ASSAUT DONNÉ A CONSTANTINOPLE

ques par tant pou de gent ne furent assegié tant de gent en nule vile.

Lors se pourpenserent d’un mout bon engien:

qu'il fermeroient toute l'ost de bones lices et de bons merriens et de bones barres; et si en furent moutl plus fort et plus seür. Li Grieu leur faisoient si souvent assaillies qu'il nes laissoient reposer; et cil de l'ost les remetoient ariere mout durement; et toutes foiz qu'il oissoient fors i perdoient li Grieu!.

Ainsi lor dura eil periz et cil travauz près de dis jourz, tant qu'un juesdi matin fu leur assauz atournez, et les eschieles; et li Veniciien rorent le leur apareillié par mer. Ainsi fu devisez li assauz que les trois batailles des set? garderoient l'ost par defors, et les quatre iroient a l'assaut. Li marchis Bonifaz de Montferrat garda l’ost par devers les chans, et la bataille des Bourgoignons, et la bataille des Champenois, et Mahieus de Montmorenci. Et 11 cuens Baudouins de Flandres et de Hainau ala assaillir, et la seue genz, et Henris ses frere; et li cuens Loueïs de Blois et de Chartain, et li cuens Hue de Saint Pol, et cil qui à eus se tenoient, alerent a l'assaut 5.

4. Nous supprimons ici trois paragraphes où Villehardouin raconte les sorties opérées par les Grecs et les exploits de quelques chevaliers, entre autres d'Eustache du Marehais et de Pierre de Bracheux.