PROLOGUE DE L’’AÜTEUR

\cnans à cc ;nien tonneau, s’ilz ne voulent, ne beuvent : s’ilz veulent, et le vin plaist au goust 'de la seigneurie de leurs seigneuries, beuvent franchement, librement, hardiment, sans rien payer, et ne l’espaignent. Tel est mon decret. Et peur n’pyez que le vin faille, comme fit es nopces de Oana en Galilée. Autant que vous en tirerez par la dille, autant en entoniicray par le bondon. Ainsi demeurera le tonneau inexpuisible. Il a source vive et veine perpétuelle. Tel estoit le breuvage contenu dedans la coupe de Tantalus, représenté par figure entre les sages Brachmanes ; telle esloil en Iberie la montaigne de sel tant celebrée par Caton ; tel estoit le rameau d'or sacré à la déesse sousterraine, tant célébré par Virgile. G’est un vray comucopie de joyeuseté et raillerie. Si quelquefois vous semble estre expuisé jusques à la lie, non pourtant sera il à sec. Bon espoir y gist au fond, comme en la bouteille de Pandora ; non desespoir, comme on hussart des Danaides.

.\otez bien ce que j’ay dict, et quelle maniéré de gens j’invite. Car (afin que personne n’y soit trompé) à l’exemple de Lucilius, lequel protestoit n'escrire qu’à ses Tarentins et Consentinois, je ne l’ay percé que pour vous, gens de bien, beuveurs de la prime cuvée, et goutteux de franc alleu. Les geans doriphages, avalleurs de fiimats, ont au cul passions assez, et assez sacs au croc pour venaison ; y vacquent s’ils voulent : •ce n’est icy leur gibtier. Des cerveaux à hourlet, grabeleurs de corrections, ne me parlez, je vous supplie, au nom et reverence des quatre fesses qui vous engendreront, et de la vivifique cheville qui pour lors les couploit. Des caphars enoores moins, quoy que tous soient beuveurs ■oultrés, tous verolés, croustelevés, garnis d’alteration inextinguible et manducation insatiable. Pourquoy? Pource qu’ilz ne sont de bien, ains de mal, et de ce mal duq\iel journellement à Dieu requérons estre délivrés, s(uoy qu’ilz contrcfaccnt quelquefois des gueux. Onques vieil singe ne fit belle moue.

Arriéré, mastius ! hors de la quarriere ! hors de mon soleil, cahuaille au diable ! Venez vous icy culletans articuler mon vin et compisser mon tonneau? Voyez cy le baston que Diogenes par testament ordonna estre prés luy posé après sa mort, pour chasser et esrener ces larves bustuaires etjnastins cerbericques. Pourtant, arriéré, cagotz! Aux ouailles, mastius! Hors d’icy, caphards ! de par le diable, hay! Estes vous encores là? Je renonce ma part de papimanie, si je vous happe. GZZ, g ZZZ, g ZZZZZZ. Davant, davant! Iront ilz? Jamais ne puissiez vous fianterque à sanglades d’estrivieres ! Jamais pisser que à l’estrapade, jamais cschautfcr <]uc à coups de baston!