CHAPITRE X

COMMENT PANTAGRUEL REMONSTRB A PANCRGE DIFFICILE CHOSE ESTHE LE CONSEIL DE MARIAGE, ET DES SORS HOMERIQUES ET VIRGILIANES

• Vostre conseil, dist Panurge, sous correction, semble à la chanson de Ricochet : ce ne sont que sarcasmes, mocqueries, paranomasies, cpanalepses, et redictes contradictoires. Les unes destruisent les aultres. Je ne sçay esquellcs me tenir. — Aussi, respondit Pantagruel, en vos propositions tant y a de si et de mais que je n’y sçaurois rien fonder, ne rien resouldre. N’estes vous asceuré de vostre vouloir? Le poinct principal y gist - tout le reste est fortuit, et dépendant des fatales dispositions du ciel. Nous voyons bon nombre de gens tant heureux à ceste rencontre, qu’en leur mariage semble reluire quelque idée et représentation des joyes de l»aradis. Aultres y sont tant malheureux que les diables qui tentent les liermites par les desers de Thebaïde et Monsserrat ne le sont davantaige. 11 s’y convient mettre à l’adventure, les yeulx bandés, baissant la teste, baisant la terre, et se recommandant à Dieu au demeurant, puis qu’une fois l'on s’y veult mettre. Aultre asceurance ne vous en sçaurois je donner.

a Or, voyez cy que vous ferez, si bon vous semble. Apportez moy les oeuvres de Virgile, et, par trois fois, avec l'ongle les ouvrons, explorerons, par les vers du nombre entre nous convenu, le sort futur de vostre mariage. Car, comme par sors homericques, souvent on a rencontré sa destinée : tesmoing Socrates, lequel, oyant en prison reciter ce métré d’Homere, dict de Achilles, /liad., IX, 362 :

"UiaaTt xàv Toiiâxw *I»0^r,v ÈpiStuXov c/.0''p.r)v.

Je parviendray, sans faire long séjour.

En Phthie, belle et fertile, au tiers jour,

prévit qu’il mourroit le tiers subséquent jour, et le asceura à Eschines, comme escrivent Plato, in Crüone, Cicero, ‘primo de Divinations, et Diogencs Laertius.

< Tesmoin Opilius Macrinus, auquel, convoitant sçavoir s’H seroit empereur de Rome, advint en sort ceste sentence, Iliad., VIII, 102.

'Q yspov, rj [isfXa orj rst ve'oi TEtpoyot u.aj(^7]Taf •

Sî] 31 XEXuTai, -/aXsitov 3s oe yiip*; oJîâÇe'.

O homme vieux, les soudars désormais Jeunes et fors te lassent eertes ; mais Ta vigueur est résolue; et vieillesse Dure et moleste accourt et trop te presse.