COMMENT PANURGE FAIT DISCOURS POUR RETOURNER A RAMINAGROBIS
« Retournons, dist Panurge continuant, l’admonester de son salut. Allons on nom, allons en la vertu de Dieu. Ce sera oeuvre charitable à nous faicte. Au moins, s’il perd le corps et la vie, qu’il qe damne son asne. Nous l’induirons à contrition de son péché, à requérir pardon es dicts tant beatz peres, absens comme presens ; et en prendrons acte, afin qu’aprés son trespas, ilz ne le declairent heretique et damné, comme les farfadetz firent de la prevoste d’Orléans ; et leurs satisfaire de l’oullrage, ordonnant par tous les couvens de ceste province aux bons peres religieux force bribes, force messes, force obitz et anniversaires; et que, au jour de son trespas, sempiternellement ilz ayent tous quintuple pitance, et que le grand bourrabaquin, plein du meilleur, trotte de ranco par leurs tables, tant des burgotz, layz et briffaulx, que des prestres et des clercs, tant des novices que des profés. Ainsi pourra il de Dieu pardon avoir.
« Ho, ho, je m’abuse et m’esguare en mes discours. Le diable m’emport .si je y vays. Vertu Dieu, la chambre est desja pleine de diables. Je les oy desja soy pelaudans, et entrebattans en diable à qui humera l’ame Raminagrobidicque, et qui premier, de broc en bouc, la portera à mcsser Lucifer. Iloustez vous de là. Je n’y vays pas. Le diable m’emport si j’y vays. Qui sçait s'ilz useraient de qui 'pro quo, et, en lieu de Raminagrobis, grupperoient le pauvre Panuige quitte ? Hz y ont maintesfois failly, estant safrané et endebté? Houstez vous de là. Je n’y vqys pas. Je meurs par Dieu de male raige de peur. Soy trouver entre diables affamés ! entre diables de faction! entre diables negolians! Houstez vous de là. Je gage que, pai mesme doubte, à son enterrement n’assistera jacobin, cordelier, carme, ' apussin, théatiu, ne minime. Et eulxsaiges! Aussi bien ne leurs-
J il rien ordonné par testament. Le diable m’emport si fy vays. S’il est damné, à son dam. Pour quoy mesdisoit il des bons peres de religion? Pour quoy les avoit il chî^ssés hors sa chambre, .sus l’heure qu’il avoit plus de besoin" de leur aide, de leurs devotes prières, de leurs sainctes admonitions? Pour quoy par testament ne leur ordonnoit il au moins quelques bribes, quelque bouffaige, quelque carreleurc de ventre, aux pauvres gens, qui n’ont que leur vie en ce monde ? Y aille qui voudra aller. Le diable m’emport si j’y vays. Si j’y allois, le diable m’emporteroit. Cancre ! Houstez vous de là!
« Frere Jean, veulx tu que présentement trente mille charretées de diables t’emportent? Fais trois choses. Baille moy ta bourse. Car la croix est contraire au charme. Et t’adviendroit ce que naguercs advint à Jean Dodin, recepveur du Couldray au gué de Vede, quand les gens d’armes rompirent les planches.
« Le pinart, rencontrant sus la rive frere Adam Couscoil, cordelier übservantin de Mirebeau, luy promit un habit, en condition qu’il le passas! oultre l’eau à la cabre morte sus ses espaules. Car c’estoit un puissant ribault. Le pacte fut accordé. Frere Couscoil se trousse jusques aux cuuilles, et charge à son doz, comme un beau petit sainct Christophle, le ‘ dict suppliant Dodin. Ainsi le portoit gayement, comme Enéas porta son pere Anchises hors la conflagration de Troie, chantant un bel Ave maris Stella. Quand ilz furent au plus parfond du gué, au dessus de la roue du moulin, il luy demanda s’il avoit poinct d’argent sus luy. Dodin respondit qu'il en avoit pleine gibbessiere, et qu’il ne se deshast de la promesse faicte d’un habit neuf. « Comment! dist frere Couscoil, tu sçais bien que,
« par chapitre exprès de nostre reigle, il nous est rigoureusement défendu « porter aident sus nous. Malheureux es tu bien certes, qui me as faict « pecher en ce poinct. Pour quoy ne laissas tu ta bourse au meusnier? Sans « faulte tu en seras présentement puny. Et si jamais je te peux tenir en « nostre chapitre à Mirebeau, tu auras du miserere jusques à vilulos. » ' Soudain se deschaige, et vous jette Dodin en pleine eau la teste au fond.
