LIVRE III, CHAPITRE XXX

bien tost. Je vous convie à mes nopces. Corpe de gallinc, nous ferons clierc lie. Vous aurez de ma livrée, et si mangerons de l’oye, cor bœul, que ma femme ne roustira poinct. Encores vous prierayje mener la première dance des pucelles, s’il vous plaist me faire tant de bien et d'honneur, pour la pareille.

« Reste un petit scnipule à rompre. Petit, dis je, moins que rien. Sera" je poinct coqu? — Nenny dea, mon amy, respondit Hippothadée, si Dieu plaist. — O ! la vertu de Dieu, s’escria Panurge, nous soit en aide ! Où me renvoyez vous, bonnes gens? Aux condilionales, les quelles, en dialecticquc, reçoivent toutes contradictions et impossibilités. Si mon mulet transalpin voloit, mon mulet transalpin auroit ailes. Si Dieu plaist, je ne seray poinct coqu : je seray coqu, si Dieu plaist. Dea, si fut condition à laquelle je peusse obvier, je ne me desespererois du tout. Mais vous me remettez au conseil privé de Dieu, en la chambre de ses menus plaisirs. Où prenez vous le chemin pour y aller, vous aultres François? Monsieur nostre pere, je croy que vostre mieulx sera ne venir pas à mes nopces. Le bruit et la triballe des gens de nopces vous romproient tout le testament. Vous aimez repos, silence et solitude. Vous n’y viendrez pas, ce croy je. Et puis vous dansez assez mal, et seriez honteux menant le premier bal. Je vous envoiray du rillé en vostre chambre, de la livrée nuptiale aussi. Vous boirez à nous, s’il vous plaist.

— Mon amy, dist Hippothadée, prenez bien mes paroles, je vous en prie. Quand je vous dis ; S’il plaist à Dieu, vous fais je tort? Est ce mid parlé ? Est ce condition blasphémé ou scandaleuse ? N’est ce honorer le Seigneur, créateur, protecteur, servateur? N’est ce le recognoistre unique dateur de tout bien ? N’est ce nous declairer tous despendre de sa bénignité? Rien sans luy n’estre, rien ne valoir, rien ne pouvoir, si sa saincte grâce n’est sus nous infuse ? N’est ce mettre exception canonicque à toutes nos entreprinses, et tout ce que nous proposons remettre à ce que sera disposé par sa saincte volunlé, tant es cieulx comme en la terre? N’est ce véritablement sanctifier son benoist nom? Mon amy, vous ne serez point coqu, si Dieu plaist. Pour sçavoir sur ce quel est son plaisir, ne fault entrer en desespoir, comme de chose absconse et pour laquelle entendre fauldroit consulter son conseil privé, et voyager en la chambre de ses très saincts plaisirs. Le bon Dieu nous a faict ce bien qu’il nous les a révélés annoncés, declairés, et apertement descrits, parles sacras Bibles.

a Là vous trouverez que jamais ne serez coqu, c’est à dire que jamais vostre femme ne sera ribaulde si la prenez issue de gens de bien, instrui 'te en vertus et honnesteté, non ayant hanté ne fréquenté compaignie que ùe bonnes meurs, aimant et craignant Dieu, aimant complaire à Dieu par foy

Digilized by Coogli

et observation de ses saincts commandemens, craignant l\)ffenser efe perdre sa grâce par default de foy et transgression de sa divine loy, en laquelle est rigoureusement défendu adultéré, et commandé adhérer unique* ment à son mary, le chérir, le servir, totalement l’aimer après Dieu. Pour renfort de cette discipline, vous, de vostre costé, l’entretiendrez en amitié conjugale, continuerez en preud’hommie, luy monstrerez bon exemple, vivrez pudiquement, chastement, vertueusement en vostre mesnaige, comme voulez qu'elle de son costé vive ; car, comme le miroir est dict bon et perfaict, non celuy qui plus est orné de dorures et pierreries, mais celui qui véritablement représente les formes objectes, aussi celle femme n’est la plus à estimer, laquelle seroit riche, belle, elegante, extraicte de noble race, mais celle qui plus s’efforce avec Dieu soy former en bonne grâce et conformer aux meurs de son mary. Voyez comment la lune ne prend lurnicre ne de Mercure, ne de Jupiter, ne de Mars, ne d’aultre planete ou estoille qui soit on ciel : elle n’en reçoit que du Soleil, son mary, et de luy n’en reçoit poinct plus qu’il luy en donne par son infusion et aspect. Ainsi serez vous à vostre femme en patron et exemplaire de vertus et honnesteté. Et continuellement implorerez la grâce de Dieu à vostre protection.

— Vous voulez donc, dist Panurgé, filant les moustaches de sa barbe, que j’espousc la femme forte descrite par Salomon? Elle est morte, sans poinct de faulte. Je ne la vis onques, que je saiche : Dieu me le veuille pardonner. Grand mercy loutesfois, mon pere. Mangez ce taillon de massepain, il vous aidera à faire digestion ; puis boirez une couppe d’hipocras clairet : il est salubre et stomachal. Suivons. x>