DES TROIS AVUGLES

DE compiengne;

PAR CORTEBARBE.

Manuscrits, naméros 7218 et 7615.

Une matere ci dirai

D'un fablel que vous conterai :

On tient le ménestrel à sage ,

Qui met en trover son usage

De fere biaus dis et biaux contes

C'on dit devant Dus , devant Contes.

Fablel sont bons à escouter ,

Maint duel maint mal font mesconter.

Et maint anui et maint meffet.

CoRTEBARBE a ccst fablel fet.

Si croi bien qu'encor l'on soviegne.

Il avint jà defors Compiegne Trois avugle un chemin aloient Entr'eus nis uns garçon n'avoient Qui les menast ne conduisist.

Ne le chemin lor apresist ; Chascuns avoit son hanepel.

Moult povre estoient lor drapel , Quar vestu furent pourement :

Tout le chemin si fetement S'en aloient devers Senlis.

Uns Clers qui venoit de Paris , Qui bien et mal assez sa voit , Escuier et sommier avoit , Et bel palefroi chevauchant Les avrgles vint aprochant , Quar grant ambléure venoit , Si vit que nus ne les menoit; Si pensse que aucuns n'en voie Cornent alaissent-il la voie.

Puis dist : el cors me fiere goûte , Se je ne sai s'il voient goûte.

Li avFgle venir l'oïrent, Errraument d'une part se tindrent Si s'escrient: fetes-nous bien, Povre somes sor toute rien:

Cil est moult povres qui ne voit.

Li Clers esraument se porvoit.

Qui les veut aler falordant ;

Vez ici, fet-il , un besant

Que je vous donc entre vous trois.

Diex le vous mire et sainte Croiz ,

Fet chascuns, ci n'a pas don lait,

Chascuns cuide ses compains l'ait.

Li Clers maintenant s'en départ ,

Puist dist qu'il veut vir lor départ :

Esraument à pié descendi ,

Si escouta et entendi

Cornent li awgle disoient ,

Et cornent entr'eus devisoient.

Li plus mestres des trois a dit:

Ne nous a or mie escondit

Qui à nous cest besant dona ,

En un besant moult biau don a.

Savez, fet-il, que nous ferons.

Vers Compiegne retornerons ,

Grant tens a ne fumes aaise ,

Or est bien droiz que chascuns s'aise ;

Compiegne est de toz biens plentive

Com ci a parole soutive , Chascuns des autres li respont ,

Cor éussons passé Je pont!

Vers Compiegne sont retorné ,

Ainsi com ils sont atorné ;

Moult furent lié , haut et joiant.

Li Clers les va adès sivant ,

Et dist que adès les sivra

De si adont que il saura

Lor fin. Dedenz la vile entrèrent ,

Si oïrent et escouterent

C'on crioit parmi le chastel.

Ci a bon vin frés «t novel ,

Ça d'Auçoirre , ça de Soissons ,

Pain et char, et vin et poissons;

Ceens fet bon despendre argent ,

Ostel i a à toute gent,

Ceens fet moult bon herbregier.

Celé part vont tout sanz dangier ,

Si s'en entrent en la meson ;

Li borgois ont mis à reson ,

Entendez ça à nous, font-il,

Ne nous tenez mie por vil

Se nous somes si povrement :

Estre volons privéement,

Miex vous paierons que plus coiute

Ce li ont dit , et li acointe , Quar nous volons assez avoir.

L'ostes pensse qu'il dient voir , Si fête gens ont deniers granz , D'ans aaisier fu moult engrauz , En la haute loge les maine : Seignor , fet-il , une semaine Porriez ci estre bien et bel , En la vile n'a bon morsel Que vous n'aiez si vos volez.

Sire, font-il, or tostalez.

Si nous fêtes assez venir.

Or m'en lessiez dont convenir , Fet li borgois , puis si s'en torne.

De cinq mes pleniers lor atome Pain , et char , pastez et chapons , Et vins, mes que ce fu des bons:

Puis si lor fist la sus trametre , Et fist du charbon el feu mètre ; Assis se sont à haute table.

Li vallés au Clerc en l'estable • Tret ses chevaus, l'ostel a pris :

Li Clers qui moult ert bien apris Et bien vestuz et cointement, Avoec l'oste moult hautement Sist au mengier la matinée , Et puis au souper la vesprée.

