REQUÊTE ET SUPPLIQUE DE PIERRE PILLART

(Deux pièces. Archives nationales; J. 1024, n° 80.)

Guillaume Savouré, prevotde Biaumont, a mandé mesire Pierre Pillart, chevalier, du Menil, que il viengne a li. Li chevalier i vint. Li prevot a mandé .1. cheval en sa meson. Li prevot a enprisonné le cheval et chevalier, et tient deques a la venue le balli. Li chevalier devant le bailli s'aparet et demande reson pourquoy il est enprisonné. Li bailiz dit : a Por ,1. cler que vous eez batu,si comme

il dit, et tolu .II. chevas, don li .1. est trové seur vous. » Li baillis fet venir le cheval devant le chevalier, en la presensse assez de bonesgens. Li baillis demande au chevalier ce ce cheval fut trové en sa meson. Li chevalier dit : « Oil. » Li baillis li demande dont il li vint. Li chevalier dit : « Vous tenez en vostre prison Simon de Monci, qui le me loa .1. sestier de blé por fere mes mars ; si le quenoit bian ; ni est, si le nie, si sui ge prez du prover par bones gens. » Après ces paroles distes, li baillis a agrevé le chevalier de prison ; il li ennuie, au chevalier ; adrecierez a celi qui le cheval li avet baillié, et mènerez les serjans le roi avesques eus devant eus. Il requenut le cheval a son, et dit que il le garandiret devant toz bornes. Li amis au chevalier adrecierez a la court et requidrez le chevalier a avoir ou estrous ou par plesges ; avoir ne le peurez. II requierez que droit li feut fet en prison tenant. Mesire Jehan d'Acre, qui estoit en liu des mestres, quémanda au bailli que il ajornart les parties et feit dret an par les chevaliers. Li baillis les ajorna, et vint la ou li chevalier estoit lia et .III I. chevaliers, ne nien plus. La fit li cler sa clemmeur seu le chevalier, et dit que il avet menguié et tolu ses chevas, et offre a prover que le cheval qui fu trové seu le chevalier est son par bons tiegmoiz. Li chevalier nie le fet, et offre a deffendre soi, si il est nul qui plus en veille fere. Li cler dit que il n'en veut faire que le palier. Li baillis demande au chevalier : « Que dites vous de ce cheval qui a esté trové en vostre meson ? » Li chevalier dit \ « Je trove mon garant du cheval par quoi je voil estre cuiste ou droit, ce droit li est véé. » Li baillis prent le serement du chevalier, ou voille ou non, et du cler et des tiemoiz que li cler a amené por fere le cheval a son. Li chevalier demande au bailli ce ce est contre li que il veut fere oir ces tiegmoiz ; a ce ne respont nient li baillis. Li baillis remest le chevalier areres en prison, il en n'envaie le cler cuistes et emmeine les tiegmoiz avesques li. De chose que li tiegmoiz diez le chevalier ne set nient. Li baillis quémande au prevot que il meste le chevalier en une cherreste encortinée et qui l'envoit a Clermont ; et il le fit san autre jugement. Le baillis quémanda au prevot que il meint le cheval en la vile au cler, et let le cheval aler en l'entrée de la vile ; si va en la meson au cler, et li cler a .1. tiegmoin que il set son en la vile ; si li let le cheval comme sien. Li prevot lésa le cheval aler en l'entrée de la vile ; li cheval n'i ala pas, quar il n'i s'i quenut en riens que il n'i avet onsques entré. Li prevot manda les bones gens de la vile, et demanda par leur serement ce ce cheval avet onsques esté au cler ; il direz que nennin, ce leur est avis, mes il a la .1. garson qui fu longuement a li : « cil vous en dira la vérité. » Li garson fu mandé et vit le cheval, et dit par son serement : a Ce cheval ne fu onsques au cler. » Et dit porquoi : « Li cheval au cler estoit grant, cit est petit. Li cheval au cler anbloit sautter. Li cheval au cler estoit vieus, cit est jeuneus. Le cheval au cler avoit une horesle fendue, et en cel oresle avoit une tache ; que quiconque die que ce cheval feut au cler, il faut a voir dire. » Li chevalier atent le droit, si comme mi sire Jehan d'Acre ('avoit quémandé. Li baillis mit le chevalier en villaine prison de micaresme deques près de Noël. Lor li dit la famé qui le gardoit qui ne seroit pas longuement en ceste prison. Il demanda : « Ou donc ?» La famé dit : * En prison jurée » .1. chevalier demanda : « Comment est-elle jurée ?» Elle dit: « A torjors. » Li chevalier 01 ces noveles pluseus fiez; de l'angoisse

