LIVRE II, CHAPITRE I

expert en matière d’ester les cirons des mains,

Qui engendra Fiernbras , lequel fut vaincu par Olivier, pair de France, compaignon de Roland,

Qui engendra Morgan, lequel premier de ce monde joua aux dez avec ses bezicles,

Qui engendra Fracassus, duquel a escript Merlin Coccaye, dont nasquit Ferragus,

Qui engendra Happemousche, qui premier inventa de fumer les langues de bœuf à la cheminée, car auparavant le monde les saloit comme on fait les jambons.

Qui engendra Bolivorai,

Qui engendra Longis,

Qui engendra GayolTe, lequel avoit les coudions de peuple et le vit de cormier.

Qui engendra Ntaschefain,

Qui engendra Brusiefer,

Qui engendra Engoulevent,

Qui engendra Gallehault, lequel fut inventeur des flaccons,

Qui engendra Mirelangault,

Qui engendra Galaffre,

Qui engendra Falourdin,

Qui engendra Roboastre,

Qui engendra Sortibrant de Conimbres, Qui engendra Brushant de Mommiere, Qui engendra Bruyer, lequel fut vaincu par Ogier le Dannois, pair de France, Qui engendra Mabrun,

Qui engendra Foutasnon,

Qui engendra Hacquelebac,

Qui engendra Vitdegrain,

Qui engendra Grandgousier,

Qui engendra Gargantua,

Qui engendra le noble Pantagruel, mou maistre.

J’entends bien que, lisans ce passaige, vous faictes en vous mesmes un double bien raisonnable. Et demandez comment il est possible qu’aiiisi soit, veu qu’au temps du deluge tout le monde périt, fors Noé, et sept personnes avec luy dedans l’arche, au nombre desquelz n’est point mis ledict Hurtalj^^La demande est bien faicte sans doubte, et bien apparente ; mais la response vous contentera, ou j’ay le sens mal gallefreté. Et, parce que n’estois de ce temps là pour vous en dire à mon plaisir, je vous alle- Igueray l’autorité des massoretz, interprétés des sainctes lettres hebraïcques, esquelz afferment que, véritablement, ledict Ilurtaly n’estoit dedans l’arche de Noé (aussi n’y eust il peu entrer, car il estoit trop grand), mais il estoit dessus à cheval, jambe de çà, jambe de là, comme sont les petits enfans sus des chevaux de bois, et comme le gros taureau de Berne, qui fut tué à Marignan, chevauchoit pour sa monture un gros canon pevier; c’est une beste de beau et joyeux apible, sans poinct de faulte. En icelle façon sauva, après Dieu, ladicte arche de periller : car il luy bailloit le bransle avec les jambes, et du pied la tournoit où il vouloit, comme on fait du gouvernail d’une navire. Ceux qui dedans estoient luy envoyaient vivres par une cheminée, à suffisance, comme gens recognoissans le bien qu’il leur faisait. Et quelquefois parlementaient ensemble, comme faisait fearomenippe à Jupiter, selon le rapportée Lucian. .Avez vous bien le tout entendu? Beuvez donc un bon coup sans eau. Car, si ne le croyez, O'ii fais je, fit

elle.

.-Aï