CHAPITRE XII

COMMENT PANTAGRUEL EXPLORE PAR SORS VIRGILIANES QUEL SERA LE MARIAGE DE FANLRGE

Adonc ouvrant Panurge le livre, rencontra on rang seiziesmc ce vers .

Nec Deus hune mensa, Dea nec dignata cubili est.

Digne ne fut d'estre en table du dieu.

Et n’eut on lict de la déesse lieu.

a Cesluy, dist Pantagruel, n’est à vostre advantaige. Il dénoté que vostre femme sera ribaulde, vous coqu par conséquent. La déesse que n’aurez favorable est Minerve, vierge très redoutée, déesse puissante, fouldroyante, ennemie des coquz, des muguetz, des adultérés ; ennemie des femmes lubricques, non tenantes la foy promise à leurs mariz, et à aultruy soy abandonnantes. Le dieu est Jupiter tonnant, et fouldroyant des cieulx. Et noterez, parla doctrine des anciens Etrusques, que lesmanubies (ainsi appeloient il/ les jeetz des fouldres Vulcanicques) competent à elle seulement (exemple de ce fut donné en la conflagration des navires de Ajax Oileus), et à Jupiter, son pere capital. A aultres dieux olympicques n’est licite fouldroyer. Pourtant ne sont ilz tant redoubtés des humains. Plus vous diray, et le prendrez comme extraict de haulte mythologie : quand les Géans entreprindrent guerre contre les dieux, les dieux, au commencement, se mocquerent de telz ennemis, et disoient qu’il n’y en avoit pas pour leurs pages. Mais, quand ilz virent, par le labeur des Géans, le mons Pelion posé dessus le mons Osse, et ja esbranlé le mous Olympe, pour estre mis au dessus des deux, furent tous eftrayés. Adonc tint Jupiter chapitre general. Là fut conclud de tous les dieux qu’ilz se mettroient vertueusement en defense. Et, pource qu’ilz avoient plusieurs fois veu les batailles perdues par l'empeschement des femmes qui estaient parmy les armées, fut décrété que, pour l’heure, on chasserait des cieulx ' en Egypte, et vers les confins du Nil, toute ceste vessaille des déesses, desguisées en beletes, fouines, ratepenades, museraignes, et aultres métamorphosés. Seule Minerve fut de retenue, pour fouldroyer avec Jupiter, comme déesse des lettres et de guerre, de conseil et execution; dées.se née armée, dées e reJoubtée on ciel, en l’air, en la mer, et en terre.

— Ventre sus ventre, dist Panurge, serois je bien Vulcan, duquel parle le poète? Non. Je ne suis ne boiteux, ne faulx monnoyeur, ne forgeron, comme il estoit. Par adveiiture, ma femme sera aussi belle et advenante