LIVRE H, CHAPITRE XXIV

d’Alicacabut. i*uis en frotta un aultre bout de la sanie des oreilles, pour voir si elle estoit escrite de fiel de corbeau. Puis la trempa en vinaigre, pour voir si elle estoit escrite de laict d’espurge. Puis la graissa d’axunge. de souris chauves, pour voir si elle estoit escrite avec sperme de baleine, (|u’on appelle ambre gris. Puis la mit tout doulcement dedans un bassin d'eau fraîche, et soudain la tira, pour voir si elle estoit escrite avec alum de plume. Et, voyant qu’il n’y cognoissoit rien, appella le messagicr, et luy demanda : « Compaing, la dame qui t’a icy envoyé t’a elle point baillé de baston pour apporter 1 » pensant que fust la finesse que met Aule Celle.

Et le messagicr luy respondit : « Non, monsieur. » Adonc Panuige lui voulut faire raire les cheveulx, pour sçavoir si la dame avoit faict escrire avec fort moret, sur sa teste rase, ce qu’elle vouloit mander; mais, voyant que ses cheveulx estoient fort grands, il s’en désista, considérant qu’en si peu ^de temps scs cheveulx n’eussent creuz si longs.

Alors dist à Pantagruel : « Maistre, par les vertus Dieu, je n’y sçaurois que faire ny dire. J’ai employé, pour cognoistre si rien y a icy escrit, une partie de ce qu’en met messer Francesco di Nianto, le Thuscan, qui a escrit la manière de lire lettres non apparentes, et ce que escrit Zoroister. Péri Grammaton acriton, et Calphuniius Bassus, de LitUris illegibilibus ; mais je n’y voy rien, et croy qu’il n’y a aultre chose que l’anneau. Or le voyons. »

Lors, le regardant, trouvèrent escrit par dedans, en hebrieu : lamah sabacthani; dont appelleront Epistemon, luy demandant que c’estoit à dire? A quoy respondit que c’estoient motz hebralcques signifians :

« Pourquoy m’as tu laissé? » Dont soudain replicqua Panurge : « J’entends le cas. Voyez vous ce diamant? c’est un diamant faulx. Telle est donc l’exposition de ce que veult dire la dame : Dy, amant faulx, pourquoy m’as tu laissée? » Laquelle exposition entendit Pantagruel incontinent, et luy souvint comment, à son départir, il n’avoit dict à Dieu à la dame, et s’en contristoit, et voluntiers fust retourné à Paris pour faire sa I paix avec clic. Mais Epistemon luy réduit à mémoire le departement de |l Enéas d’avec Dido, et le dict de Heraclides Tarentin que à la navire restant à l’ancre, quand la nécessité presse, il fault couper la chorde plus tost que perdre temps à la deslier. Et qu’il devoit laisser tous pensemens pour survenir à la ville de sa nativité, qui estoit en (iangier.

De faict, une heure après, se leva le vent nommé nord nord west, auquel ilz donnèrent pleines voiles, et prindrent la haulte mer, et, en briefe jours, passans par Porto Santo, et par Medere, firent scale es isles ' de Canarre. De là partans, passèrent par Cap Blanco, par Senege, par Cap Virido, par Cambre, par Sagres, par Melli, par le Cap de Bona Speraoza,

ITT

et firent scalie au royaume de Melinde. De là partons, firent voile au vent de la transmontane, passons par Meden, par Uti, par Uden, par Gelasim, par les isles des IHn'es, et jouxte le royaulme de Achorie ; finalement arrivèrent au port de Utopie, distant de la ville des Amaurotes par trois Heues, et quelque peu davantaige.

Quand ilz furent en terre quelque peu refraichis, Pantagruel dist : « Enfans, la ville n’est loing d’icy; devant que marcher oultre, il serait bon délibérer de ce qu'est à faire, afin que ne semblons es Athéniens, qui ne consultoient jamais sinon après le cas faict. Estes vous délibérés de vivTe et mourir avec moy ? — Seigneur, ouy, dirent ilz tous, tenez vous ;isscuré de nous, comme de vos ^oigts propres. — Or, dist il, il n’y a qu'un poinct qui tienne mon esprit suspend ef doubteux : c’est que je ne s\^y en quel ordre ny en quel nombre sont les ennemis qui tiennent la ville assiégée, car, quand je 1e sçaurais, je m’y en irais en plus grande asseurance. Par ce, advisons ensemble du moyen comment nous le pourrons sçavüir. »

A quoy tous ensemble dirent : « Laissez nous y aller voir, et nous attendez icy : car, pour tout le jourd'huy, nous vous en apporterons nouvelles certaines.

— Moy, dist Panurge, j’entreprends d’entrer en leur camp par le milieu des gardes et du guet, et banqueter avec eux, et bragmarder à leurs despens, .sans estre cogneu de nully ; visiter l’artillerie, les tentes de tous les capitaines, et me prclasser par les bandes, sans jamais estre descouvert : le diable ne m’affinerait pas, car je suis de la lignée de Zopire.

— Moy, dist Epistemon, je sçay tous les stratagemates et prouesses des vaillans capitaines et champions du temps passé,’ et toutes les ruses et finesses de discipline militaire ; je iray, et, encoces que lusse descouvert et decelé, j’eschapperay, en leur faisant croire de vous tout ce que me |ilaira : car je suis de la lignée de Sinon.

— Moy, dist Eusthenes, entreray par à travers leurs tranchées, maulgré le guet et tous les gardes, car je leur passeray sur le ventre, et leur rampray bras et jambes, et fussent ilz aussi fors que le diable, car je suis de la lignée de Hercules.

— Moy, dist Carpalim, j’y entrerai si les oiseaux y entrent : car j’ay le corps tant allaigrc que j’aurai saulté leurs tranchées, et percé oultre tout leur camp, davant qu’ilz m’ayent apperceu. Et ne crains ny traict, ny tlesche, ny cheval tant soit legier, et fust ce Pégase de Per.scus, ou Pacolet, que devant eux je n’eschappe gaillard et sauf. J’entreprends de marcher sur les espiz de bled, sus l’herbe des prés, sans qu’elle fléchisse dessous moy, car je suis de la lignée de Camille Ampzone. »