COMMENT LE SEIGNEUR DE HUMEVESNE FLAIDOIE DEVANT PANTAGRUEL

Lors commença le seigneur de Humevesne, ainsi que s’ensuit : « .Monsieur et messieurs, si l’iniquité des hommes estoit aussi facilement vue en jugement categoricque comme on cognoist mousches en laict, le monde, quatre bœufz ! ne scroit tant mangé de ratz comme il est, et seroient oreilles maintes sus terre, qui en ont esté rongées trop laschement. Car, combien que tout ce que a dit partie adverse soit de dumet bien vray quant à la lettre et histoire du factum, toutesfois, messieurs, la finesse, la tricherie, les petits hanicrochemens, sont cachés sous le pot aux roses.

« Doibs je endurer qu’à l’heure que je mange au pair ma soupe, sans mal penser ny mal dire, l’on me vienne ratisser et tabuster le cerveau, me sonnant l’antiquaille, et. disant :

Qui boit en mangeant sa soupe Quand il est mort il n’y voit goutte ?

« Et, saincte dame ! combien avons nous veu de gros capitaines, en plein camp de bataille, alors qu’on donnoit les horions du pain benist de la confrairie, pour plus honnestement se dodeliner, jouer du lue, sonner du cul, et faire les petits saulx en plate forme, sus beaux escarpins deschiquetés à barbe d’escrevisse ? Mais maintenant le monde est tout detravé de loudielz des balles de Lucestre : l’un se desbauebe, l’aultrc se cache le museau pour les froidures hybernales. Et, si la court n’y donne ordre, il fera aussi mal glener ceste année, qu’il fit ou bien fera des guobeletz. Si une pauvre personne va aux estuves pour se faire enluminer le museau de bouzes de vache, ou acheter bottes d’hyver, et les sergens passans, ou bien ceux du guet, reçoivent la décoction d’un clysterc, ou la matière fccale d’une selle percée sur leurs tintamarres, en doibt l’on pour-

MA