CHAPITRE XIII

COMMENT PANTAGBCEL CONSEILLE PANURGE PREVOIR l’HEUR OU MALHEUR DE SON MARIAGE PAR SO.NGES

« Or, puis que ne convenons ensemble en l’exposition des sors Virgilianes, prenons aultre voye de divination. — Quelle? demanda Panurge. — Bonne, respondit Pantagruel, antique et autlientique : c’est par songes. Car, en songeant, avec conditions lesquelles descrivent Hippocrates, lih. Péri enypnion, Platon, Plotin, Jamblique, Syncsius, Aristoteles,^Xenophon, Galen, Plutarche, Artemidorus Daldianus, Herophilus, Quintus Calaber, Théocrite, Pline, Atheneus, et aultres, l’ame souvent prévoit les

LIVKE 111, CHAPimE XIII

choses futures. Ja n’est hesoing plus au long vous le prouver. Vous l’entendez par exemple vulgaire, quand vous voyez, lorsque les enfans bien nettis, bien repuz et alaictés, dorment profondément, les nourrices s'en aller esbatre en liberté, comme pour icelle heure licenliées à faire ce que voudront, car leur présence autour du bers sembieroit inutile. En cesie façon, nostre ame, lorsque le corps dort, et que la concoction est de tous endroits parachevée, rien plus n’y estant n*cessnirc jusques au reveil, s’esbat et revoit sa patrie, qui est le ciel. De là, reçoit participation insigne de sa prime et divine origine ; et, en contemplation de ceste infinie et intellectuelle spbere, le centre de laquelle est en cbascun lieu de riinivers, la circonférence poinct (c'est Dieu, selon la doctrine de Hernies Trismegistus), à laquelle rien ne advient, rien ne passe, rien ne decbet, jous temps sont presens, note non seulement les choses passées en mouvemens inferieurs, mais aussi les futures : et, les rapportant à son corps, et par les sens et orgai.js d’iceluy les exposant aux amis , est dicte vaticiiiatrice et prophète.

« Vray est qu'elle ne les rapporte en telle sincérité comme les avoit veues, obstaat l’imperfection et fragilité des sens corporelz ; comme la lune, recevant du soleil sa lumière, ne nous la communicque telle, tant lucide, tant pure, tant vive et ardente comme l’avoit receuc. Pourtant, reste aces vaticinations somniales interprété qui soit dextre, sage, industrieux, expert, rational, et absolu onirocrite et oniropole ; ainsi sont appelles des Grecs. C'est pour quoy Heraclitus disoit rien par songes ne nous astre exposé, rien aussi ne nous estre celé ; seulement nous estre donnée signification et indice des choses advenir, ou pour l'heur et malheur nostre, ou pour l’heur et malheur d’aultruy. Les sacres lettres le tesmoigneut, les histoires prophanes l’asceurent, nous exposans mille cas advenuz selon les songes, tant de la personne songeante, que d’aullruy pareillement. l.es Atlanticques, et ceux qui habitent en l’isle de Thasos, l'une des Cyclades. sont privés de ceste commodité, on pays dcsquclz jamais personne ne songea. Aussi furent Clcon de Daube, Thrasjmcdes, et, de nostre temps, le docte Villanovanus françois, lesquelz onques ne songèrent.

« Demain donc, sus l’heure que la joyeuse Aurore aux doigts rozalz dechassera les tenebres nocturnes, adonnez vous à songer parfondement. Ce pendant, despouillez vous de toute affection humaine, d’amour, de haine, d’espoir, et de craincte. Car, comme jadis le grand vaticinateur Proteus, estant desguisé et transformé en feu, en eau, en tigre, endracon, et aultres masques estranges, ne predisoit les choses advenir; ains, pour les prédire, force estoit qu’il fust restitué en sa propre et naïfve forme, aussi ne peut l’homme recevoir divinité et art de vaticiner, sinon que la

partie qui en luy plus est divine (c’est vous et mens) soit coye, tranquille, paisible, non occupée, ne ilistraicte par passions et alTcctiuiis foraines.

— Je le veulx, dist Panurge. Fauldra il peu ou beaucoup souper à ce soir? Je ne le demande sans cause. Car, si bien et largement je ne soupe, je ne dors rien qui vaille, la nuyt ne fais que ravasser, et autant songe creux que pour lors estoit mon ventre. — Poinct souper, respondit Pantagruel, seroit le meilleur, atte|idu vostre bon en poinct et habitude.

a Amphiaraus, vaticinateur antique, vouloit ceux qui par songes rerevoient ses oracles rien tout celuy jour ne manger, et vin ne boire trois jours davant. Nous n'userons de tant extreme et rigoureuse diete. Bien croy je l’homme replet de viandes et crapule difficilement concepvoir notice des choses spirituelles ■ ne suis toutesfois en l’opinion de ceux qui, après longs et obstinés jeusnes, cuident plus avant entrer en contemplation des choses celestes.

< Souvenir assez vous peut comment Gargantua mon pere, lequel par honneur je nomme, nous a souvent dict les escrits de ces hermites jeusneurs autant estre fades, jejunes et de mauvaise salive comme cstoieiit leurs corps, lorsqu’ilz composoient : et difficile chose estre, bons et serains rester les esprits, estant le corps en inanition, veu que les philosophes et medicins afferment les esprits animaulx sourdre, naistre et pratiquer par le sang arterial, purifié et affiné à perfection dedans le retz admirable qui gist sous les ventricules du cerveau.

« Nous baillant exemple d’un philosophe qui, en solitude pensant estre et hors la tourbe, pour mieulx commenter, discourir et composer, ce pendant toutesfois autour de luy abayent les chiens, ullent les loups, rugient les lions, bannissent les chevaulx, barrient les elephans, sifflent les serpens, braislent les asnes, sonnent les cigales, lamentent les tourterelles; c’est à dire, plus estoit troublé que s’il fust à la foyre de Fontenay ou 'Niort, car la faim estoit on corps : pour à laquelle remédier, abaye l’estomac, la veue esbiouit, les veignes sugeent de la propre substance des membres carniforracs, et retirent en bas cestuy esprit vagabond, négligent du traictement de son nourrisson et hoste naturel, qui est le corps : comme si l’oiseau, sus le poing estant, vouloit en l’air son vol prendre, et incontinent par les longes seroit plus bas déprimé. Et, à ce propos, nous ailegant l’autorité de Ilomere, pere de toute philosophie, qui dit les Gregeoys, lors, non plus tost, avoir mis à leurs larmes fin du dueil de Patroclus, le grand amy d’.Achilles, quand la faim se declaira et leurs ventres protestèrent plus de larmes ne les fournir. Car, en corps exinaniz par trop longjeusne, plus n’estoit de quoy pleurer et larmoyer.

« Médiocrité est en tous cas louée, et icy la maintiendrez. Vous man-