LIVRF. MI, CHAPITRE XXXII
desliandoit son arc, fermoit sa trousse, et exteignoit son flambeau, par bonté et craincte de leur nuire. Puis ostoit le bandeau de ses yeulx pour plus apcrtement les voir en face, et ouir leurs plaisants chants et odes poétiques. Là prenoit le plus grand plaisir du monde, tellement que, souvent, il se sentoit tout ravy en leurs beautés et bonnes grâces, et s’endorrooit à l’harmonie. Tant s’en fault qu’il les voulsist assaillir, ou de leurs estudes distraire.
B En cestuy article je comprends ce qu’escrit Hippocrates on livre susdict, parlant des Scythes ; et au livre intitulé de Genilura, disant tous humains estre à génération impotcns, es quelz l’on a une fois coupé les artères parotides, qui sont à costé des oreilles; par la raison cy devan exposée, quand je vous parlois de la resolution des esprits et du sang spirituel, du quel les arteres sont réceptacles : aussi qu’il maintient grande portion de la geniturc sourdre du cerveau et de l’espine du dos.
« Quintement par l’acte venerien. — Je vous attendais là, dist Panurgo, et le prends pour moy. Use des precedens qui vouldra. — C’est, dist frere Jean, ce que fray Scyllino, prieur de Sainct-Victor lez Marseille, appelle macération de la chair. Et suis en ceste opinion (aussi estait l’her. mite de Saincte-Radegondc au dessus de Chinon) que plus aptement ne pourroient les bermites de Thebaïde macerer leurs corps, dompter ceste paillarde sensualité, déprimer la rébellion de la chair, que le faisant vingtcinq ou trente fois par jour. — Je voy Panurge, dist Rondibilis, bien proportionné en ses membres, bien temperé en ses humeurs, bien complexionné en ses esprits, en aage competent, en temps opportun, en vouloir équitable de soy marier: s’il rencontre femme de semblable température' ilz engendreront ensemble enfants dignes de quelque monarchie transpontine. Le plus tost sera le meilleur, s’il veult voir ses enfants pourveuz.
— Monsieur nostre maistre, dist Panurge, je le seray, n’en doublez, et bien tost. Durant vostre docte discours, ceste pusse que j’ay en l’oreille m’a plus chatouillé que ne fit onques. Je vous retiens de la feste. Nous y ferons cliere et demie, je le vous prometz. Vous y amènerez vostre femme, s’il vous plaist, avec ses voisines, cela s’entend. Et jeu sans villenie. »
