière à ce qui est de l'estat de cette prouince; laquelle, estant destituée entièrement de bonne monnoye et proche de tous costez des estrangers, a besoin, à mon aduis, de deux choses pour pouuoir proffiter de l'ordre et remède que l'on veult donner à ce mal : la première est de ne pas faire le décry des espèces estrangères tout à coup, mais leur donner cours à leur juste prix et valeur pour quelques mois; la seconde est que vostre monnoie soit ouuerte, et la fabrication suffisante pour fournir à la nécessité du peuple. Et sans cela on ne peult éuiter un grand désespoir au peuple qui aura de l'argent et ne s'en pourra aider, ny aussy un général transport de tout l'or et l'argent qui est dans la prouince : ce que l'on a veu au décry des pinatelles1; car, pour ce que l'on leur auoit donné le prix trop bas, elles furent toutes enleuées et conuerties en marchandises inutiles; de sorte que ceste prouince compte ceste calamité pour une des plus grandes qu'ell' ait souffertes de ce siècle. V. M. donques y pouruoira par sa prudence; et attendant ce qu'il luy plaira me commander, je prieray Dieu, etc.
D'Aix, ce neuf me juillet 1 601 .
Vostre etc.,
Coll. Dup., 64, fo 433. G. Du VaIR.
1. Pinatelle ou pignatelle, petite monnaie de billon qui se fabriquait à Rome.
13 mars 1602. — Du Vair demande au roi d'accorder des dispenses au fils d'un président du parlement pour siéger comme conseiller.
Sire,
M. Chesne, second président en ceste cour de parlement, a exercé sa charge auec beaucoup d'honneur depuis vingt ans et a receu plusieurs incommoditéz pour estre estimé vostre seruiteur, et mesme fut emprisonné par deux fois en ceste ville. Il y a un sien filz, fort honneste homme, auquel le sieur Monnyer, conseiller en la dicte cour, a résigné son office. Il attend ceste grâce de Vostre Majesté qu'il vous plaise admettre la résignation sans paier finance, et luy donner dispense de la rigueur de vostre ordonnance qui prohibe l'entrée aux cours souueraines aux enfants quand les pères y sont desià. C'est grâce, Sire, que V. M. faict ordinairement à ceux qui vous ont faict quelque seruice; et qui me faict croire que plus volontiers vous la ferez à un ancien vostre officier et seruiteur qui vous a fort longuement et fidellement seruy en charge importante et a l'affection de continuer. Cela me donne aussy la hardiesse de joindre ma prière à ses mérites, et, rendant tesmoignage de la fidelle affection auec laquelle je l'ay touiours veu s'emploier à vostre seruice, interpeller vostre bonté de luy en faire sentir les effectz en ceste occasion. Lesquelz attendant, etc.
D'Aix, ce xin* mars 1602.
Vostre etc.,
Coll. Dup., «4, fo 13?.
G. Du Vair.
S octobre 1602, — Mauvais état de défense de Marseille. — Chrétiens empalés à Alger. — Arrestation à Tarascon d'un 'espion trouvé porteur de poison, et qni publie partout que le duc de Biron est innocent.
Sire,
J'ay receu celle que V. M. m'a faict cest honneur de m'escrire du vingtiesme septembre. Je satisferay à ce qu'il vous plaist réordonner par icelle le plus soigneusement qu'il me sera possible. Il est vray que, pour ce qui concerne les crues qu'on audit résolu faire, j'ay desià aduerty V. M. par mes précédentes, comme cela estoit demeuré sans exécution; de sorte que peu de jours après auoir receu l'aduis qu'il pleust à V. M. enuoyer, on s'est tellement rasseuré, bien que pour moy je n'en voye point de raison, qu'il ne s'est effectué rien de ce qui auoit esté proposé, et ceux de Marseille demeurent auec aussy maunaise garde, aussy dégarnis de munitions et d'armes qu'ils estoient auparauant ; et, par l'artifice de quelques vns, l'effect de cest aduis s'est entièrement conuerty en un bruict que l'on a faict courir que c'estoit un prétexte pour bâtir une citadelle en la dicte ville de Marseille, et que c'estoit moy qui en auois donné l'aduis à V. M. Ainsy ne mancque t-il point de gens qui destournent touttes les occasions qui se présentent, au préjudice de vostre seruice. Toutesfois je ne veoy point que le général ne soit toujours auec la disposition qu'il doibt auoir au bien de vostre dict seruice.
Nous n'auons point d'aultre aduis d'Espagne, sinon que les galères sont toujours à Garthagène : les vns escriuent qu'elles doiuent repasser en Italie auec de l'infanterie; les autres qu'elles donnent à Alger. J'ay veu lettres escriptes de la dicte ville d'Alger, du quinziesme de septembre, qui
portent qu'ilz ont empallé Saluador de la Cruz duquel V. M. a cy deuant ouy parler, et ung aultre chrestien et un renié, pour auoir trouué quelques lettres qu'vn père Mathieu et dom Garcie leur escriuoient.
Entre aultres qui ont esté pris en ceste province semant des bruictz, il y a vn nommé Horatio Ressano, Piedmontois, qui a esté pris à Tarascon, lequel disait partout sauoir de bonne part que le duc de Biron estoit innocent et que l'on ne Fauoit faict mourir que par enuie '. Cet homme a esté trouué saisy d'arsenic et aultres poisons et encore de quelques charmes : il a esté amené icy. On lui a faict son procès. Tl faisoit des présens à Tarascon à plusieurs personnes, à mon aduis pour y trouuer seureté; et, à ce que j'en ay peu jusques aujourd'huy comprendre, son principal mestier est de faux monnoyeur. S'il se descouvre aultre chose par le procès, qui mérite estre sceu de V. M., je ne manqueray point de le luy faire promptement sçauoir. Priant Dieu, etc.
D'Aix, ce huict octobre 1602.
Vostre etc.
G. Du Vair.
Coll. Dup., 64, fo 139.
3 décembre 1602. — Avis d'une entreprise à Perpignan. —De l'édit des monnaies. — Sédition à Marseille. — Du Vair considère l'édit comme nuisible.
Sire, Ayant receu celle que vous m'auez faict cet honneur de m'escrire du 1 3 nouembre, j'ay aussitost enuoyé aux consulz
