CHAPITRE XXXIV
COMMENT LES FEMMES OHDl.N.VIREMBNT APPETENT CHOSES DEFENDUES
0 On temps, dist Carpalim, quej'estois ruffien à Orléans, je n’avois couleur de rhetoricque plus valable, ne argument plus persuasif envers les dames, pour les mettre aux toilles, et attirer au jeu d'amours, que vivement, apertement, detestablement remoustrant comment leurs mariz estoient d’elles jaloux. Je ne l'avois mie inventé. 11 est escrit, et en avons loix, exemples, raisons, et expériences quotidianes. .Ayans ceste persuasion en leurs caboches, elles feront leurs mariz coquz infailliblement, par Dieu . (sans jurer), deussent elles faire ce que firent Semiramis, Pasiphaé, Egesla, les femmes de l'isle Mandes en Egypte, blasounées par Hérodote et Strabo, et aultres telles mastines.
— Vrayemeiit, dist Ponocrates, j’ay ouy conter que le pape Jean XXII, passant un jour par Fonthevrault, fut requis de l’abbesse et des meres discrètes leur concéder un induit moyennant lequel se peussent confesser les unes es aultres, allegantes que les femmes de religion ont quelques petites imperfections sécrétés, lesquelles honte insupportable leur est deceler aux hommes confesseurs : plus librement, plus familièrement les diraient unes aux aultres, sous le sceau de confession. « Il n'y a rien,
« respondit le pape, que voluntiers ne vous octroyé, • mais j’y voy un « inconvénient : c’est que la confession doibt estre tenue secrete ; vous « aultres femmes à peine la celeriez. — Très bien, dirent elles, et plus « que ne font les hommes. »
« Au jour propre, le Pere sainct leur bailla une boîte en garde, dedans laquelle il avoit faict mettre une petite linotte, les priant doucettement qu’elles la serrassent en quelque lieu sceur et secret ; leurs promettant, en foy de pape, octroyer ce que portoit leur requeste si elles la gardoient secrete : ce néantmoins leur faisant defense rigoureuse qu’elles n’eussent à l’ouvrir en façon quelconque, sus peine de censure ecclesiastique et d’excommunication eternelle. La defense ne fut si tost faicte qu’elles grisloient en leurs entendemens d’ardeur de voir qn’estoit dedans, et leurs Lirdoit que le pape ne fustja hors la porte pour y vacquer. Le Pere sainct, avoir donné sa bénédiction sus elles, se retira en son logis. Il n'estoit
