ET DE CE QUE L’AUTEUR VIT DANS SA DOUCHE

Ainsj que Pantagruel avec toute sa bande entrèrent es terres des Dipsodes, tout le monde en estoit joyeux, et incontinent se rendirent à luy, et, de leur franc vouloir, luy apportèrent les clefz de toutes les villes où il alloit : exceptez les Almyrodes, qui voulurent tenir contre luy, et firent response à ses heraulx qu’ilz ne se rendroient, sinon à bonnes enseignes.

« Quoy ! dist Pantagruel, en demandent ilz de meilleures que la main au pot et le verre au poing ? .Allons, et qu’on me les mette à sac. » Adouc tous SC mirent en ordre, comme délibérés de donner l’assanlt. Mais, au chemin, passans une grande campaigne, furent saisis d’une grosse houzée de pluye. A quoy commencèrent se trémousser et se serrer l’un l’aultre. Ue que voyant Pantagruel, leur fit dire par les capitaines que ce n’estoit rien, et qu’il voyoit bien au dessus des nues que ce ne seroit qu'une petite rouzée ; mais, à toutes fins, qu’ilz se missent en ordre, et qu’i) les vouloit couvrir. Eors se mirent en bon ordre et bien serrés. Et Pantagruel lira .'^a langue seulement à demy, et le.s encouvrit comme une geline fait ses poulletz.