CHAPITRE XXXII

COUMENT nOXDIBILIS DBCLAIRE COQUAGE ESTRE NATURELLEMENT DES APPENAGES OU VARIAGE

« Reste, dist Panurge continuant, un petit ooinct à vuider. Vous avez aultresfois veu, on confanon de Rome, S. P. Q. R. Si Peu Que Rien.

Seray je poinct coqu? — Havre de grâce ! s’escria Rondibilis, que me demandez vous'? Si serez coquf Mon aniy, je suis marié; vous le serez par cy après. Mais escrivez ce mot en vostre cervelle, avec un style de fer, que tout homme marié est en dangier d’estre coqu. Coqüage est naturellement des appennages de mariage. L’ombre plus naturellement ne suit le corps que coqüage suit les gens mariés. Et, quand vous uirez dire de quelqu'un ces trois motz : Il est marié, si vous dictes : Il est donc, ou a esté, ou sera, ou peut estre coqu, vous ne serez dicl imperit architecte de ' conséquences naturelles.

— Hypocondres de tous les diables ! s’escria Panurge, que me dictes vous? — Mon amy, respondit Rondibilis, Hippocrates, allant un jour de Lango en Polystylo visiter Democritus le philosophe, escrivit unes lettres à Dionys son antique amy, parles quelles le prioit que, pendant son absence, il conduisit sa femme chez ses pere et mere, lesquelz estoient gens honorables et bien famés, ne voulant qu’elle seule demourast en son mesnage. Ce néanmoins qu’il veillast sus elle soingneusement, et espiast quelle part elle auroit avec sa mere, et quelz gens la visiteroient chez ses parens. Non (escrivoit il) que je me defie de sa vertu et pudicité, laquelle par le passé m’a esté explorée et cognue, mais elle est femme. Voylà tout. Mon amy, le naturel des femmes nous est figuré par la lune, et en aultres choses, et en ceste qu’elles se mussent, elles se contraignent, et dissimulent en la veue et presence de leurs mariz. Iceux absens, elles prennent leur advantaige, se donnent du bon temps, vaguent, trottent, déposent leur hypocrisie, et se declairent, comme la lune, en conjonction du soleil, n’apparoist on ciel, ne en terre; mais, en son opposition, estant au plus du soleil esloignée, reluist en sa plénitude, et apparoist toute, notamment au temps de nuyt. ‘Ainsi sont toutes femmes, femmes.

É « Quand je dis femme, je dis un sexe tant fragil, tant variable, tant nnuable, tant inconstant et imperfaict, que nature me semble (parlant en (ont honneur et reverence) s’estre esgarée de ce bon sens par lequel elle avoit créé et formé toutes choses, quand elle a basty la femme. Et, y ayant pensé cent et cinq cens fois, ne sçay à quoy m’en resouldre, sinon que, forgeant la femme, elle a eu esgard à la sociale délectation de l’homme, et à la perpétuité de l’espece humaine, beaucoup plus qu’à la perfection de l’individuale muliebrité. Certes Platon ne sçait en quel rang il les doibve colloquer, ou des animans raisonnables, ou des bestes brutes. Car nature leur a dedans le oorps posé en lieu secret et intestin un animal, un membre, lequel p’ost es hommes, onquel quelquefois sont engendrées certaines humeurs salses, nitreuses, bauracineuses, acres, mordicantes, lancinantes, chatouillantes amerement : par la jioincture et frétillement douloureux des