LIVRE lll, CHAPITRE I

aiigariant, ruinant, mal vexant et régissant avec verge de fer; brief, les peuples mangeant et dévorant, en la façon que Homere appelle le roy inique Dimotore, c’est à dire mangeur de peuple. Je ne vous allegueray à ce propos les histoires antiques; seulement vous revocqueray en recordaliüii de ce qu’en ont veu vos peres, et vous mesnies, si trop jeunes n’estes. Comme enfant nouvellement né, lesfault alaicter, bercer, esjouir. Comme arbre nouvellement plantée, les fault appuyer, asceurer, défendre de toutes vimeres, injures et calamités. Comme personne sauvée de longue et forte maladie, et venant à convalescence, les fault choyer, espargner, restaurer : de sorte qu’ilz conçoivent en soy ceste opinion n’eslre au monde roy ne prince que moins voulsissent ennemy, plus optassent amy.

Ainsi Osiris, le grand roy des B^yptiens, toute la terre conquesta, non tant à force d’armes que par soulagement des angaries, enseignemens de bien et salubrement vivre, loix commodes, gracieuseté et bienfaicts. Pourtant, du monde fut il surnommé le grand roy Evei^etes, c’est à dire bienfaicleur, par le commandement de Jupiter faict à une Pamyle. De faict, llesiode, en sa Hiérarchie, colloque les bons démons (appelez les, si voulez, anges ou genies), comme moyens et médiateurs des dieux et hommes, suiterieurs des hommes, inferieurs des dieux. Et, pource que par leurs mains nous adviennent les richesses et biens du ciel, et sont rx)ntiuuellement envers nous bienfaisans, tousjours du mal nous préservent, les dit estre en office de rois, comme, bien tousjours faire, jamais mal, estant acte uniquement royal.

Ainsi fut empereur de l’univers Alexandre Macedo. Ainsi fut par Hercules tout le continent possédé, les humains soulageant des monstres, ojiprossions, exactions et tyrannies; en bon traictement les gouvernant, en équité et justice les maintenant, en benigne police et loix convenantes à l’assiete des contrées les instituant ; suppléant à ce que défailloit, ce que abondoit avalluant, et pardonnant tout le passé, avec oubliance sempiternelle de toutes offenses precedentes : comme estoit l’amnestie des Athéniens, lors que furent par la prouesse et industrie de Thrasibulus les tyrans exterminés, depuis en Rome exposée par Cicéron, et renouvellée sous l’empereur Aurelian.

Ce sont les philtres, iynges et attraietz d’amour, moyennant lesqiielz pacifiquement on retient ce que péniblement on avait conquesté. Et plus en heur ne peut le conquérant regner, soit roy, soit prince, ou philosophe, que faisant justice à vertus succéder. Sa vertu est apparue en la victoire et conqueste. Sa justice apparoistra en ce que, par la volunté et bonne affection du peuple, donnera loix, publiera edietz, establira religions, fera