Et li awgle du solier Furent servi com Chevalier :

Chascuns grant paticle menoit , L'uns à l'autre le vin donoit ; Tien, je t'en doing, après m'en doue, Cis crut sor une vingne bone.

Ne cuidiez pas qu'il lor anuit , Ainsi jusqu'à la mienuit Furent en solaz sanz dangier.

Li lit sont fet , si vont concilier Jusqu'au demain qu'il fu bêle eure ; Et li Clers tout adès demeure, Por ce qu'il veut savoir lor fin.

Et l'ostes fu levez matin Et son vallet , puis si contèrent Combien char et poisson cousterent :

Dist li vallés , en vérité , Li pains , li vins et li pasté Ont bien cousté plus de dix saus , Tant ont -il bien eu entre aus.

, Li Clers en a cinq sols pour lui.

De lui ne puis avoir anui.

Va là sus , si me fai paier.

Et li vallés sanz délaier Vint aus awgles , si lor disl Que chascuns errant se vestit.

Ses sires veut estre paiez.

Font- il, or ne vous esmaiez, Quar moult très bien li paierons:

Savez , font-il , que nous devons ?

Oïl , dist-il , dix sols devez , Bien le vaut : chascuns s'est levez, Tuit troi sont aval descendu.

Li Clers a tout ce entendu , Qui se chauçoit devant son lit.

Li troi awgle à l'oste ont dit :

Sire, nous avons un besant , Je croi qu'il est molt bien pesant , Quar nous en rendez le sorplus , Ainçois que du vostrc aions plus.

Volentiers , li ostes respont.

Fait li uns , quar li baille dont , Liquels l'a ! be ! je n'en ai mie; Dont l'a Robers barbe florie ?

Non ai: mes vous l'avez, bien sai:

Par le cuer-bieu mie n'en ai:

Liquels l'a dont ? tu l'as , mes tu.

Fêtes, ou vous serez batu, Dist li ostes , Seignor truanl , Et mis en longaingne puant Ainçois que vous partez de ci.

Il li crient por Dieu merci :

Sire, moult bien vous paierons.

Donc recomence lor tencons.

Robers , fet l'uns , quar li douez Le besant devant nous menez , Vous le reçustes premerains.

Mes vous qui venez daarains , Li bailliez, quar je n'en ai point.

Or sui je bien venuz à point , Fet li ostes, quant on me truffe :

L'un va doner une grant buffe , Puis fait aporter deux lingnas.

Li Clers qui fu à biau harnas , Qui le conte forment amoit , De ris en aise se pasmoit.

Quand il vit le ledengement, A l'oste vint isnelement , Se li demande qu'il avoit ,

Quel chose ces gens demandoit.

Fet l'ostes , du mien ont eu Dix sols c'ont mangié et béu , Si ne m'en font fors escharnir ; Mais de ce les vueil bien garnir, Chascims aura de son cors honte.

Ainçois le metez sor mon conte, Fet li Clers, quinze sols vous doi.

Mal fet povre gent fere anoi.

L'oste respont, moult volentiers, Vaillanz Clers estes et entiers.

Li awgle s'en vont tout cuite.

Or oiez come fête refuite Li Clers porpenssa maintenant ; On aloit la messe sonant, A l'oste vint , si l'aresone.

Ostes, fet-il, vostre persone Du moustier dont ne connissiez?

Ces quinze sols bien li croiriez , Se por moi les vos voloit rendre?

De ce ne sui mie à aprendre; Fet li borgois, par saint Silvestre, Que je croiroie nostre Prestre , S'il voloit , plus de trente livres.

Dont dites j'en soie délivres, Esraument com je revendrai.

Au moustier paier vous ferai.

L'ostes le coraande esraument.

Et li Clers ainsi fetement Dist son garçon qu'il atornast Son palefroi, et qu'il troussast Que tout soit prest quant il reviegne; A l'oste a dit que il s'en viegne.

Ambedui el moustier en vont , Dedenz le chancel entré sont; Li Clers qui les quinze sols doit , A pris son oste par le doit , Si l'a fet delez lui assir. Puis dist : je n'ai mie loisir De demorer dusqu'après messe ; Avoir vos ferai vo promesse , Je l'irai dire qu'il vous pait Quinze sols trestout entresait Tantost que il aura chanté.

