CHAPITRE IV

DE l’enfance de pantaghdel

Je trouve, par les anciens historiographes et poètes, que plusieurs sont nés en ce monde en façons bien estranges, qui seroient trop longues à raconter : lisez le septiesme livre de Pline, si avez loisir. Mais vous n’en ouistes jamais d’une si merveilleuse comme fut celle de Pantagruel ; car c’estoit chose difficile à croire comment il creut en corps et en force en peu de temps. Et n’estoit rien de Hercules, qui estant au berceau tua les deux scrpens : car lesdicts serpens estoient bien petits et fragiles. Mais Pantagruel, estant encores au berceau, fit cas bien espouven tables. Je laisse icy à dire comment, à chascun de ses repas, il humoit le lairt de quatre mille six cens vaches; et comment, pour luy faire un paeslon à cuire sa bouillie, furent occupés tous les paesliers de Saumur en Anjou, de Villedieu en Normandie, de Bramont en Lorraine : et luy bailloit on ladicte bouillie en un grand tymbre qui est encores de présent à Bourges,

prës du palais; mais les dents luy estoient’ desja tant crues et fortifiées qu'il en rompit dudict tymbre un grand morceau, comme très bien apparoist.

ün certain jour vers le matin, qu’on le vouloit faire teter une de ses vaches (car de nourrices il n’en eut jamais aultrement, comme dit l’histoire), il se défit des liens qui le tenoient au berceau un des bras, et vous prent ladicte vache par dessous le jarret, et luy mangea les deux tetins et la moitié du ventre, avec le foye et les roignons : et l’eust toute devorée, n’eust esté qu’elle crioit horriblement, comme si les loups la tenoient aux jambes ; auquel cry le monde arriva, et osterent ladicte vache des mains de Pantagruel , mais ilz ne sceurent si bien faire que le jarret ne luy en demeurast comme il le tenoit, et le mangeoit très bien, comme vous feriez d’une saulcisse ; et quand on luy voulut oster l’os, il l’avalla bien tost, comme un cormoran ferait un petit poisson ; et après commença à dire ;

« Bon, bon, bon, » car il ne sçavoit encores bien parler, voulant donner à entendre qu’il l’avoit trouvé fort bon, et qu’il n’en falloit plus que autant. Ce que voyans ceux qui le servoient le lièrent à gros cables, comme sont ceux que l’on fait à Tain pour le voyage du sel à Lyon ; ou comme sont ceux de la grand navire française qui est au port de Grâce en ^ Normandie.

.Mais quelquefois qu’un grand ours que nourrissoit son pere eschappa, et luy venoit lescher le visage (car les nourrices ne luy avoient bien à poinct torché les babines), il se défit desdits cables aussi facilement •' comme Samson d’entre les Philistins, et vous print monsieur de l’ours, et vous le mit en pièces comme un poulet, et vous en fit une bonne goige chaulde pour ce repas. Parquoy, craignant Garçantua qu’il se gastast, fit faire quatre grosses chaisnes de fer pour le lier, et fit faire des arboutans à son berceau, bien afustés. Et de ces chaisnes en avez une à la Rochelle, que l’on leve au soir entre les deux grosses tours du havre. L’aultre est à Lyon, l’aultre à Angiers , et la quarte fut emportée des diables pour lier Lucifer, qui se deschainoit en ce temps là, à cause d’une colique qui le lourmentoit extraordinairement, pour avoir mangé l’ame d’un sergent en fricassée à son dcsjeunet^ Cont pouvez bien croire ce que dit Nicolas de Lyra sus le passaige du pseaultier où il est escript : Et Og regetn Basait; que ledict Og, estant encores petit, estoit si fort et robuste qu’il le falloit lier de chaisnes de fer en son berceau. Et ainsi demeura coy et pacifique Pantagruel : car il ne pouvoit rompre tant facilement lesdictes chaisnes, mesmement qu’il n’avoit pas espace au berceau de donner la secousse des bras.

Mais voicy que arriva un jour d’une grande Teste, que son pere Gar-