LIVRE II, CHAPITRE XXXIl
Ce pendant, je, qui vous fais ces tant véritables contes, m’estois caché dessous une fueille de bardane, qui n'estoit moins large que l’arche du pont de Monslrible ; mais quand je les vis ainsi bien couvers, je m’en allay à eux rendre à l’abrit : ce que je ne peuz, tant ilz estaient, comme l’on dit, au bout de l’aulne fault le drap. Donc, le mieulx que je peuz, je montay par dessus, et cheminay bien deux lieues sur sa langue, tant que j'entray dedans sa bouche. Mais, ô dieux et déesses, que vis je là? Jupiter me confonde de sa fouldre trisulque si j’en mens. Je y cheminois comme l’on fait en Sophie à Constantinople, et y vis de grans Tochiers, comme les monts des Dannois, je croy que c’estoient ses dents, et de grands prés de grandes forestz, de fortes et grosses villes, non moins grandes que Lyon ou Doictiers.
Le premier que y trouvay ce fut un bon homme qui plantoit des choux. Dont, tout esbahy, luy demandav: « Mon amy, que fais tu icy? — Je plante, dist il, des choux. — Et à quoy ny comment? dis je. — Ha, monsieur, dist il, chascun ne peut avoir les couillotis aussi pesans qu’un mortier, et ne pouvons estre tous riches. Je gaigne ainsi ma vie, et les porte vendre au marché, en la cité qui est icy derrière. — Jésus ! dis je, y a il icy un nouveau monde? — Certes, dist il, il n'est mie nouveau; mais l’on dit bien que, hors d’icy, a une terre neufve où ilz ont et soleil cl lune, et tout plein de belles besoignes; mais cestuy cy est plus ancien. — Voire mais, dis je, mon amy, comment a nom ceste ville où tu portes vendre tes choux? — Elle a, dist il, nom Aspharage et sont chrisfians, gens de bien, et vous feront grand chcre. »
Drief, je deliberay d’y aller. ,
Or, en mon chemin, je trouvay un compaignon qui tendoitaux pigeons. Auquel je demanday ; « Mon amy, dond vous viennent ces pigeons icy? — Sire, dist il, ilz viennent de l’aultre monde. » Lors je pensay que, quand Pantagruel baisloit, les pigeons à pleines volées entroient dedans sa goi^e, pensans que fust un colombier. Puis entray en la ville, laquelle je trouvay belle, bien forte, et en bel air ; mais, à l’entrée, les portiers me demandèrent mon bulletin ; de quoy je fus fort esbahy et leur demanday : « Messieurs, y a il icy dangier de peste ? — O seigneur, dirent ilz, l’on se meurt icy auprès tant que le chariot court par les rues. — Vray Dieu, dis je, et où ? d A quoy me dirent que c’estoit en Laringues etPharingues, qui sont deux grosses villes telles comme Houen et Nantes, riches et bien marchandes, Et la cause de la peste a esté pour une puante et infecte exhalation qrl est sortie des abysmes depuis n'agueres; dont ilz sont mors plus de vingt et deux cens soixante mille et seize personnes, depuis huit jours. Lors je pense et calcule, et trouve que c’estoit une puante haleine
lî^
qui estoit venue de l’estomac de Pantagruel alors qu’il mangea tant d’ailladc, comme nous avons dict dessus.
De là partant, passay entre les rochiers qui estaient ses dents, et fis tant que je montay sus une, et là trouvay les plus beaux lieux du monde, beaux grands jeux de paulme, belles galeries, belles prairies, force vignes, et une infinité de cassines à la mode italicque par les champs pleins de delices, et là demeuray bien quatre mois, et ne fis onques telle chere que pour lors.
F’uis descendis par les dents du derrière pour venir aux baulievres; mais, en passant, je fus destroussé des brigans par une grande forest qui est vers la partie des oreilles ; puis trouvay une petite boui^ado à la devallée, j’ay oublié son nom, où je fis cncores meilleure chere que jamais, et gaignay quelque peu d’argent pour vivre. Et sçavez vous comment? A dormir • car l'on loue là les gens à journée pour dormir, et gaignent cinq et six solz par jour ; mais ceux qui ronflent bien fort gaignent bien sept sülz et demy. El contois aux sénateurs comment on m’avoif destroussé par la vallée ; lesquelz me dirent que, pour tout vray, les gens de delà les dents estoient mal vivons, et brigans de nature : à quoy je cogneu que, ainsi comme nous avons les contrées de deçà et delà les monts, aussi ont ilz deçà et delà les dents. Mais il fait beaucoup meilleur deçà, et y a meilleur air.
Et là commençay à penser qu'il est bien vray ce que l’on dit que la moitié du monde ne sçait comment l’aultre vit. Veu que nul n’avoit encores escrit de ce pays là, où il y a plus de vingt et cinq royaulmes habités, sans les desers, et un gros bras de mer ; mais j’en ay composé un grand livre intitulé {'Histoire des Gorgias : car ainsi les ay nommés, parce qu’ils demeurent en la gorge de mon maistre Pantagruel. Finablemcnt voulus retourner, et, passant par sa barbe, me jettay sus ses espaules, et de là me devalle en terre, et tombe devant luy. Quand il m'apperceut, il me demanda : « Dond viens tu, Alcofribas?» Je lui responds : « De vosire goi^e, monsieur. — Et depuis quand y es tu ? dist il. — Depuis, dis je, que vous alliez contre les Almirodes. — Il y a, dist il, plus de six mois. Et de quoy vivois tu? Que mangeois tu? que beuvois tu? « Je responds : « Seigneur, de mesmes vous, et, des plus frians morceaux qui passoient par vostre gorge, j’en prenois le bairaige. — Voire mais, dist il, où chiois tu? — En vostre gorge, monsieur, dis je. — Ha, ha, tu es gentil compaignon, dist il. Nous avons avec l’aide de Dieu, conquesté tout le pays des Dipsodes ; je te donne la chastellenie de Salmigondin. — Grand mcrcy, dis je, monsieur; vous me faites du bien plus que n’ay deservy envers vous».
