LE MÉDECIN MALGRÉ LUI
Copié du Manuscrit de la Bibliothèque royale, n° 7218 , où il est intitulé:
DU VILAIN MIRE
jadis estoit uns vilains riches , Qui moult estoit avers et cbiches ; Une charrue adés avoit , Toz tens par lui la maintenoit D'une jument et d'un roncin ; Assez ot char et pain et vin , Et quanques mestier li estoit.
Mes por famé que pas n'avoit Le blasmoient moult si ami , Et toute la gent autressi ; Il dist volentiers en prendroit Une bonne , se la trovoit.
El pais ot un Chevalier, Viez hom estoit et sans moillier, S'avoit une fille moult bêle.
Et moult cortoise Damoisele ; Mes porce qu'avoirs li failloit , Li Chevaliers pas ne trovoit Qui sa fille li demandast ; Que volentiers la mariast , Por ce que ele estoit d'aage , Et en point d'avoir mariage.
Li ami au vilain alerent Au Chevalier, et demjtnderent
Sa fille por le païsant Qui tant avoit or et argent , Plenté forment et plenté dras :
Il leur doua isnel le pas , Et otroia cest mariage.
La pucele qui moult fu sage, N'osa contredire son père , Quar orfeline estoit de mère.
Si otroie ce qui li plot ; Et les vilains plustost qu'il pot, Fist ses noces et espousa Celi cui forment en pesa , S'ele autre chose en osast fere.
Quant trespassé ot cel afere , Et des noces et d'autre chose , Ne demora mie grant pose Quant li vilaius se porpenssa Que malement exploitié a ; N'aferist mie à son mestier D'avoir fille de Chevalier :
Quant il ira à la charrue , Li vassaus ira lez la rue A cui toz les jors ot foiriez.
Et quant il sera esloingniez De sa meson , li chapelain Vendra tant et hui et demain , Que sa famé caressera.
Ne jamès jor ne l'amera , Ne ne le prisera deux pains.
Las, moi chetiz, fet li vilaius.
Or ne me sai-je conseillier, Quar repentir n'i a mestier.
Lors se commence à porpensser
DU VILAIN MIRE
Cornent de ce la puist garder :
Diex , fet-il , se je la batoie Au matin quant je leveroie, Ele plorroit au lonc du jor , Je m'en iroie eu mon labor.
Bien sai, tant com ele plorroit, Que nus ne la desvoieroit.
Au vespre quant je revendrai, Por Dieu merci li crierai; Je la ferai au soir baitie , Mes au matin ert coroucie.
Je prendrai jà à li congié , Se je avoie un poi mengié.
Li vilains demande à disner, La Dame li cort aporter :
K'orent pas saumon ne pertris , Pain et vin orent, et oés fris.
Et du fromage à grant plenté Que li vilains ot amassé.
Et quant la table fu ostée.
De la paume q'ot grant et lée y.
Fiert si sa famé lez la face , Que des doiz i parut la trace ; Puis l'a prise par les cheveus Li vilains, qui moult estoit feus.
Si Ta batue tout ausi Com s'ele l'éust deservi ; Puis vait au s cbans isnelement.
Et sa famé remest plorant.
Lasse , fet»ele , que ferai ,.
Et cornent me conseillerai? Or ne sai-je mes que je die.
Or m'a mon père bien trahie , Qui m'a doné à cel vilain.
Cuidoie-je morir de fain ?
Certes bien oi au cucr la rage Quant j'otroiai tel mariage :
Diex , porqoi fu ma mère morte ?
Si durement se desconforte , Toutes les gens qui i venoient Por li véoir, s'en retornoient.
Ainsi a dolor démené Tant que soleil fut esconssé.
Que li vilains est repériez.
A sa famé cbéi ans piez.
Et li pria , por Dieu, merci.
Sachiez ce me fist auemi Qui me fist fere tel desroi.
Tenez, je vous plevis ma foi Que jamès ne vous toucherai :
De tant com batue vous ai Sui-je corouciez et dolenz.
Tant li dist li vilains pulens , Que la Dame lors li pardone , Et à mengier tantost li donc De ce qu'ele ot appareillié.
Quant il orent assez mengié.
Si alercnt couchier en pais.
Au matin li vilains pusnais R'a sa famé si estordie , Por qoi qu'il ne l'a meshaingnie ,.
Puis s'en rêvait aux clians arer.
La Dame comence à plorer:
Lasse, dist-ele, que ferai.
Et coment me conseillerai?
Bien sai que mal m'est avenu.
Fu onques mon mari batu ?
Wennil , il ne set que cops sont , S'il le séust, par tout le mont.
Il ne m'en donast pas itant.
Quequ'ainsi s'aloit démentant, Es-vos deus messagiers le Roi , Chascufl sor ua blanc palefroi ; Envers la Dame esperonerent , De par le Roi la saluèrent , Puis demandèrent à mengier , Que il en orent bien mestier.
