LIVRE ni, CHAPITRE XXXIV

eucores trois pas hors l’abbaye, quand les bonnes dames toutes à la foulle accoururent pour ouvrir la boite defendue, et voir qu’estoit dedans. Au lendemain, le pape les visita, en intention (ce leur sembloit) de leur depescber l’induit. Mais, avant entrer en propos, commanda qu’on luy ypportast sa boite. Elle luy fut apportée ; mais l’oixillcl n’y estoit plus. Adonc leurs remonstra que chose trop difticile leur seroit receler les confessions, veu que n’avoient si peu de temps tenu en secret la boite tant recommandée.

— Monsieur nostre maistre, vous soyez le très bien venu. J’ay prins moult grand plaisir vous oyant, et loue Dieu de tout. Je ne vous avois onques puis veu que jouastes à Monspellier avec nos anticques amis Ant. Saporta, Guy Bourguier, Balthazar Noyer, Tolet, Jean Quentin, François Robinet, Jean Perdrier, et François Rabelais, la .morale comedie de celuy qui avoit espousé une femme mute. — J’y estois, dist Epistemon. Le bon mary voulut qu’elle parlas!. Elle parla par l’art du medicin et du

• chirurgien, ‘qui luy coupperent un encyliglotte quelle avoit sous la langue. La parole recouverte, elle parla tant et tant que son mary retourna au medicin pour remede de la faire taire. Le medicin respondit en son art bien avoir remedes propres pour faire parler les femmes, n’en avoir pour les faire taire. Remede unique estre surdité du mary, contre cestuy interminable parlement de femme. Le paillard devint sourd, par ne sçay quelz charmes qu’ilz firent. Sa femme, voyant qu’il estoit sourd devenu, qu’elle parloit en vain, de luy n’estoit entendue, devint enraigée. Puis, le medicin demandant son salaire, le mary respondit qu’il estoit vrayement sourd, et qu’il n’entendoit sa demande. Le medicin luy jetta au dos ne sçay quelle poudre par la vertu de laquelle il devint fol. Adonc le fd mary et la femme enraigée se rallièrent ensemble, et tant battirent les medicin et chirurgien qu’ils les laissèrent à demy mors. Je ne ris onques tant que je fis* à ce patelinage.

— Retournons à nos moutons, dist Panurge. Vos paroles, translatées

de barragouin ervfrançois, veulent dire que je me marie hardiment, et que ne me soucie d’estre coqu. C’est bien rentré de picques noires. Monsieur nostre maistre, je croy bien qu’au jour de mes nopces vous serez d’ailleurs empesché à vos pratiques, et que n’y pourrez comparoistre. Je vous ea excuse. ’ ■

Stercus et urinct medici sunt prandia prima.

Ex aliis paleas, ex istis collige grana.

— Vous prenez mal, dit Rondibilis, le vers subséquent est tel ;

Nohis sunt signa, vobis sunt prandia digna.

Si ma femme se porte mal... — J’en vouldrois voir l’urine, toucher le pouls, et voir la disposition du bas ventre et des parties umbilicares, comme nous commande Hippocrates, 2 Aphorism. 35, avant oultre procéder, — Non, non, dist Panurge, cela ne fait à propos. C’est pour nous aultres légistes, qui avons la rubricque De Ventre inspiciendo. Je luy appresteunclysterebarbarin. Ne laissez vos affaires d’ailleurs plus urgens. Je vous enverray du rillé en vostre maison, et serez toujours nostre amy. « Puis s’approcha de luy, et luy mit en main sans mot dire quatre nobles à la rose. Rondibilis les print très bien, puis luy dist en effroy, comme indigné : « Hé; hé, hé, monsieur, il ne falloit rien. Grand mercy toutesfois. De meschantes gens jamais je ne prends rien. Rien jamais des gens de bien je ne refuse. Je suis toujours à vostre commandement. — En payant, dist Panui^e. — Cela s’entend, » respondit Rondibili.s.