Casel, bourg, village

genz a cheval, des plus preuz, des plus hardiz et des plus esleüz de toute nostre ost furent tuit perdu, n’onques n’en sot on certaineté. Li rois, quant il ot passé le

flun, et les autres batailles qui estoient avueques lui, vindrent tout ordeneement et tout rengié cele part ou Hi Sarrazin estoient. Mais li Sarrazin, qui les nostres orent si laidement desconfiz, furent monté en si grant orgueil qu’il ne prisoient mie le roi ne tout le remanant de nostre ost un boton. Tantost come il perceurent le roi, par grant orgueil, par grant beuban et par grant desroi vindrent hardiement et fierement encontre eus. Quant li rois vit ce, bien se pensa que cil qui devant alé estoient avoient mise la crestienté qui la estoit en mauvais point. Il coumanda a touz ceus qui avuec lui estoient qu’il se tenissent tout serré. Mout les amonestoit et disoit qu'il ne devoient point douter cele grant plenté de mescreans qui venoient contre eus, car nostre sires Dieus Jesu Criz, pour cui il estoient la alé, estoit plus forz et plus puissanz que touz li mondes. Quant li Sarrazin s’aprochierent de nostre gent, la noise i fu si granz de corz et de buisines, de tabours, de criz de genz, et de chevaus, que c’estoit granz hideurs a oïr. Il aceinstrent les noz tout entour et traistrent si grant plenté de saietes et de quareaus que pluie ne gresil ne feïssent mie plus grant oscurté, si que mout i ot navré de noz genz et de leur chevaus. Quant les premieres routes des Turs orent vuidié touz leur carcois et touz leur traiz, il se traistrent ariere. Mais les secondes routes vindrent tantost après, ou il avoit encore plus ; cil traistrent encore plus espessement

436 | + APPENDIOS OU 4 assez que n’avoient fait li autre. Li rois et nostre gent n’avoient nul arbalestrier Îa endroit ; cil qui avoient passé le flun avueques le roi avoient esté tuit ocis avueques l’avant garde, car liSarrazin ocioient sanz espargnier trestouz les arbalestriers-qu'il prenoient. Quant li rois et nostre gent virent qu’il perdoient ainsi leur chevaus et eus meïsmes, il ferirent des esperons tuit ensemble contre les Turs pour eschiver les saictes : assez en abatirent et ocistrent.en leur venue aus glaives et aus espees. Mais la plenté des Turs i estoit si gran que peu ou point i paroit : quant il i avoit aucun Turc ou ocis ou abatu, tantost ravenoït autres en son lieu touz frès et touz nouveaus. Li Turc virent que nostre gent et li cheval estoient mout blecié et a grant mes- : chief, si pendirent isnelement leur ars aus senestres braz desouz les roueles et leur coururent sus mout cruëlment as maces et as espees. Si durement tenoient noz genz a destroit de toutes parz que c’estoit une merveille a veoir. Assez ot de nos genz qui furent a cele bataille, qui puis dirent et afermerent certainement que se li rois ne se fust maintenuz si hardiement et si vigoureusement, qu'il eüssent esté tuit mort ou pris, Onques . li rois ne trestourna son viaire ne n’estuia 1 son cors

des Turs. I] confortoit et amonestoit nostre sent de … bien faire, si qu'il en estoient tout rafresci. Mout se defendoient vigoureusement, si au desouz come il sstoient, et soufroient cele grant plenté de Sarrazins qui descharjoïent seur eus, les unes routes après les

4, Estuia. Estuler, de estui, cacher, protéger,

ACT e ge e

-antres. Ainsi dura cele bataille jusques entour none. Li chevalier et les autres genz qui estoient a noz herberges, qui bien vecient ces choses, ne les pooient secorre, pour le flun qui estoit entre deus : tuit, et petit et grant, braioient et ploroient a haute vois, batoient leur-piz et leur testes, tordoient leur poinz, esrachoïent leur cheveus, esgratinoient leur visages, et disoient : « Las! las ! las ! Li rois, et si frere et toute leur compaignie sont tuit perdu ! » Adont cou-

rurent les genz a pié et li communs pueples de l’ost

hardiement et trés hastivement au mairien, aus engienz et aus autres estrumenz de l’ost et comencierent a essaier se il porroient faire aucune voie dessus cel pas !, par la quel il pcü:sent passer outre pour aïdier le roi, Par granz paines, par granz travauz firent une voie de mairien assez perilleuse par dessus le pas, car l’iaue estoit par dessous si rade et si parfonde et si -pcrilleuse, pour le lieu qui estoit estrechiez par la chauciee qui la estoit faite, que nus ne cheïst qui tantost ne fust perduz. Tantost passerent perilleusement, plus isnelement que il porent, pour aidier lé roi. Mais quant li Sarrazin les virent venir et passer le flun, il se traistrent ariere et se partirent de la endroit et s’en alerent a leur herberges.

(Hist. Occ. des Croisades, t. II, p. 605-607.)

4, Dessus cel pas, sur ce passage du fleuve,