PROLOGUE DU TIERS LIVRE

Bonnes gens, beuveurs très illustres, et vous goutteux très précieux,, vistes vous onques Diogenes le philosophe cynic? Si l’avez veu, vous, n’aviez perdu la veue, ou je suis vrayement forissu d’intelligence et de sens logical. C’est belle chose voir la clarté du (vin et cscus) soleil. J’en demande à l’aveugle né tant renommé par les très sacres bibles : lequel, ayant option de requérir tout ce (pril voudroit, par le commandement de celuy qui est tout puissant, et le dire duquel est en un moment par effect représenté, rien plus ne demanda que voir.

Vous item n’estes jeunes qui est qualité competente pour en Vin, non en vain, ains plus que physicalement philosopher, et désormais estre du conseil bacchicque, pour en lopinant opiner des substance, couleur, odeur, excellence, eminencc, propriété, faculté, vertus, effect et dignité du" benoist et désiré piot.

Si veu ne l’avez (comme facilement je suis induict à croire), pour 1e moins avez vous ouy de luy parler : car, par l’air et tout ce ciel, est son bniit et nom jiisques à présent resté mémorable et célébré assez. Et puis vous estes tous du sang de Phrygie extraietz, ou je me abuse. Et, si n’ave? tant d’escus comme avoit Midas, si avez vous de luy je ne sçay quoy, que plus jadis louoicnt les Perses en tous leurs otacustes, et que plus souhaitoit l’empereur .\ntonin : dont depuis fut la serpentine de Rohan surnommée Belles oreilles.

Si n’en avez ouy parler, de luy vous veux présentement une histoire narrer, pour éntrer en vin (lieuvez donc) et propos (escoutez donc), vous advertissant (afin que ne soyez en simplesse pippés, comme gens mescréans) qu’en son temps il fut philosophe rare et joyeux entre mille. S’il avoit quelques imperfections, aussi avez vous, aussi avons nous. Rie» n’est, sinon Dieu, perfaict. Si est ce que Alexandre le Grand, quoy qu’il eust .\ristoleles pour précepteur et domestic, l’avoit en telle, estimation qu’il souhaitoit, en cas qu’.Vlexandie ne fust, estre Diogenes Sinopien.