LIVRE II, CHAPITRE V

irantiia faisoit un beau banquet à tous les princes de sa court. Je croy bien que tous les officiers de sa court esloient tant occupés au service du festin que l'on ne se soucioit du pauvTe Pantagruel, et deraeuroit ainsi à reculortm. Que fit-il? Qu’il fit, mes bonnes gens, cscoutez : il essaya de rompre les chaisnes du berceau avec les bras; mais il ne peut, car elles estoieht trop fortes ; adonc il trépigna tant des pieds qu’il rompit le bout de son berceau, qui toutesfois estoit d’une grosse poste de sept empans en carré ; et ainsi qu’il eut mis les pieds dehors, il s’avalla le mieulx qu’il peut, en sorte qu’il touchoit les pieds en terre. Et alors avec grande puissance se leva, emportant son berceau sus l'eschine ainsi lié, comme une tortue qui monte contre une muraille ; et à le voir sembloit que ce fust une grande carracque de cinq cens tonneaux qui fust debout.

En ce poinct, entra en la salle où l’on banquetoit, et hardiment qu’il espouventa bien l’assistance ; mais, par autant qu’il avoit les bras liés dedans, il ne pouvoit rien prendre à manger, mais en grande peine s’inclinoit pour prendre à tout la langue quelque lippée. Quoy voyant son pere, entendit bien que l’on l’avoit laissé sans luy bailler à repaistre ; et commanda qu’il fust deslié desdictes chaisnes, par le conseil des princes et seigneurs assistans ; ensemble aussi que les médecins de Gai^antua disoient que, si l’on le tenoit ainsi au berceau, qu’il serait toute sa vie ■suhject à la gravelle. Lors qu’il fut deschaisné, l’on le fit asseoir, et repent fort bien, et mit son dict berceau en plus de cinq cens mille pièces, d’un coup de poing qu’il frappa au milieu par despit, avec protestation de jamais n’y retourner.