CHAPITRE XXXV

COHMENT TROniLLOGAN , PHILOSOPHE , TRAICTE LA DIFFICULTÉ DE MARIAGE

Ces pâroles achevées, Pantagruel dist à Trouillogan le philosophe : « Nostre féal, de main en main vous est la lampe baillée. C’est à vous maintenant de respondre. Panuige se doibt il marier, ou non? — Tous les deux, respondit Trouillogan. — Que me dictes vous? demanda Panurge. — Ce que avez ouy, respondit Trouillogan. — Qu’ay je ouy ? demanda Panurçe. — Ce que j’ay dict, respondit Trouillogan. — Ha, ha, en sommes nous là? dist Panurge. Passe sans fluz. Et donc me doibsje marier ou non?— Ne l’un ne l’aultre, respondit Trouillogan. — Le diable m’emport, dist Panurge, si je ne deviens resveur; et me puisse emporter, si je vous entends! Attendez. Je mettray mes lunettes à ceste oreille gauche, pour vous ouir plus clair. »

En cestuy instant, Pantagruel apercent vers la porte de la salle le petit chien de Gargantua, lequel il nommoit Kyne, pource que tel fut le nom du chien de Tobie. Adonc dist à toute la compaignie : « Nostre roy n’est pas loingd’icy, levons nous. » Ce mot ne fut achevé que Gargantua entra dans la salle du banquet. Chascun se leva pour luy faire reverencc. Gargantua, ayant débonnairement salué l’assistance, dist : « Mes bons amis, vous me ferez ce plaisir, je vous en prie, de non laisser ne vos lieux, ne vos propos. Apportez moy à ce bout de table une chaire. Donnez moy que je boive à toute la compaignie. Vous soyez les très bien venuz. Ores me dictes : sus quel propos estiez vous? » Pantagruel luy respondit que, sus l’apport de la seconde table, Panurge avoit proposé une matière problematicque, à sçavoir s’il se debvoit marier ou non, et que le pere Hippothadée et maistre Ron-