LIVRE II, CHAPITRE II
la sphere du soleil, varia de son chemin, et tant approcha de terre qu’il mit à sec toutes les contrées subjacentes, brusl ant une grande partie du ciel que les philosophes appellent via laclea, et les lifrelofres nomment le chemin sainct Jacques, combien que les plus huppés poètes disent estre la part où tomba le laict de ’uno, lorsqu’elle alaicta Hercules. Adonc la terre fut tant cschauffée qu’il luy vint une sueur enorme, dont elle sua toute la mer, qui par ce est salt'c : car toute sueur est salée. Ce que vous direz estre vray, si voulez taster le la vostre propre, ou bien de celle des verolés quand on les fait suer : ce m’est tout un.
Quasi pareil cas arriva en ceste dicte année : car un jour de vendredy, que tout le monde s’estoit mis en dévotion, et faisoit une belle procession, avec force Ictanies et beaux preschans, supplians à Dieu omnipotent les vouloir regarder de son oeil de clemence en tel desconfort, visiblement furent veues de terre sortir grosses gouttes d'eau, comme quand quelque personne sue copieusement. Et le pauvre peuple commença à s’esjouir, comme si c’eust esté chose à eux profitable : car les aucuns disoient que de humeur il n’y en avoit goutte en l’air dont on esperast avoir pluye, et que la terre suppléoit au défault. Les aultres gens sçavans disoient que c’estoit pluye des antipodes, comme Seneque narre au quart livre Questionum naturalivm, parlant de l’origine et source du fleuve du Nil ; mais ilz y furent trompés. Car, la procession finie, alors que chascun vouloit recueillir de ceste rosée, et en boire à plein godet, trouvèrent que ce n’estoit que saulmeure, pire et plus salée que n’est l’eau de la mer.
Et parce qu’en ce propre jour nasquit Pantagruel, son pere lui imposa tel nom : car Panta, en grec, vault autant à dire comme tout, et Gruel^ en langue hagarene, vault autant comme altéré. Voulant inferer qu’à l’heure de sa nativité, le monde estoit tout altéré ; et voyant, en esprit de prophétie, qu’il seroit quelque jour dominateur des altérés : ce que luy fut monstré à celle heure mesmes par aultre signe plus évident. Car, alors (|ue sa mere Badebec l’enfantoit, et que les sages femmes attendoient pour le recevoir, issirent premier de son ventre soixante et huit tregeniers, chascun tirant par le licol un mulet tout chaîné de sel ; après lesquels sortirent neuf dromadaires chargés de jambons et langues de bœuf fumées, sept chameaux chaigés d’anguillettes, puis vingt et cinq charrettes de porreaux, d’aulx, d’oignons, et de cibotz. Ce qui espouventa bien lesdictes sages fenunes ; mais les aucunes d’entre elles disoient : « Voicy bonne provision ; aussi bien ne beuvions nous que laschement, non en lancement. Cecy n’est que bon signe, ce sont aguillons de vin. »
Et, comme elles caquctoient de ces menus propos entre elles, voicj sortir Pantagruel, tout velu comme un ours, dont dist une d'elles en esprit
Digilizec oy viuugle
prophétique : « II est né à tout le poil, il fera choses merveilleuses ; et, s'il vit, il aura de Taage. »
