LIVRE III, CHAPITRE III
licence, à laquelle tous humains semblent tirer et aspirer ; mais peu y montent pour la difficulté du chemin, voyant aujourd’huy tout le monde en désir fervent e strident appétit de faire debtes et créditeurs nouveaulx. Toutesfois, il n’est debteur qui veult : il ne fait créditeurs qui veult. Et vous me voulez débouter de ceste félicité soubeline ? Vous me demandez quand seray hors de debtes ?
a bien pis y a, Je me donne à sainct Babolin le bon sainct, en cas que, toute ma vie, je n’aye estimé debtes estre comme une connexion et colligence des cieulx et terre, un entretenement unique de l’humain lignaige. Je dis sans lequel bien tost tous humains periroient ; estre par advenlure celle grande ame de l’univers, laquelle, selon les academicques, toutes choses vivifie.
« Qu’ainsi soit, représentez vous en esprit serain l’idée et forme de quelque monde (prenez, si bon vous semble, le trentiesme de ceux que imaginoit le philosophe Metrodorus, ou le soixante et dix huitiesme de Petron), onquel ne soit debteur ny créditeur aucun. Un monde sans debtes ! là entre les astres ne sera cours régulier quiconque. Tous seront en desarroy. Jupiter, ne s’estimant debteur à Saturne, le dépossédera de sa sphere, et avec sa chaine homericque, suspendra toutes les intelligences, dieux, cieulx, démons, genies, heroes, diables, terre, mer, tous elemens. Saturne se ralliera avec Mars, et mettront tout ce monde en perturbation. Mercure ne voudra soy asservir es aultres; plus ne sera leur Ounille, comme en langue hetrusque estoit nommé : car il ne leur est en rien debteur. Venus ne sera venerée, car elle n’aura rien presté. La Lune restera sanglante et tenebreuse : à quel propos luy departiroit le Soleil sa lumière ? il n’y estoit en rien tenu. Le Soleil ne luyra sus leur terre ; les astres ne y feront influence bonne, caria terre desistoit leur presternourrissement par vapeurs et exhalations ; desquelles, disoit Heraclitiis, prouvoient les Stoïciens, Cicéron maintenoit estre les estoiles alimentées.
« Entre les elemens ne sera symbolisation, alternation, ne transmutation aucune. Car l’un ne se reputera obligé à l’aultre : il ne luy avoit rien presté. De terre ne sera faicte eau ; l’eau en air ne sera transmuée ; de l'air ne sera faict feu ; le feu n’esebauffera la terre. La terre rien ne produira que monstres, titanes, aloïdes, géans; il n’y pluyra pluye, n’y luyra lumière, n’y ventera vent, n’y sera esté ne automne. Lucifer se deslicra, et sortant du profond d’enfer avec les Furies, les Poines et diables cornuz, vouldra deniger des cieulx tous les dieux, tant des majeurs comme des mineurs peuples.
« De cestuy monde rien ne prestant, ne sera qu’une chiennerie, qu’une brigue plus anomale que celle du recteur de Paris, qu’une diablerie plus
confuse que celle des jeux de Doué. Entre les humains, l’un ne sauvera l’aultre : il aura beau crier à l'aide, au feu, à l’eau, au meurtre; personne n’ira à secours. Pourquoy? Il n’avoit rien preste, on ne luv dcvoit rien, l’ersonne n’a interest en sa conflagration, en son naufi age, en sa ruine, eu sa mort. Aussi bien ne prestoit il rien ; aussi bien n’cust il par après rien presté. Brief, de cestuy monde seront bannies Foy, Espérance, Charité : car les hommes sont nés pour l’aide et secours des hommes. En lieu d’elles succéderont Défiance, Mespris, Rancune, avec la cohorte de tous maulx, toutes malédictions et toutes miseres. Vous penserez proprement que là eust Pandora versé sa bouteille. Les hommes seront loups es hommes, loups guaroux et lutins, comme furent Lycaon, Rcllerophon. Nabugotdonosor ; brigans, assassineurs, empoisonneurs, malfaisans, malpensans, malveillans, haine portans un chascun contre tous, comme Ismael, comme Metabus, comme Timon Athénien, qui, pour ceste cause, fut surnommé misanihropos. Si que chose plus facile en nature seroit nourrir en l’air les poissons, paistreles cerfz au fond de l'Océan, que supporter ceste truan* daille de monde, qui rien ne preste. Par ma foy, je les hays bien.
« Et si au patron de ce fascheux et chagrin monde rien ne prestant vous figurez l’autre petit monde qui est l’homme, vous y trouverez un terrible tintamarre. La teste ne voudra prester la veue de ses yeulx pour guider les pieds et les mains. Les pieds ne la daigneront porter; les mains cesseront travailler pour elle. Le cœur se faschera de tant se mouvoir pour les pouls des membres, et ne leur prestera plus. Le poulmon ne luy fera prest de ses souflletz. Le foye i\e luy envoyra sang pour son entretien. l.a vessie ne voudra estre debitrice aux roignons, l’urine sera supprimée. l.e cerveau, considérant ce train desnaturé, se mettra en resverie, et ne baillera sentement es nerfz, ne mouvement es muscles. Somme, en ce monde desrayé, rien ne devant, rien ne prestant, rien n’empruntant, vous verrez une conspiration plus pernicieuse que n’a figuré Esope en son apolt^ue. El périra sans double : non périra seulement, mais bien tost périra, fust ce EscMiapius mesmes. Et ira soudain le corps en putréfaction : l’ame, toute indignée, prendra course à tous les diables, après mon argent, b
