Ms. caussene

cilcstre (f° 172'^) boinne de ierre, et orpiment, et boin aisil, ues de formis assés. De ce est li celestre fait. Trestout la u ons l'atouchera, sachiés que li pos i carra. — [8] A faire crespe cavalure, prendés fuelles de fau, cuisiés les bien et longement; le cief en lavés mult souvent. Après ferés cet ongement: jus d'amer fuel en oilefrit. Si vous enongniés. — [9, E 2, B 171] As ieus ki larmient, prendés rue et le fiel d'une ciévre et miel, et soit bien trieblé et batue a une penne. Quant vous irés coucher, le metés en vos iex ; si garrés. — [10, B 171] Pour la chachie, ostre : Prendés fenoul et arrement et kievrefuel et miel et vin. Triublés tout çou en .i. bachin, puis le coulés parmi .i. drap; es iex le metés. Le celidone me prendés; a lait de femme le mellés ; ce garist les iex cachieus. — [n] A tenres eus et a calour, le plantain o aisil triblés. Le jus après fors pressés, et s'i metés (f° 172'^) l'aubun d'uef. Le lin metés dedens che jus. Quant il ira coucier, vous en plasterés vos iex de çou, et che vaut. — [12] A cheus ki ont tourble veue, prendés fenoul et prendés rue et le fiel de la pietris, et si metés miel. Et si le dégoûtés a une penne en vos iex au concilier. — [13] Encore pour tel cose, prendés le jus de le vervainne et le mellés a lait de feme et si le dégoûtés en vos iex. — [14] Se vous i avés le mengue, si prendés rue et calidone, et le jus metés en vos iex. — [15] Contre les seùrons' de sorchius, .i. oef dur cuit face peler tout caut et a .i. coutiel coper par quartiers et si ait .i. drap linge biel et blanc et le doit mètre sur ses iex et puis le quartier del oef sji caut k'il porra, et si le tiegne sous les iex. Adont isteront li seûron et puis si escoués le drap es carbons, si orés les seûrons croistre. — [16] Vermine i a d'autres manières : (f° 175-'') es sorcius sunt et es paupières. Le cief lor enfle et mengue. Prendés saulge et airement, et bon aisil; s'en faites .j. enplastre et metés sus le mal; si garira. — [17, B 171] Encore vesci autre mechine contre cachie et autre dolour : l'aluisne un petit bâtés et le metés sour le paupière, et se li tenés longement k'il escaufe. Dormes vous après, si serés waris ains l'endemain. — [18] Vesci un autre contre çou encore : prendés fréses quant elles sont, et miel caut bien escumét; si les mellés emsanle et coulés le toute, et si en metés en vos iex, si les ares et biaus et nés. — [19, E3, B 172J Contre le mail del oel, fâche batre gingenbre et cire, purer avoec sanc d'anguille u de fiel ; si soit bien mellét tout ivel u avoec le fiel de la pietris ; si garira. — [20] Chil ki l'ont eut grant pieche , si doivent prendre vert de grisse bien délié et bien menu molu (f° 173'') et si le face passer parmi .j. drap por faire plus menu que nule farine. Si doit estre mellét avoec oint de geline en .j. bachin