Voy. Étude sur Du Vair tuprà, p

eust à mon aduis esté exéquutée si Donon enst tenu bon en sa maison, comme il auoit promis. En 90, au commencement de l'année, quand M. de Lion proposa de faire entrer les Lansquenetz en garnison, je m'y opposay en plein hostel de ville. Après la leuée du siège, on proposa d'enuoyer vers le prince de Parme pour le prier de demeurer en France : j'aiday en parlement à rompre ce coup-là et en portay beaucoup d'enuie : 92, je proposay en parlement qu'il falloit faire la paix et, sur ma proposition, remonstrances en furent faictes à M. de Mayenne de la part du parlement. Je le proposay depuis publicquement à l'hostel de ville. Vous sçauez, Monsieur, ce qui s'est depuis passé aux Estats, la protestation publicque que j'y fis contre l'eslection qu'on y vouloit faire; l'arrest de la cour pour la loy salique auquel je croy que personne ne peult prétendre plus grande part que moy. Vous sçauez les hazards que j'y ay courus de ma vie, laquelle Dieu m'a miraculeusement présentée le 14tes""' juillet il y a un an passé. Tout cela ne me peult pas garantir que quelques gens pleins d'enuie et de malignité, s'ils ne me blasment ouuertement pource qu'ils y recevroient trop de contradiction, au moins ne me picquent à couuert, et me facent, en ce qu'ils peuuent, perdre la grâce que les honnestes gens m'en ont. Ils disent que je suis vn fin; que tout ce que j'ay faict, c'a esté pour me conseruer et sans aucun hazard, taschant de plaire à tous les deux costez.

C'est pour vous dire que, si moy, qui suis vn escollier couuert de ma solitude et de l'ombre de mon estude, et dont la fortune mérite plus tost pityé qu'enuie, je ne puis néantmoins éuiter les traicts venimeus de la calomnie et malignité, comment vous en pourriez vous exempter, vous, dis-je, Monsieur, qui auez eu par le passé vne fortune si esclatante que le lus.tre en peult faire mal aux yeux des enuieux, voire jusques après vostre mort, et qui tenez encore et du rang et du nom en ce royaume beaucoup, voire tant qu'vne partye de ceux qui sont aux affaires semblent

appréhender vosfre réputation, et se parent contre vous comme contre celuy de qui ils cognoissent tenir la place 1 Ceux là pourront espérer de ne point estre touchez de la calomnie dont les actions seront eouuertes de ténèbres, et ceux-là devront appréhender d'en estre touchez ausquels il n'est pas aisé de se justifier. .Mais vous, dont les vtiles et salutaires actions ont tant et tant de tesmoings qui en parlent publiquement, n'en deuez faire aucun compte et estimer que les mesdisances et détractions (principalement qui courent sans autheur et sans aduis) s'esteindront en la réputation de vostre vertu comme vn flambeau feroit plongé dans vne eau profonde.

Je ne veux pas, Monsieur, entreprendre de vous encourager à continuer à seruir le public et brosser au trauers de toutes les espines pourparuenir au but que vous vous estes toujours proposé qui est de rétablir ce pauure et misérable royaume à son ancienne splendeur. C'est vne voix que vostre naturel vous sonne continuellement aux oreilles; mais seulement vous veux je dissuader cette trop sensible délicatesse qui, picquant vostre vertu, la pourroit aigrir et destourner du désir qui est nay auec vous de seruir le public. Mais, contre la voix de dix ou douze mesdisans, ayez celle d'vn million qui vous louent et exhortent de perséuérer. Les plus amers poisons, détrempés en petite quantité parmy beaucoup de sucre et d'eau, s'addoucissent et perdent et leur mauuais goust et leur malignité. La condition des mauuais seroit trop heureuse s'ils pouuoient, exaspérant les gens de bien, priuer ceux qui les ayment et le publicq mesme des secours qu'ils en attendent. Au contraire c'est la principale vengeance que vous deuez prendre de vos malueillans que de leur faire cognoistre qu'ils ne vous sçauroient esbranler ny faire changer de volonté, et faire paroistre par vos actions présentes et à aduenir combien celles du passé sont éloignées de ce qu'ils en ont voulu publier; car, encore que les passées se. puissent def-

fendre d'elles mesmes, si est ce que, leur mérite estant affoibly par l'oubliance qui déteint toutes les choses de ce inonde, elles ont besoing d'estre releuées et rechargées par la vive couleur des présentes. C'est à quoy, Monsieur, je croy que tous vos amys vous appellent. Si ma voix, joincte auec la leur, peult renforcer ce vœu, je l'y associe de tout mon cœur et prie Dieu vous conseruer sa grâce.

Vostre très humble et très obéissant seruiteur.

G. Du Vair.