CHAPITRE XIV

LE SONGE DE PANCRGE, ET I.NTEBPllETATION d’ICELUY

Sus les sept heures du matin subséquent, Panurge se présenta davant Pantagruel, estans en la chambre Epistemon, frere Jean des Entommeures, Ponocrates, Eudemon, Carpalim et aulfres, esquelz, à la venue de Panurge, dist Pantagruel : « Voyez cy nostre songeur. — Geste parole, disl Epistemon, jadis cousta bon, et fut chèrement vendue es enfans de Jacob. » Adonc dist Panurge : « J’en suis bien chez Guillot le songeur. J’ay songé tant et plus, mais je n’y entends note, exceptez que, par mes songeries, j’avois une femme jeune, galante, belle en perfection, laquelle me traictoit et entretenoit mignonnement, comme un petit dorelot. Jamais bomme ne fut plus aise, ne plus joyeux. Elle me flattoit, me chatouilloit, me testonnoit, me tastonnoit, me baisoit, me accolloit, et par esbattement me faisoit deux belles petites cornes au dessus du front. Je luy remontrois en folliant qu’elle me les debvoit mettre au dessous des yeulx, pour mieulx voir ce que j’en voudrais ferir, afin que Momus ne trouvast en elles chose aucune imperfaicte et digne de correction, comme il fit en la position deS cornes bovines. La follastre, non obstant ma remonstrance, me les fichoit encores plus' avant. Et en ce ne me faisoit mal quelconque, qui est cas admirable. Peu après, me sembla que je fus, ne sçay comment, transformé entabourin, et elle en chouette. Là fut mon sommeil interrompu, et en sursault me resveillay tout fasché, perplex et indigné. Voyez là une belle platelée de songes. Faites grand chere là dessus, et l’exposez comme l’entendez. Allons desjeuner, monsieur maistre Carpalim.

— J’entends, dist Pantagruel, si j’ay jugement aucun en l’art de divination par songes, que vostre femme ne vous fera réallement et en apprrcnce extérieure cornes on front, comme portent les satyres ; mais elle ne vous tiendra foy ne loyaulté conjugale, ains à aultruy s’abandonnera, et