« A cestuy exemple, frere Jean, mon amy doux, afin que les diables t’emportent mieulx à ton aise, baille moy ta bourse, ne porte croix aucune sus toy. Le danger y est évident. Ayant ai^nt, portant croix, ilz te jetteront sus quelques rochiers, comme les aigles jettent les tortues pour les casser, -tesmoing la teste pelée du poète Eschylus. Et tu te ferois mal, mon amy. J'en serois bien fort marry. Ou te laisseront tomber dedans quelque mer, je ne sçay où, bien loing, comme tomba Icarus. Et sera par après nommée la mer Entommericque.
2CÜ
LIVIÆ 111, CllAPITlŒ XXIll
« Secondement, sois quitte. Car les diables aiment fort ks quittes. Je le sçay bien quand est de moy. Les paillards ne cessent me mugueter, et me faire la court. Ce que ne souloient, estant safrailé et endebté. L’ame d’un homme endebté est toute hectique et discrasiée. Ce n’est viande à diables.
« Tiercement, avec ton froc
Et ton domino de grobis.
Retourne à Haininagrobis.
En cas que trente mille batclées de diables ne t’emportent ainsi qualifié, je payeray pintlie et fagot. Et si, pour ta sceureté, tu veulx compaignie avoir, ne me cherche pas, non. Je t’en advise. Houstez vous de là, je n’y vays pas. Le diable m’emport si j’y vays.
— Je ne m’en soucierois, rcspondit frere Jean, pas tant, par adventure, que l’on diroit, ayant mon bragmard on poing. — Tu le prends bien, dist Panurge, et en parles comme docteur subtil en lart. Au temps que j’estudiois à l’escole de Tolete, le reverend pere en diable Picatris, recteur de la faculté diabolülogicque, nous disoit que naturellement les diables craignent la splendeur des espées, aussi bien que la lueur du soleil. De faict, Hercules, descendant en enfer à tous les diables, ne leur fit tant de peur, ayant seulement sa peau de lion et sa massue, comme par après fit Enéas, estant couvert d’un harnois resplendissant, et garny de son bragmard bien à poinct fourby et desrouillé, à l’aide et conseil de la sibylle Cumane. C’estoit, peut estre, la cause pour quoy le seigneur Jean Jacques Trivolse, mourant à Chartres, demanda son espée, et mourut l’espée nue au poing, s’escrimant tout autour du lict, comme vaillant et chevaleureux, • et, par cestc escrime, mettant en fuite tous les diables qui le guettoient au passaige de la mort. Quand on demande aux massoretz et cabaliistes pour quoy les diables n’entrent jamais en paradis terrestre, ilz ne donnent aultre raison sinon qu’à la porte est un chérubin, tenant en main une 1 espée flambante. Car, parlant en vraye diabolologie de Tolete, je confesse que les diables vrayement ne peuvent par coups d’espée mourir; mais je maintiens, selon la dicte diabolologie, qu’ilz peuvent pâtir solution de continuité, comme si tu coupois de travers avec ton bragmard une flambe de feu ardent, ou une grosse et obscure fumée. Et crient comme diaUes à ce sentiment de solution, laquelle leur est doloreuse en diable.
« Quand tu vois le hourt de deux armées, pense tu, couillasse, que le bruit si grand et horrible que l’on y oyt provienne des voix humaines? du hurtis des harnois? du clicquetis des bardes? du chaplis des masses? du froissis des picques? du bris des lances? du cry des navrés? du son des
tabours et trompettes? du bannissement des chevaux? du tonnoire des escoupettes et canons? Il en est véritablement quelque chose, force est que le confesse. Mais le grand effroy et vacarme principal provient du dueil et ullement des diables, qui, là guettans pelle melle les pauvres âmes des blessas, reçoivent coups d’espée à l’improviste, et pâtissent solution en la continuité de leurs substances aerées et invisibles : comme si, à quelque lacquais croquant les lardons de la broche, maistre Hordoux donnoit un coup de baston sus les doigts ; puis crient et ullent comme diables , comme Mars, quand il fut blessé par Diomedes devant Troye, Homere dit avoir crié en plus hault ton et plus borrifique effroy que ne feroient dix mille hommes ensemble. Mais quoy? Nous parlons de harnois fourbis et d’espées resplendentes. Ainsi n'est il de ton bragmard. Car, par discontinuation d'officier, et par faulte de operer, il est, par ma foy, plus rouillé que la claveure d'un vieil charnier. Pourtant fais de deux choses l’une. Ou le desrouille bien à poinct et gaillard, ou, le maintenant ainsi rouillé, garde que ne retournes en la maison de Raminagrobis. De ma part je n’y vays pas. Le diable m’emport si j'y vays. »
