PROLOGUE DE L’AUTEUR

yeulx, au demeurant y espargnent leurs forces, celent leurs escus, cachent leur argent, se grattent la teste avec un doigt, comme landores desgoustés, baislent aux mouches comme veaulx de disme, chauvent des oreilles comme asnes d’Arcadie au chant des musiciens, et, par mines en silence, signifient qu’ils consentent à la prosopopée.

l'rins ce choys et élection, ay pensé ne faire exercice inutile et importun si je remuois mon tonneau diogenic, qui seul m'est resté du naufrage faict par le passé au far de mal’encontre. A ce triballement de tonneau, que feray je, en vostrc advis? Par la vierge qui se rebrasse, je ne sçîiy encores. Attendez un peu que je hume quelque traict de ceste bouteille : c’est mon vray et seul Helicon, c’est ma fontaine caballine, c’est mon unique enthusiasme. Icy beuvant je délibéré, je discours, je resouldz et concluds. Après l’epilogue je ris, j’escris, je compose, je boy. Enniiis beuvant escrivoit, escrivant beuvoit. Eschylus (si à Plutarche foy avez, in Symposiacis) beuvoit composant, beuvant composoit. Homere jamais n’cscrivit à jeun. Caton jamais n’escrivit qu’aprés boire. Afin que ne me dictes ainsi vivre sans exemple des biens loués et mieulx prisés. Il est bon et frais assez, comme vous diriez sus le commencement du second degré ; Dieu, le bon Dieu Sabaoth, c’est à dire des armées, en soit éternellement loué. Si de mesmes vous autres beuvez un grand ou deux petits coups en robe, je n’y trouve inconvénient aucun, pourveu que du tout louez Dieu un tantinet.

Puis donc que telle est ou ma sort, ou ma destinée (car à chascun n’est octroyé entrer et habiter Corinthe), ma deliberation est senir et es uns et es autres ; tant s’en fault que je reste cessateur et inutile. Envers lés vastadours, pionniers et rempareurs, je feray ce que firent Neptune et Apollo en Troie sous Laomedon, ce que fit Regnauld de Montaulban sus ses. derniers jours : je serviray les massons, je metlray bouillir pour les mas.sons, et, le past terminé, au son de ma musette, mesureray la musarderie des musars. Ainsi fonda, bastit et édifia Amphion, sonnant de sa lyre, la grande et célébré cité de Thebes.

Envers les guerroyans, je vais de nouveau percer mon tonneau ; et, de la traictc, laquelle, par deux precedens volumes (si par l’imposture des imprimeurs n’eussent esté pervertis et brouillés), vous fut assez cogneue, leur tirer du creu de nos passetemps epicenaires un galant tiercin, et consécutivement un joyeux quart de Sentences pantagruelicques. Par moy licite vous sera les appeler diogenicques. Et m’auront (puis que compaignon ne peux estre) pour architriclin loyal, refraischissant à mon petit pouvoir leur retour des alarmes ; et laudateur, je dis infatigable, de leurs prouesses et ploricux faicts d’armes. Je n’y fauldray par lapathium àcvr

tum (ie Dieu, si mars ne faiHoit à caresme, mais il s’en dgnnera bien garde, le paillard.

Me souvient toutesfois avoir leu que Ptolemée, filz de Lagus, quelque jour, entre autres despouilles et butins de ses conquestes, présentant aux Egyptiens en plein théâtre un chameau bactrian tout noir, et uii esclave bigarré, tellement que de son corps l’une part estoit noire, l’autre blanche (non en compartiment de latitude par le diaphragme, comme fui celle femme sacrée à Venus liidicque, laquelle fut recogneue du philosophe Tyanien entre le fleuve Hydaspes et le mont Caucase), mais en dimension perpendiculaire, choses non encores veues en Egypte, esperoit, par offre de ces nouveautés, l’amour du peuple envers soy augmenter. Qu’en advint il? .\ la production du chameau, tous furent effroyés et indignés ; à la veue de l’homme bigarré, aucuns se moquèrent, autres l’abominerent comme monstre infâme, créé par erreur de nature. Somme, l’esperance qu’il avoit de complaire à ses Egyptiens, et, par ce moyen, extendre l’affection qu’ilz luy portoient naturellement, luy dccoulla des mains. Et entendit plus à plaisir et delices leur estre choses belles, dégantés et perfaictes, que ridicules et monstrueuses. Depuis, eut tant l’esclave que le chameau en mespris; si que, bien tost après, par négligence et faulte de commun traictement, firent de vie à mort eschange.

Cestuy exemple me fait entre espoir et crainte varier, doubtant que, pour contentement propensé, je rencontre ce que j’abhorre; mon trésor soit charbons ; pour Venus advienne Barbet le chien : en lieu de les servir, je les fasche ; en lieu de les esbaudir, je les offense ; en lieu de leur complaire, je déplaise, et soit mon adventure telle que du cocq d’Euclion, tant célébré par Plaute en sa Marmite et par Ausone en son Gryphon et ailleurs; lequel, pour en grattant avoir descouvert le trésor, eut la couppe gorgée. Advenant le cas, ne scroit ce pour chevreter ? Autrefois est il advenu ; advenir encores pourroit.

Non fera. Hercules ! Je recognois en eux tous une forme specificque et propriété individuale, laquelle nos majeurs nommoient Pantagruélisme, moyennant laquelle jamais en mauvaise partie ne prendront choses quelconques ilz cognoistront sourdre de bon, franc et loyal couraige. Je les ay ordinairement veuz bon vouloir en payement prendre, et en iceluy acquiescer, quand débilité de puissance y a esté associée.

De ce poinct expédié, à mon tonneau je retourne. .Sus, à ce vin, corapaings ! Enfans, beuvez à pleins godetz. Si bon ne vous semble, laissez le. Je ne suis de ces importuns lifrelofres, qui, par force, par oultraige et violence, contrægncnt les lans et compaignons trinquer, voire carous et alluz, qui pis est. Tout beuveur de bien, tout goutteux de bien, altérés.