348 tlll BERGER

qu'il eut devint griés malade, et fu lié de la maladie, quar il voloit mieus morir que estre torjor en prison, puisque droit estoit mors por li. Il requît confecion et le cors Nostre Segnor a avoir. Tôt ce li fut née. Adonques ot il pour de perdre s'a me après le cors. A plus tôt que il pot il mit sen cors a sauveté en l'esglisse de la mère Dieu. La vint le prevot du liu a li, et li demanda porquoi il estoit esu de la prison. II dit : Por ce que il ne povet avoir droit, et si l'avoit quémandé mesire Jehan d'Acre. Li prevot dit: « S'en vous voloit fere droit, rentarez vous en la prison lo roi ? » Li chevalier dit : « Oil, molt volentiers, mes que soie cuiste de la prison brisée par amende d'argent. » Li prevot dit : « Comment seron nous seurs que vous ce voloit fere? » Li chevalier dit: « Je suis près et apareslié de rentrer en la prison en tel mennire que, ce li baillis mande que il me voille fere hatif droit par les chevaliers de ceste chastelerie, que je demeur en la prison por le droit atendre, et ce li baillis ce ne veut fere, que vous m'i remetoiz. » Li prevot dit : « Ce ne vous feré pas, quar je aroie pour que je ne vous peeusse ici remettre, se vous en aviez mestier; mes, si vousplet, sofrez qu'il est ceens .1. home en .1. ennel par .1. pié et vous par l'austre. » Li chevalier dit : a Ensoies le soufaré ge que je desirete ne moi ne mes enfans. » Li baillis mande au chevalier que seurs et certein soit il que volentiers [orra] ces resons contre ses aversares, et volentiers le fera passer par jugement de chevaliers ; et dit li baillis que volentiers li eidera envers lo roi a son povoir ; et li chevalier entre en la prison en ce droit atendant; .1. en ou plus avoir ne le puet. Li chevalier requier au roi de France por Dieu que il voille qui viengne par devant li por soi espurgier de ce fet et de toz austres, tant que cuiste puit demorer, si nez que chevalier doit estre de toz fez ; que li rois est merci de li por Dieu, et ce cen ne puet fere, il done plain pover au roi de fere de li sa volenté, san soi mesfere en riens.

Au dos : « Ceste chose est de Pierre Pilart, chevalier. »

A vostre grant hautesce, très gentieus rois de France, je Pierres Pillart, du Menil, chevalier de la conté de Biaumont, requier merci por Dieu. Sire, por Dieu, resgardez se j'é tant atendu merci que je la doie avoir, et sachiez que ma doleur est si péme que enviiz enquareiz moi ne autrui ; et si commença en micharesme ot .1. en. Sire, por Dieu, voloiz que ceste doleur prengne fin, et si ne vous plet que j'aie repos, et si me changiez ceste paine a une austre, si vous plet. Et si ne vous plet, por Dieu, quémandez que droit me soit fet. Sire, je le vous requier comme cil qui de chose qui atour a mustre ne a laresîn ne a rap ne doute ne Dieu ne droit en riens. Sire, por ce que je vous requier, por Dieu, que vous ceste ennour me faciez, qui vous plesse que je viengne par devant vous por moi espurgier de toz ces fez. Sachiez, Sire, que je en feré ennour a toz ceus qui de gentillesce s'oseront renummer ; et si vous plest que toz les gentieus homes de la conté de Biaumont povres et richez i soies, je vous offre tant à

fère et a dire divant aus que vous vous tendrez a paie de moi. Et ce ces choses ne vous pi esses, si vous requier ge que vous enqueroiz a chevaliers et a bones gens qui m'on veu et conneu mes euvrez en vostre riaume et dehors, la u j'é sui vous et vos anceseus, en Talé que en n'ala à Damieste et quan en ata en Sesile, et au siège a Marselles, et au siège de Tunes. En toz ces lius trovarant chevaliers et bones gens qui m'aront veu et queneu mes euvres. En la prtsure de tieus gens me metroi ge volen tiers ; et feissez ceus qui me héez ' leur pover de moi nuire, quar je cuit pas deniers i eusses mestier.

1. 11 manque un verbe qui doit avoir le sens de « laiwer » ou de « perdre ».