La suite manque

de forment; si croistera delivrement. — [33] Il i a apostumes, les unes sont dures et les autres moles. Li mol sunt de fleume u de sanc, et si sunt cil ki mains nuisent, et li autre de mélancolie. A che prendés séneçon et (oint de) ves ^ oint de capon i metés; ça moliera, et assés tost a cief traira. — [34] Pour cleus felenes, de ches (f° 174=^) vers ki sont en terre qerrez ; si les froisiés et faites loier de sus le cleu pour avoir cief. Querés vielle cervoise et metés dou lait avoec. Si le boules et puis si prendés l'espès desus, si le liés sour le cleu, che tue tout drancle. — [35] A feme ki veut avoir mamelete petite, le chêne prendés verde et avoec froit aisil le metés ; si les ares petites,

— [36] Se vous volés savoir quant une feme porte, quel enfes c'est, prendés eve et .i. vaisiel net et li faites dégoûter ens de son lait. Se ch'est malles, il afonderra, et se c'est fumele, il flotera. — [37] Contre escaudure, prendés feutre et le faites ardoir et si le trivlés en .ij. aubuns d'uef et metés sur l'arsure. — [38, B 172] Pour drancle, prendés fleur d'orge et semenche de lin; boules en aisil uen vin, et si metés siu de mouton, cou ocist drancle félon. — [39, £56] Contre celui ki est ensorcelés (f° 174''), querés li .ij. blans hierens; si li devés apariller que geline pour menger. — [40] D'une mechine me ramembre, ki seut valoir a mal de membre : la primerole me triblés ; avec oint sour le mal metés. — [41, E 29, B 175] Vesci lagarison des vers dou ventre ; prendés merfuel et coumin, aigre vin et aisil et si le cuisiés ensanble et puis tout caut sour .j. drap et sour le nombril le loiés, si garira.

— [42, M i] Se vous volés savoir se uns hom mora u non, quand il est malades, prendés sen orine et se le metés en un vaisiel, et faites une feme ki nourise un oir malle dégoûter de son lait ens. Se vous veés le lait floter, il mora, et se li lais se melle aveuc l'orine, si puet bien warir^. Et a le feme s'ele est malade, prendés le lait d'une feme ausi com devant ki nourisse une puciele. — (f° 174'^) [43] Pour gleemee oster du venti'ail, prendés aluisne avoic rue et luveske et le cuisiés en cervoise, et le bevés tout caut, si serés vv^aris. Au cief de .viij. jours serés tous sains se boif aluisne; l'endemain au soir le boif et au matin et polieul. Tantost que tu veus délivrer, boin pain et boin vin dois user. — [44] Ki veut avoir boine vomité. Des seûs prendés les