LIVRE II, CHAPITRE IV

pourray prendre quelque fievre : me Voy là affolé. Foy de genlilhommc, U vault mieulx pleurer moins, et boire davantaige. Ma femme est morte, et bien, par Dieu {da jurandi ), je ne la resusciteray pas par mes pleurs : elle est bien, elle est en paradis pour le moins, si mieulx n’est : elle prie Dieu pour nous, elle est bien heureuse, elle ne se soucie plus de nos miseres et calamités. Autant nous en pend à l’œil. Dieu gard le demeurant ! 11 me fault penser d’en trouver une aultre.

« Mais voicy que vous ferez, dist il aux sages femmes (où sont elles 1 Bonnes gens, je ne vous peux voir) : allez à l’enterrement d’elle, et ce pendant jf bcrceray icy mon filz , car je me sens bien fort altéré, et serois en danger de tomber malade ; mais heuvez quelque bon traict devant : car vous vous en trouverez bien, et m’en croyez sus mon honneur. » A quoy obtempcranz, allèrent à l’enterrement et funérailles, et le pauvre Gargantua demeura à l’hostel. Et ce pendant fit l’epitaphe pour eslre engravé ;en la maniéré que s’ensuit ;

Elle en mourut, la noble Badebec,

Du mal d'enfant, qui tant me sembloit nice :

Car elle avoit vis.iige de rebec.

Corps d’Espagnole, et ventre do Souisse.

Priez à Dieu qu’à elle soit propice,

Luy pardonnant, s'en riens oultrepassa.

Cy gist son corps, lequel vcsquit sans vice,

Et mourut l’an et jour que trespassa.