Peut-étre mal écrit, pour « XII ou XIII c. m. livres
2. Le mois est en blanc, mais l’emprisonnement eut bien lieu au mois de janvier 1527, ot le 8 était un dimanche.
c’estoit une feinte dudict emprisonnement d’iceluy Prévost.
« Item (1527) aussi fut prins prisonnier a Lyon et amené 4 Paris un nommé Robert Albisse (Albizzi), Italien, bancquier, parce qu’il estoit de Valliance et qu’il s’entendoit avec ledict de Beaulne, et qu’iceluy de Beaulne luy bailloit grossesomme de deniers qu'il prestoit au Roy a intérest, et neantmoins c’estoit ledict de Beaulne qui en prenoit les proufitz.
« En ce temps, un autre bancquier nommé Thomas Cadaigne, Florentin, estant 4 Lyon, et-estoit fort puissant homme riche, oyant ces nouvelles, il s’enfuit de Lyon et s’en alla en Avignon, parce qu'il estoit des alliez et complices dudict de Beaulne, et eust esté mis prisonnier s'il ne s’en fut fuy.
« Kt est a noter que furent déléguez de par le Roy aucunes personnes pour estre juges et pour faire le proces dudict de Beaulne ; c’est asscavoir le premier president nommé de Selva, le lieutenant civil de | Chastelet nommé de Bourg, les premiers presidens de Toulouse et Dijon...
« Audit an 1527, le vendredy neufiesme aoust, la veille de la feste Sainct Laurent, fut prononcé l’arrest contre messire Jacques de Beaulne, natif de Tours, chevalier, seigneur de Sainct-Blangay, qui fut général des finances du Roy, ainsi qu’il s’ensuit :
« Veu par les juges ordonnez par le Roy le procés criminel faict contre messire Jacques de Beaulne, chevalier, seigneur baron de Sainct-Blangay, vicomte de Tours, conseiller et chambellan du Roy nostre sire, baillyf et gouverneur de Touraine, prisonnier
4 la Bastille, les informations, interrogations, confessions, confrontations de tesmoings, lettres, registres, estas et autres papiers, lettres de cléricature dudict de Beaulne, cayers de défences, justifications par luy baillez, le procés faict par devant les commissaires sur ce ordonnez, tant au Montilz-soubz- Bloys que en ceste ville de Paris, et autres papiers par luy employez pour ses justifications, ensemble les procés mis par devers les juges par madame Jeanne Ruzé sa femme et messire Guillaume de Beaulne, chevalier, général de France, son filz ; yeue aussi la requeste présentée par Madame mére du Roy tendant a ce que le jugement qui seroit donné sur le dict procés criminel fust sans préjudice de la debte et sentence par elle obtenue; et tout considéré: dit a esté, sans avoir regard a la lettre de cléricature dudict Jacques de Beaulne, du privilége de laquelle il a esté déboutté, iceux juges ont deéclaré et déclarent ledict Jacques de Beaulne estre attaint et convaincu des larrecins, faulcetez, malversalions, abbuz et males administrations es finances du Roy mentionnées audict procés; et pour réparation desquelz crimes et délitz ilz l’ont déclaré el déclarent estre privé et le privent de tous honneurs et estas; et oultre iceluy ont condamné a estre pendu et estranglé au gibet de Montfaulcon, et tous ses biens meubles et héritages confisquez, sur lesquelz biens et confiscation sera prinse la somme de trois cens mil livres, tant par exécution des sommes des parties robbées et mal prinses par ledict de Beaulne sur lesdictes finances du Roy,
nostre sire, et autres dommaiges et interestz, par luy faictz et commis en icelles. Laquelle somme lesdictz juges ont adjugée au Roy, nostre sire, pour ladicte restitution, et ce sans préjudice de la dicte debte prétendué par ma dicte dame mére du Roy.
« Kt fut prononcé iceluy arrest ledict jour neufiesme aoust 1527, vigille de Sainct Laurent, par maistre Guillaume Maillart, lieutenant criminel au Chastelet de Paris, commis par les dictz commissaires pour luy faire ladicte prononciation. Ce qwil fist 4 la personne dudict de Beaulne.
« Dont aprés la dicte prononciation faicte, le dict de Beaulne se porta pour appelant en la cour du Parlement, disant par luy que ladicte prononciation estoit par sentence, et que d’icelle il en pouvoit appeler en la cour souveraine du dict Parlement. Par quoy, au moien dudict appel, ’exécution surcéa jusques au lundy ensuivant...
« Item, comme dit est, le jour de lundy (42 aout), il partist de la Bastille et fut mis sur une mulle, aiant le bonnet en sa teste, sans estre lié, et avoit vestu une robbe de drap frizé de couleur tannée, obscur, enfumé, un saye de veloux noir, et l’accompagnoit ledict lieutenant criminel avec monsieur de Gonez avec tous ses archers, lequel estoit lieutenant du prevost de Paris. Et aussi y estoient... les gens du guet a cheval et 4 pied, les sergens de Chastelet et moult de peuple de la ville, tous en gros nombre; et luy fut faict son cry en trois lieux, c’est assgavoir porte Bauldetz, devant Chastelet et au gibet.
« Item luy fut baillé pain et vin devant l’église des
Filles-Dieu par ledict couvent, comme on a de coustume faire aux pauvres criminelz. Item il luy fut baillé une croix de boys paincte de rouge en sa main, et luy fut mis la teste nue, et osté son bonnet, et fut mené jusques au gibet, la teste nue...
« Or est il ainsy que ledict de Beaulne, depuis la reddition de compte cy devant mentionnée il fut accusé par un nommé maistre Jean Prévost, son clerc, qui aussi estoit trésorier des finances du Roy... Mais en faisant ladite accusation envers le Roy il obtint pardon du Roy et abolition desdictz larrecins qu’il avoit faictz avec ledict de Beaulne. »
Un autre chroniqueur parisien du temps nous donne des détails intéressants sur le supplice de Semblangay :
« Kt comme eussent aucuns présidens et conseillers vacqué par plusieurs jours a faire son procés, aprés qu il eust veu la mort de ses filz puisnez*, Iesquels, a granz frais et mises, il avoit procurez estre pourveuz, finablement fut iceluy Jacques Fournier ou de Beaune par les commis a faire son procés condamné a estre pendu et estranglé au gibet de Montfaucon. Mais comme on luy eut prononcé son dicton, survindrent quelques nouvelles par quoy l’exécution fut retardée jusqu’au lundy suivant, auquel jour... partit de la Bastille. Ledict seigneur estoit aagé de septanle et cing ans, qui tant d’honneur avoit eu
1. De Jeanne Ruzé, sa femme, il avait eu trois fils : Jacques, évéque de Vannes, mort en 1511; Martin, archevéque de Tours, mort quelques mois avant son pére, et Guillaume, qui
conserva la baronnie de Semblanc¢ay et finit par reprendre sa charge de général des finances.
