Thème

L’ingratitude. — Philippus, Macedonum rex, habebat militem manu fortem, cujus in multis expeditionibus utilem expertus operam, subinde ex præda aliquid illi virtutis causa donaverat. Hic, naufragus, in possessiones cujusdam Macedonis expulsus est; qui, ut nuntiatum est, accurrit, spiritum ejus recollegit; in villam ilium suam transtulit, lectulo suo cessit, diebus triginta impensa sua curavit, refecit, viatico instruxit subinde dicentem : « Gratiam tibi referam; videre tantum mihi imperatorem meum contingat! » Narravit Philippo naufragium suum, auxilium tacuit et protinus petiit ut sibi prædia cujusdam donaret. Ille quidem erat hospes ejus, is a quo receptus erat, a quo sanatus. (Sénèque.)