LIVRE I, CHAPITRE XLVIII
bande d’hommes d’armes de sa maison, et là fut receu et festoyé à grands coups de canon qui gresloient devers les cousteaux, dont les Garçantuistes se retirèrent au val, pour mieulx donner lieu à l’artillerie. Ceux de la ville defendoient le mieulx que pouvoient, mais les traicts pàssoient oultre par dessus, sans nul' ferir. Aucuns de la bande, saulvés de l’artillerie, donnèrent fierement sus nos gens, mais peu profitèrent ; car tous furent receuz entre les ordres, et là rués par terre. Ce que voyans, se vouloient retirer ; mais ce pendant le moine avoit occupé le passaige ; parquoy se mirent en fuite sans ordre ni maintien. Aucuns vouloient leur donner la chasse, mais le moine les retint, craignant que, suivans les fuyans, perdissent leurs rangs, et que, sus ce poinct, ceux de la ville chargeassent sus eux. Puis,' attendant quelque espace, et nul ne comparant à l’encontre, envoya le duc Phrontiste pour admonester Gargantua à ce qu’il avanceast pour gaigner le Cousteau à la gauche, pour empescher la retraite de Picrochole parcelle porte. Ce que fit Gargantua en toute diligence, et y •envoya quatre légions de la compagnie de Sebaste ; mais si tost ne peurent gaigner le hault qu’ilz ne rencontrassent en barbe Picrochole, et ceux qui avec luy s’estoient espars.
Lors chargèrent sus roidement : toutesfois grandement furent endommagés par ceux qui estaient sus les murs, en coups de traicts et artillerie. Quoy voyant Gargantua, en grande puissance alla les secourir, et commença son artillerie à hurter sus ce quartier de murailles, tant que toute la force de la ville y fut revocquée. Le moine, voyant celuy costé lequel il tenoit «assiégé, dénué de gens et gardes, magnanimement tira vers le fort : H tànt fît qu’il monta sus, luy et aucuns de ses gens, pensant que plus de crainte et de frayeur donnent ceux qui surviennent à un conflit que ceux qui lors à leur force combattent. Toutesfois ne fit onques etfroy, jusques à ce que tous les siens eussent gaigné la muraille, excepté les deux cens hommes d'armes qu’il laissa hors* pour les hazars.
Puis s’escria horriblement, et les siens ensemble : et sans resistence luerent les gardes d'icelle porte, et l’ouvrirent es hommes d’armes : et en toute fiereté coururent ensemble vers la porte de l’orient, où estoit le desarroy. Et par derrière renversèrent toute leur force.
Voyans, les assiégés, de tous costés les Gai^ntuistcs avoir gaigné la ville, se rendirent au moine à mercy. Le moine leur fit rendre les basions et armes, et tous retirer et resserrer par les églises, saisissant tous les basions des croix, et commettant gens es portes pour les garder de issir. Puis, ouvrant celle porte orientsde, sortit au secours de Gargantua. Mais Picrochole pensoit que le secours luy venoit de la ville, et par oultrecuidance se hazarda plus que devant, jusques à ce que Gargantua s’escria ;
a Frere Jeau, mon amy, frere Jean, en bon heur soyez venu ! » Adonc cognoissant Picrochole et ses gens 'que tout cstoit desesperé, prindrent la fuite en tous endroitz. Gargantua les poursuivit jusques prés Vaugaudry. tuant et massacrant, puis sonna la retraicte.
