CHAPITRE II

DE LA NATIVITÉ DU TRES REDOIJbTÉ PANTAGRUEL

Garçantua, en son aage de quatre cens quatre vingtz quarante et quatre Æiis, engendra son fils Pantagruel, de sa femme, nommée Badebec, fille du roy des Amaurotes en Utopie, laquelle mourut de mal d’enfant : car il estoit si merveilleusement grand et si lourd qu’il ne peust venir à lumière sans ainsi suffoquer sa merc. Mais, pour entendre pleinement la cause et raison de son uom, qui luy fut baillé en baptesme, vous noterez qu’en icelle année fut secheresse tant grande en tout le pays de Africque que passèrent trente six mois trois sepmaines quatre jours treize heures et quelque peu davantaige sans pluye, avec chaleur de soleil si vehemente ^e toute la terre en estoit aride.

Et ne fut, au temps de Helye, plus eschauffée que pour lors. Car il n’ostoit arbre sus terre qui eust ny feuille ny fleur : les herbes estoient sans verdure, les rivières taries, les fontaines à sec, les pauvres poissons, délaissés de leurs propres elemens, vagans et crians par la terre horrible-j ment, les oiseaux tombans de , l’air par faulte'dé rosée; lerlôüp, les re^ nards, cerfs, sangliers, daims, lievre», connilz, belettes, foynes, blereaux, et aultres bestes, l’on trouvoit par les champs, mortes la gueule baye.

Au regard des hommes, c’estoit la grande pitié : vous les eussiez veu lirans la langue comme leixiers qui ont couru six heures Plusieurs se jettoient dedans les puys; d’ aultres se mettoient au ventre d’une vache pour.estre à l’ombre : et les appelle Homere, Alibantes.

Toute la contrée estoit à l’ancre; c’estoit pitoyable cas de voir le travail des humains pour se garantir de ceste horrifique alteration. Car il y avoit prou affaire de sauver l’eau benoiste par les églises, à ce qu’elle ne fust desconfite ; mais l’on y donna tel ordre, par le conseil de messieurs les cardinaulx et du saiuct Pere, que nul n’en osoit prendre qu’une venue, Ëncores, quand quelqu’un entroit en l’eglise, vous en eussiez veu à vingtaines de pauvres altérés qui venaient au derrière de celuy qui la distribuoit à quelqu’un, la gueule ouverte, pour en avoir quelque goutelette, comme le mauvais riche, afin que rien ne «e perdist. 0 que bien heureux fut en icelle amiée celuy qui eut cave fraiche et bien garnie !

Le philosophe raconte, en mouvant la question pourquoy c’est que l’eau de la mer est salée, que au temps que Phœbus bailla le gouvernement de son chariot lucitique à son tilz Phaëton, ledict Phaëton, mal apprips en l’art, et ne sçavant ensuivre la ligne écliptique entre les deux tropiques de