LIVRE II, CHAPITRE XXXI
Mais Pantagruel, tout le sénat assemblé, dist : « Messieurs, ce pendant que le fer est chault il le fault battre; pareillement, devant que nous deliaucher davantage, je veulx que nous allions prendre d’assault tout le royaulme des Dipsodes. Pourtant, ceux qui avec moy voudront venir s’apprestent à demain après boire, car lors je commenceray à marcher. Non «ju’il me faille gens davantaige pour m’aider à le conquester : car autant vauldroit il que je le tinsse desja ; mais je voy que ceste ville est tant pleine des habitans qu’ilz ne peuvent se tourner par les rues ; donc je les meneray comme une colonie en Dipsodie, et leur donneray tout le pays, qui est beau, salubre, fructueux, et plaisant sus tous les pays du monde, comme plusieurs de vous sçavent, qui y estes allés autrefois. Un chasrun de vous qui y voudra venir, soit prest comme j’ay dict. » Ce conseil et deliberation fut divulgué par la ville; et, le lendemain, se trouvèrent en la place devant le palais jusques au nombre de»dixhuit cens cinquante et six mille et unze, sans les femmes et petits enfans. Ainsi commencèrent à marcher droit en Dipsodie, en si bon ordre qu'ilz ressembloient es enfans d’Israël, quand ilz partirent d’Egypte pour passer lA mer Rouge.
Mais, devant que poursuivre ceste entreprinse, je vous veulx dire comment Paiiui^e traicta son prisonnier le roy Anarche. Il luy souvint de ce qu’avoit raconté Epistemon, comment estoient traictés les rois et riches de ce monde pur les champs Elyséœ, et comment ilzgaignoient pour lors leur vie à vilz et salles mestiers.
Pourtant, un jour, habilla son dict roy d’un beau petit pourpoint de toille, tout deschicqueté comme la cornette d’un ‘Albanois, et de belles chausses à la marinière, sans souliers, car, disoit.il, ilz luy gasteroient la voue; et un petit bonnet pers, avec une grande plume de chappon. Je faulx, car il m’est advisqu’ily enavoit deux, et une belle ceincture de pers et vert, disant que ceste livrée luy advenoit bien, veu qu’il avoit esté pervers.
En tel poinct l’amena devant Pantagruel, et luy dist : « Cognoissez vous ce rustre? — Non, certes, dist Pantagruel. — C’est monsieur du roy de trois cuittes. Je le veulx faire homme de bien : ces diables de rois icy ne sont que veaulx, et ne. sçavent ny ne valent rien, sinon à faire des maulx es pauvres subjects, et à troubler tout le monde par guerre, pour leur inique et détestable plaisir. Je le veulx mettre à mestier, et le faire crieur de saulce vert. Or commence à crier : « Vous fault il poinct de saulce vert? » Et le pauvre diable crioit. « C’est trop bas,» dist Panurge; et le print par l’oreille, disant: a Chante plus hault, en ÿ, sol, ré, ut. Ainsi... diable! tu as bonne gorge, tu ne fus jamais si heureux que de n’estre plus roy. »
Et Pantagruel prenait à tout plaisir. Car j’ose bien dire que c’estoit le . meilleur petit bon homme qui fust d’icy au bout d’un baston. Ainsi fut
Anarclie bon crieur de saulce vert. Deux jours apr^s, Panui^e le maria avec une vieille lanteruiere, et luy mesmes fitles nopces à belles testes de mouton, bonnes bastilles à la moustarde, et beaux tribars aux ailz, dont il envoya cinq sommades à Pantagruel, lesquelles il mangea toutes, tant il les trouva appétissantes ; et à boire belle piscantine et beau cormi!’. Et, pour les faire danser, loua un aveugle qui leur sonnoit la note avec sa vielle. Apres disiier, les amena au palais, et les monstra à Pantagruel, et luy dist, montrant la mariée: « Elle n’a garde de peter. — Ponrquoy? dist Pantagruel. — Pource, dist Panurge, qu’elle est bien entamée. — Quelle parabole est cela? dist Pantagruel. — Ne voyez vous, dist Panuir:e, que les cbaslaignes qu’on fait cuire au feu, si elles sont entières, elles petent que c’est raige ; et, pour les engarder de peter, l’on les entame. Aussi cesfe nouvelle mariée est bien entamée par le bas, ainsi elle ne petera point. »
Pantagniel leur donna rnie petite loge auprès de la bpsse rue, et un mortier (’e pierre à piler la saulce. Et firent en ce point leur petit mesnage ; et fut aussi gentil crieur de saulce vert qui fust onques veu en Utopie. Mais l’^n m’a dict depuis que .sa femme le bat comme piastre, et le pauvre sot ne s’ose defendre, tant il est niays.
