LIVRE III, CHAPITRE XXXVI

dibtiis estoient expédiés de leurs rcsponses : lors qu'il est entré, respon doit le féal Trpuillogaii. Et premièrement, quand Panurge luy a demandé ; «Me doibs je marier ou non? » avoit respondu : « Tous les deux enserablement, » à la seconde fois, avoit dict: « Ne l’un ne l'aultre. » l’aiiurge se complaiuctde telles répugnantes et contradictoires responses, et proteste n’y entendre rien.

« Je l’entends, dist Gargantua, en mon advis. La response est semblable à ce que dist un ancien philosophe interrogé s’il avoit quelque femme qu’oii luy nommoit. Je l’ay, dist il, amie; mais elle ne me a mie. Je ia possédé, d’elle ne suis possédé. — Pareille response, dist Pantagruel, fit une fautesque de Sparte. On luy demanda si jamais elle avoit eu affaire à homme. Respondit que non jamais ; bien que les hommes quelquefois avoient eu affaire à elle. — Ainsi, dist Rondibilis, mettons nous neutre en medicine. et moyen en philosophie, par participation de l’une et l’aultre extrémité, par abnégation de l’une et l’aultre extrémité, et par roinpartiment du temps, maintenant en l’une, maintenant en l’aultre l•\trcmité. — Le sainct Envoyé, dist Ilippotliadée, me semble l’avoir plus apertement declairé quand il dit : Ceux qui sont mariés soient comme non mariés; ceux qui ont femme soient comme non ayans femme. — Je interprété, dist Pantagruel, avoir et n’avoir femme en ceste façon : que femme avoir, et l'avoir à usage tel que nature la créa, qui est pour l’aide, esbattement, et société de l'homme ; n’avoir femme est ne soy appoiltronner autour d’elle, pour elle ne contaminer celle unique et suprême affection que doibt l’homme à Dieu ; ne laisser les ofQces qu’il doibt naturellement à sa patrie, à la republicque, à ses amis ; ne mettre en nonchaioir ses estudes et ses négoces, pour continuellement à sa femme complaire. Prenant en ceste maniéré avoir et n’avoir femme, je ne voy répugnance ne contradiction es termes. »

CH.APITRE XXXVI

CONTINUATtON DES RESPONSES DE TROUILI.OGAN, PHILOSOPHE EPHECTIQUE ET PYRRHOMEN

' « Vous dictes d’orgues, respondit Panurge. Mais je croy que je suis

descendu on puitz tenebreux, auquel disoit Heraclitus eslre vérité cachée. Je ne voy goutte, je n’entends rien, je sens mes sens tous hébétés, et doubte grandement que je soye charmé. Je parleray d’aultre style. Nostre féal, ne bougez. N’emboursez rien. Muons de chanse, et parlons sans disjunctives. Ces membres mal joinetz vous faschent, à ce que je voy. Or ça, de par Dieu, me doibs je marier?

Trouillogan. Il y a de Vapparence.

Panurge. Et si e ne me marie poinct?

Trouillogan. Je n’y voy inconvénient aucua Panurge. Vous n’y en voyez poinct?

Trouillogan. Nul, ou la veue me déçoit.

Panurge. J’y en trouve plus de cinq cens.

Trouillogan. Comptez les.

Panurge. Je dis improprement parlant, et prenant nombre certain ponr incertain ; déterminé, pour indéterminé : c’est à dire beaucoup. Trouillogan. J’escoute.

Panurge. Je ne peux me passer de femme, de par tous les diables. Trouillogan. Oustez ces villaines bestes.

Panurge. De par Dieu soit ! Car mes Salmigondinoys disent coucher seul ou sans femme estre vie brutale, et telle la disoit Dido en ses lamentations.

Trouillogan. A vostre commandement.

Panurge. Pé lé quau Dé, j’en suis bien. Donc me marieray je? Trouillogan. Par adventure.

Panurge. M’en trouverayje bien?

Trouillogan. Selon la rencontre.

Panurge. Aussi si je rencontre bien, comme j’espere, seray je heureux ?

Trouillogan. Assez.

Panurge. Tournons à contre poil. Et si je rencontre mal? Trouillogan. Je m’en excuse.

Panurge. Mais conseillez moy, de grâce : que doibs je faire? Trouillogan. Ce que vouldrez.

Panurge. Tarabin tarabas.

Trouillogan. Ne invocquez rien, je vous prie.

Panurge. On nom de Dieu soit. Je ne veulx sinon ce que me conseillerez. Que m’en conseillez vous?

Trouillogan. Rien.

Panurge. Me marieray je?

Trouillogan. Je n’y estois pas.

Panurge. Je ne me marieray donc poinct?

Trouillogan. Je n’en peux mais.

Panurge. Si je ne suis marié, je ne seray jamais coqu ?

Trouillogan. J’y pensois.

Panurge. Mettons le cas que je sois marié.

Trouillogan. Où le mettrons-nous?