DU DUEIL QUE MENA GARGANTUA DE LA MORT DE SA FEMME BADEDEC

Quand Pantagruel fut né, qui fut bien esbahy et perplex ? Ce fut Gargantua son pere ; car, voyant d’un costé sa femme Badebec morte, et de l’aultre son filz Pantagruel né, tant beau et grand, il ne sçavoit que dire ny que faire. Et le double qui troubloit son entendement estoft assavoir HtMi s’il devoit pleurer pour le dueil de sa femme, ou rire pour la joie de son filz. D’un costé et d’aultre, il avoit argumens sophistiques qui le suffoquoient, car il les faisait très bien in modo et figura^ mais il ne les pouvait souldre. Et, par ce moyen, demeuroit empestré comme la souris empeigée, ou un milan prins aù lacet.

O Pleureray je? disoit il; ouy, car, pourquoy? Ma tant bonne femme est morte, qui estait la plus cecy, la plus cela qui fust au monde. Jamais je ne la verray, jamais je n’en recouvreray une telle : ce m'est une perte inestimable ! O mon Dieu, que t’avois je faict pour ainsi me punir? Que ne m’envoyas tu la mort à moy premier qu’à elle ? car vivre sans elle ne m’est que languir. Ha, Badebec, ma mignonne, m’amie, «on^ fetk eon ^toutesfoirelle en avoit bien trois arpens et deux sexterées), ma tendrette, aaa braguette, ma savate^ mu pantoufle, jamais je ne te verray. Ha, pauvre Pantagruel, tu as perdu ta bonne mere, ta douce nourrice, ta dame très aimée. Ha, faulse mort, tant tu m’es mabvole, tant tu m’es oultrageuse, de me tollir celle à laquelle immortalité appartenait de droit. »

Et, ce disant, pleuroit comme une vache; mais tout soubdain rioit comme un veau, quand Pantagruel luy venoit en mémoire, a Ho, mon petit filz, disoit il, Rfien-^oilltui, mon peton, que tu es joly ! Et tant je suis tenu à Dieu de ce qu'il m’a donné un si beau filz, tant joyeux, tant riant, tant joly. Ho, ho, ho, ho, que je suis aise ! beuvons ho ! laissons toute melancholie ; apporte du meilleur, rince les verres, boute la nappe, cbasse ces chiens, souffle ce feu, allume ceste chandelle, ferme ceste porte, taille ces soupes, envoyé ces pauvres, baille leur ce qu’ilz demandent; tiens ma fobe, que^e^Bemette eufourpoint pour miewlx-festeyeHes commeres. > Ce disant, ouyt la letanie et les mémentos des prestres qui portoient sa femme en terre ; dont laissa son propos, et tout soubdain fut ravi ailleurs, disant : « Seigneur Dieu, fault il que je me contriste encores? Cela me fasche, je ne suis plus jeune, je deviens vieux, le temps est dangereux; je