Volentiers leur en a doné ; Et puis si leur a demandé , Dont estes-vous , et où alez , Et dites-moi que vous querez ?
Li uns respont : Dame , par foi , Nous sommes messagiers le Roi ; Si nous envoie un mire querre.
Passer devons en Engleterre.
Por quoi fere? Damoisele Ade, La fille le Roi est malade ; Il a passé huit j,ors entiers Que ne pot boivre ne mengier, Quar une areste de poisson Li aresta ou gavion:
Or est li Rois si corouciez , S'il la pert , ne sera mes liez.
Et dist la Dame , vous n'irez Pas si loing comme vous penssez, Quar mon mari est , je vous di ,
DU VILAIN MIRE
Bons mires , je le vous afi ; Certes il set plus de mecines , Et de vrais jugemenz d'orines , Que onques ne sot Ypocras.
Dame , dites le vous à gas ?
De gaber, dist-ele, n'ai cure; Mes il est de tele nature , Qu'il ne feroit por uului rien , S'ainçois ne le batoit-on bien.
Et cil dient : or i parra :
Jà por batre ne remaindra.
Dame, où le porrons-nous trover?
Aus chans le porrez encontrer :
Quant vous istrez de ceste cort , Tout ainsi com cil ruissiaus cort , Par defors celé gaste rue , Toute la première charrue Que vous troverez , c'est la nostre : Alez , à Saint Père l'Apostre , Fet la Dame, je vous comant.
Et cil s'en vont esperonant.
Tant qu'il ont le vilain trové :
De par le Roi l'ont salué , Puis li dient sanz demorer.
Venez-en tost au Roy parler.
A que fere , dist li vilains ?
Por le sens dont vous estes plains ; Il n'a tel mire en ceste terre , De loing vous somes venu querre.
Quant li vilains s'ot clamer mire , Trestoz li sans li prent à frire ; Dist qu'il n'en set ne tant ne quant.
Et qu'alons nous ore atendant , Ce dist li autres , bien sez-tu Qu'il veut avant estre batu , Que il face nul bien, ne die?
Li uns le liert delez l'oïe.
Et li autres parmi le dos D'un baston qu'il ot grant et gros :
Il li ont fet honte à plenté.
Et puis si l'ont au Roi mené ; Si le montent à reculons , La teste devers les talons.
Li Rois les avoit encontre , Si lors dist, avez rien trové ?
Sire , oïl , distrent-il ensamble :
Et li vilains de paor tramble :
Li uns d'aus li dist primerains
Les teches qu'avoit li vilains , Et com ert plains de félonie ; Quar de chose que on li prie, Ne feroit-il por nului rien, S'ainçois ne le batoit-on bien.
Et dist li Rois , mal mire a ci , Aine mes d'itel parler n'oï ; Bien soit batus puisqu'ainsi est.
Dist un serjanz, je sui tout prest , Jà si tost nel' comanderois Que je li paierai ses droits.
Li Rois le vilain apela, Mestre, fet-il, entendez ça; Je ferai ma fille venir , Quar grant mestier a de garir.
Li vilains li cria merci ; Sire , por Dieu qui ne menti , Si m'ait Diex , je vous di bien, De fisique ne sai-je rien; Onques de fisique ne soi.
Et dist li Rois : merveilles oi ; Batez-le moi. Et cil saillirent Qui assez voleutiers le firent.
Quant li vilains senti les cops , Adonques se tint-il por fols ; Merci commença à crier , Je la garrai sanz delaier.
La pucele fu en la sale Qui moult estoit et tainte et pâle, Et li vilains se porpenssa En quel manière il la garra ; Quar il sçait bien que à garir Li convient-il , ou à morir.
Lors se comence à porpensser.
Se garir la veut et sauver.
Chose li covient fere et dire.
Par quoi la puisse fere rire.
Tant que l'areste saille hors , Quar el n'est pas dedenz le cors.
Lors dist au Roi fêtes un feu En celé chambre en privé leu.
Vous verez bien que je ferai , Et se Dieu plaist je la garrai.
Li Rois a fet le feu plcnier ; Vallet saillent et escuier.
Si ont le feu tost alumé Là où li Rois l'ot comandé.
Et la pucele au feu s'assist
DU VILAIN MIRE
Seur un siège que l'en li mist ; Et li vilains se despoilla Toz nus, et ses braies osta.
Et s'est travers le feu couchiez , Si s'est gratez et estrilliez. Ongles ot graus et le cuir dur ; Il n'a home dusqu'à Saumur , Là on louast gratéeur point , Que cil ne fust moult bien à point- Et la pucele qui ce voit, A tout le mal qu'ele sentoit , Vout rire ; si s'en efforça , Que de la bouche li vola L'areste hors enz el brasier.
