C. mariné

C, antidaté.

« Couillonnas au diable, Panurge mou amy : puis qu'ainsi t’est prédestiné, voudrois tu faire rétrograder les planètes? démancher toutes les spheres celestes? proposer erreur aux Intelligences motrices? espoincler les ftiseaulx, articuler les wrtoils, calumnier les bobines, reprocher les detrithoueres, conderaner les frondrillons, defiler les pelotons des Farces? Tes fiebvrcs quartaines, couillu ! Tu ferois pis que les géans. Viens ça, couillaud. Aimerois tu mieux cstrc jaloux sans cause que coqu sans cognoissance? — Je ne voudrois, respondit Panurge, estre ne l’un ne l’aultre. Mais si j’en suis une fois adverty, je y donneray bon ordre ; ou bastons fauldront au monde.

a Ma foy, frere Jean, mon meilleur sera poinct me marier. Escoute que me disent les cloches à ceste heure que sommes plus prés. Marie poinct, marie poinct, poinct, poinct, poinct, poinct. Si tu te marie : marie poinct, marie poinct, poinct, poinct, poinct, poinct; tu t’en repen-

tirai, tiras, tiras : coqv, seras. Digne vertu de Dieu ! je commence entrer en fascherie. Vous aultres, cerveaulx enfrocqués, n’y sçavez vous remede aucun? Nature a elle tant destitué les humains que l'homme marié ne puisse passer ce monde sans tomber es goulfres et dangiers de coqûage ?

— Je te veulx, dist frere Jean, enseigner un expédient, moyennant lequel jamais N femme ne te fera coqu sans ton •sceu et ton consentement.

— Je t’en prie, dist Panui^e, couillon velouté. Or dis, mon amy.

— Prends, dist frere Jean, l’anneau de Hans Carvel, grand lapidaire du roy de Melinde.

< Hans Carvel estoit homme docte, expert, studieux, homme de bien, de bon sens, de bon jugement, débonnaire, charitable, aulmosnier, philosophe : joyeux au reste, bon compaignon, et raillard, si onques en fut ; ventru quelque peu, branslant de teste, et aucunement mal aisé de sa personne. Sus ses vieux jours, il espousa la fille du baillif Concordat, jeune, belle, frisque, galante, advenante, gratieuse par trop envers ses voisins et serviteurs. Dont advint, en succession de quelques hebdomades. qu’il en devint jaloux comme un tigre : et entra en soubson qu’elle se faisoit tabourer les fesses d’ailleurs. Pour à laquelle chose obvier, luy faisoit tout plein de beaux contes touchant les désolations advenues par adultéré : luy lisoit souvent la legende des preudes femmes ; la preschoit de pudicité ; luy fit un livre des louanges de fidelité conjugale, détestant fort et ferme la meschanccté des ribauldes mariées ; et luy donna un beau carcan tout couvert de saphyrs orientaulx. Ce non obstant, il la voyoit tant délibérée et de bonne chere avec ses voisins que de plus en plus croissoit sa jalousie.

« Une nuit entre les aultres, estant avec elle couché en telles passions, songea qu’il parloit au diable, et qu’il lui contoit ses doléances. Le diable le reconfortoit, et luy mit un anneau on maistre doigt, disant : « Je te donne R cestuy anneau ; tandis que l’auras on doigt, ta femme ne sera d'aultruy « charnellement cogneue sans ton sceu et consentement. — Grand mercy, « dist Hans Carvel, monsieur le diable. Je renie .Mahom, si jamais on me « Poste du doigt. » Le diable disparut. Hans Carvel, tout joyeux, s’esveilla. et trouva qu’il avoit le doigt au comment a nom de sa femme. Je oubliois à conter comment sa femme, le sentant, reculoit le cul arriéré comme disant : Ouy. nenny, ce n’est pas ce qu’il y fault mettre ; et lors sembloit à Hans Carvel qu’on luy voulust desrober son anneau. N’est ce remede infaillible ? A cestuy exemple fais, si me crois, que continuellement tu ayes l’anneau de ta femme on doigt. »

Icy fut fin et du propos et du chemin.