ET BLANCHEFLOR. l
Que puisse a tens au champ venir,
Ge doi bien m'amie garir,
Donc serai ge en fin honiz.
Gaigniez la moi , vostre merciz ;
Quar ne se doit nul escuier
Armer encontre chevalier. »
Lors li a ceint le branc d'acier,
Et fist amener un destrier,
Un sor baucent, bien acesmé;
En mi le front fu estelé :
Sele ot de molt riche façon,
D'ivuire furent li arcon ;
Les auves sont d'autre manière (/. matière ?) ;
La coverture fu molt chiere,
D'un riche paile volatine,
Jusqu'à la terre li traîne.
Li frains estoit a or ovrez ;
Les pierres gietent grant clartez,
Quar a compas furent assises,
Et par en^ig i furent mises.
Quant il 1 ot fermé en la teste,
Nus hom ne vit si bele beste.
Floires a la règne saisie, Qui molt se haste por s'amie ; Montez i est par grant vertu, Et l'en li aporte un escu, Ou il ot point trois lïonceax ; D'or et d'argent molt furent beax :
Li borz flamboie comme feu, Et li lion sont en mi lieu.
La guiche fu d'un paile frois, Bien taillié d'or sarrazinois, Molt richement apareillié.
Lors li ont la lance baillié ;
Floire
Par tel vertu Ta cil brandie, Qu'il en fait voler les esclices :
« Sire », fait il, « tel me bailliez Dout (bien) ge soie apareilliez , Et douer puisse grant colée, Se la bataille est assanblée. »
Un espié li fist aporter, Ou il se pot molt bien fier :
La hante fu d un frois pomier, Et li fers d'un tranchant acier.
Armez est Floire, si s'-en part ; Li esploitiers li est molt tart :
Molt chevauche par grant vigor; Sovent regrete Blancneflor, Crient que n'i viegne a tens jamés.
« Haï! » fait il, « cheval, que fés?
Efforce toi et esvertue :
Se m'amie n'est secorue , Que devenra cest pechéor ?
Jamais n'aura joie nul jor. »
Molt se haste d'esperoner :
Forment le covenoit haster, Se il i velt a tens venir, Quar el(e) est molt près de morir.
Madïens est venuz au roi :
« Sire », fait il, « entendez moi, Li feus est toz apareilliez. » ' Et dist li rois : « Or esploitiez ! » Les deux dames pranent mènois, ' Puis que commandé Tôt li rois :
Tôt droit en-son t au feu venuz.
Onques tel duel ne fu vcuz Comme la roïne faisoit :
Desus les dames se pasmoit.