Et li vilains sanz delaier Revest ses dras et prent l'areste , De la chambre ist fesant graut feste , Où voit le Roi , en haut li crie :
Sire , vostre fille est garie ; Vez ci l'areste , Dieu merci.
Et li Rois moult s'en esjoï , Et dist li Rois , or sachiez bien Que je vous aim seur toute rien.
Or aurez-vous robes et dras.
Merci , Sire , je nel' vueil pas , Ne ne vueil o vous demorer, A mon ostel m'estuet aler.
Et dist li Rois , tu uon feras , Mon mestre et mon ami seras.
Merci, Sire, por Saint Germain, A mon ostel n'a point de pain , Quant je m'en parti ier matin , L'en devoit carchier au moliu.
Li Rois deux garçons apela:
Batez-le moi, si demorra.
Et cil saillent sans delaier.
Et vont le vilain ledengier.
Quant li vilains senti les cops Es bras , es jambes et ou dos , Merci loi- commence à crier.
Je demorrai , lessiez me ester.
Li vilains est à cort remez , Et si l'a-on tondu et rez , Et si ot robe d'escarlate ; Fors cuida estre de barate.
Quant les malades du pais, Plus de quatre-vingt, ce m'est vis, Vindrent au Roi à celé feste;
Chascuns li a conté son estre,
Li Rois le vilain appela ,
Mestre , dist-il , entendez ça ,
De ceste gent prenez conroi.
Fêtes tost , garissiez les moi.
Merci, Sire , li vilains dit :
Trop en i a , se Diex m'ait ,
Je n'en porroie à chief venir ,
Si n'es poroie toz garir.
Li Rois deux garçons en apele,
Et chascuns a pris une estele ,
Quar chascuns d'ans moult bien savoit
Porquoi li Rois les apeloit.
Quant li vilains les vit venir,
Li sans li comence à frémir.
Merci lor commence à crier,
Je les garrai sanz arester.
Li vilains a demandé laingne ,
Assez en ot comment qu'il praingne ;
En la sale fu fez li feus,
Et il méismes en fu keus.
Les malades i aiina ,
Et puis après au Roi pria :
Sire, vous en irez à val.
Et trestuit cil qui n'ont nul mal.
Li Rois s'en part moult bonement.
De la sale ist, lui et sa gent:
Li vilains aus malades dist :
Seignor, par cel Dieu qui me fist ,
Moult a grant chose à vous garir,
Je n'en porroie à chief venir ;
Le plus malade en eslirai ,
Et en cel feu le meterai ,
Si Farderai en icest feu ,
Et tuit li autre en auront preu ;
Quar cil qui la poudre bevront y
Tout maintenant gari seront.
Li uns a l'autre regardé,
Ains n'i ot boçu ne enflé ,
Qui otriast por Normendie
Qu'éust la graindre maladie.
Li vilains a dit au premier :
Je te voi moult afebloier.
Tu es des autres li plus vains.
Merci, Sire , je sui toz sains
Plus que je ne fui onques mais ,
Alegiez sui de moult grief fais ,
Que j'ai eu moult longuement.
DU VILAIN MIRE
Sachiez que de rien ne vous ment-.
Va donc aval , qu'as-tu ci quis ?
Et cil a l'uis maintenant pris.
Li Rois demande : es-tu gari ?
Oïl , Sire , la Dieu merci , Je sui plus sain que une pomme , Moult a où mestre bon preudome.
Que vous iroie-je contant ?
Onques n'i ot petit ne grant Qui por tout le mont otriast Que l'en en cel feu le boutast , Ainçois s'en vont tout autressi Com se il fussent tuit gari.
Et quant li Rois les a véuz , De joie fu toz esperduz :
Puis a dist au vilains : biaus mestre, Je me merveil que ce puet estre Que si tost gariz les avez.
Merci , Sire, j'es ai charmez ; Je sai un charme qui miex vaut Que gingenbre ne citouaut.
Et dist li Rois : or en irez A vostre ostel quant vous voudrez , Et si aurez de mes deniers , Et palefroiz et bons destriers ; Et quant je vous remanderai , Vous ferez ce que je voudrai.
Si serez mes bons amis chiers.
Et en serez tenuz plus chiers De toute la gent du pais ; Or ne soiez plus esbahis.
Ne ne vous fêtes plus ledir, Quar ontes est de vous ferir.
Merci, Sire , dist le vilain.
Je suis vostre home et soir et main , Et serai tant com je vivrai.
Ne jà ne m'en repentirai.
Du Roi se parti, congié prent , A son ostel vint liement ; Riches manans ainz ne fu plus , A son ostel en est venus , Ne plus n'ala à la charrue , Ne onques puis ne fu batue Sa famé , ainz l'ama et chieri.
Ainsi ala com je vous di.
Par sa famé et par sa voisdic , Fu bons mcstres et sanz clergie.
Explicitdu f^ilain Mire, 892 vers.
