COMMENT PANTAGRUEL FAIT ASSEMBLÉE D’DN THÉOLOGIEN, D'UN MEOICIN
d'un LEGISTE
ET d’un PHILOSOPHE, POUR LA PERPLEXITÉ DE PANUHGE
Arrivés au palais, contèrent à Pantagruel le discours de leur voyage, et luy monstrerent le dicté de Raminagrobis. Pontagruel, l’avoir leu et releu> di'st ; « Encores n’ay je veu response que plus me plaise. Il veult dire sommairement qu'en l’entreprinse de mariage chascun doibt estre arbitre de ses propres pensées, et de soy mesmes conseil prendre. Telle a toujours psté mon opinion, et autant vous en dis la première fois que m'en parlastes. Mais vous en mocquiez tacitement, il m'en souvient, etcognoy que philautie et amour de soy vous déçoit. Faisons aultrement. Voicy quoy :
« Tout ce que som'mes et qu’avons consiste en trois choses : en l'ame, on corps, es biens. A la conservation de chascun des trois respectivement sont aujourd'huy destinées trois maniérés de gens : les théologiens à l'ame, les medicins au corps, les jurisconsultes aux biens. Je suis d'advis que, dimanche, nous pyons icy à disner un théologien, un medicin, et un jurisconsulte. Avec eux ensemble nous conférerons de vostre perplexité.
— Par saiiict Picault, respondit Panurge, nous ne ferons rien qui vaille, je le voy desja bien. Et voyez comment le monde est vistempenardé. Nous baillons en garde nos âmes aux théologiens, lesquelz pour la plus part sont heretiques ; nos corps aux medicins, qui tous abhorrent les medicamens, jamais ne prennent medicine ; et nos biens es advocatz, qui n’ont jamais procès ensemble.
— Vous parlez en courtisan, dist Pantagruel. Mais le premier poinct je nie, voyant l’occupation principale, voire unique et totale des bons théologiens estre emploictée par faicts, par dietz, par escritz, à extirper les prreurs et heresies (tant s’en fault qu’ilz en soient entachés), et planter erofondement es coeurs humains la vraye et vive foy calholicque. I.Æ second je loue, voyant les bons medicins donner tel ordre à la partie prophylactice et conservatrice de santé en leur endroit qu’ilz n’ont besoing de la therapputice et curative par medicamens. Le tiers je concédé, voyant les bons advocatz tant distraietz en leurs patrocinations et responses du droit d’aultruy qu’ilz n’ont temps ne loisir d’entendre à leur propre. Pourtant, dimanche prochain, ayons pour théologien nostre pere lliopothadée; pour medicin, nostre maistre Rondibilis; pour légiste, nostre amy Bridoye. Encores suis je d’advis que nous entrons en la tetrade Pylhagoricque, et, pom subrequart, ayons nostre féal le philosophe Trouillogan, attendu
Digiiized by CjOOgle
mesniemeiit que le philosophe perfaict, et tel qu’est Trouillogan, rcspond assertivement de tous doubtes proposés. Carpalim, donnez ordre que les a’ ons tous quatre dimanche prochain à disner.
— Je croy, dist Epistemon, qu'en toute la patrie vous n’eussiez miculx choisy. Je ue dis seulement touchant les perfections d’un chascun en son estât, les quelles sont dehors tout dez de jugement ; mais, d’abondant, en ce que Rondibilis marié est, et ne l’avoit esté ; Hippothadée onques ne le fut, et ne l'est; Bridoye l’a esté, et ne l’est; Trouillogan l’est, et l’a este. Je releveray Carpalim d'une peine. Je iray inviter Bridoye (si bon vous semble ), lequel est de mon antique cognoissance, et auquel j'ay à parler pour le bien et aùvancement d’un sien honneste et docte filz, lequel estudie à Tholose, sous l’auditoire du très docte et vertueux Boissonné.
Faites, dist Pantagruel, comme bon vous semblera. Et advisez si je
peux rien pour l’advancement du filz et dignité du seigneur Boissoné, lequel j’aime et revere, comme l’un des plus suffisons qui soit huy en son estât. Je m’y emploiray de bien bon coeur. »