Fetes-en vostre volenté, Fet li borgois qui bien le croit.

Li Prestres revestuz estoit, Qui maintenant devoit chanter.

ni.

Li Clers vint devaut lui ester , Qui bien sot dire sa reson , Bien sanbloit estre gentiz lion ; IN'avoit pas la cbiere reborse.

Douze deniers tret de sa borse , Le Prcstre les met en la main :

Sire , fet-il , por saint Germain , Entendez çà un poi à mi, Tuit li Clerc doivent estre arai , Por ce vieng-je près de l'autel.

Je giut anuit à un ostel Chiés à un borgois qui moult vaut :

Li douz Jhesu Criz le consaut, Quar preudom est et sauz boisdie ; Mes une cruel maladie Li prist ersoir dedenz sa teste, Entrués que nous démenions feste, Si qu'il fu trestoz marvoiez.

Dieu merci, or est ravoiez.

Mes encore li deut li cbiez ; Si vous pri que vous li lisiez.

Après cbanter , une Evangille Desus son chief. Et par saint Gille , Fet li Prestres , je li lirai Au borgois dist, je le ferai Tantost com j'aurai messe dite.

Dont en claime-je le Clerc cuite, Fet li borgois , miex ne demant.

Sire Prestre, à Dieu vous cornant , Fet li Clers , adieu , biau douz mestre Li Prestres à l'autel va estre , Hautement grant messe comence , Par imjor fu de Diemencbe, Au moustier vindrent moult de gcnz Li Clers qui fu et biaus et genz , Vint à son oste congié prendre ; Et li borgois , sanz plus ateudrc, Dusqu'à son ostel le convoie.

Li Clers monte, si va sa voie.

Et li borgois tantost après Vint au moustier : moult fu engrés De ses quinze sols recevoir :

Avoir les cuide tout por voir.

Enz cl cbancel tant atendi , Que li Prestres se devesti.

Et que la messe fu cbantéc.

Et li Prestres, sanz demorée, A pris le livre et puis l'estole ,

Si a hucbié sire Nicbole :

Venez avant , agenoilliez.

De ces paroles n'est pas liez Li borgois , ainz li respondi , Je ne ving mie por ceci.

Mes mes quinze sols me paiez Voirement est-il marvoiez , Dist li Prestres , nomini Dame , Aidiez à cest preudome à l'ame , Je sai dé voir qu'il est dervez.

Oez , dist li borgois, oez Com cis Prestres or ra'escharnist .

Por poi que mes cuers du sens n'ist, Quant son livre m'a ci tramis.

Je vous dirai, biaus douz amis, Fet li Prestres, cornent qu'il praingue. Tout adès de Dieu vous soviegne , Si ne poez avoir mescliief :

Li livre li mist sor le cbief , L'Evangille li voloit dire.

Et li borgois comence à dire , J'ai en meson besoingne à fere, Je n'ai cure de tel afere , Mais paiez-moi tost ma monoie.

Au Prestre durement anoie, Toz ses paroscliiens apele, Chascuns entor lui s'atropele ; Puis dist, cest borne me tenez.

Bien sai devoir qu'il est dervez.

Non sui , fet-il , par saint Cornille , Ne par la foi que doi ma fille, Mes quinze sols me paierez, Jà ainsi ne me gaberez.

Prenez-le tost , le Prestre a dit.

Li paroscbien sans contredit Le vont tantost moult fort prenant , Les mains li vont trestuit tenant , Cbascuns moult bel le reconforte.

Et li Prestres le livre aporte , Se li a mis deseur son cbief, L'Evangille de cbief en chief Li lut , l'estole entor le col.

Mes à tort le tenoit por fol ; Puis l'esproha d'eue benoite.

Et li borgois forment covoite Qu'à son ostel fust revenuz.

Lessiez fu , ne fu plus tcnuz ; Li Prestres de sa main le saine,

Puis dist , esté avez en paine.

Et li borgois s'est toz cois leus., Corouciez est et moult lionteus De ce qu'il fu si atrapez.

Liez fu quant il fu eschapez ; A son ostel en vint tout droit.

CoRTEBARBE dist orendroit C'on fet à tort maint home honte.

Atant définirai mon conte.