LIVRE III, chapitre XXXVII

raille ans y a qu’il est juge de Fonsbeton ; iceluy temps pendant a donné plus de quatre mille sentences définitives.

« De deux mille trois cens et neuf sentences par luy données, fut appelle par les parties condamnées en la court souveraine du parlement Myrclinguoys en Myrelingues: toutes par arrestz d’icelle ont esté ratifiées, approuvées, et confirmées : les appeaulx renversés et à néant mis Que maintenant donc soit personnellement adjourné sur ses vieux jours, il qui par tout le passé a vescu tant sainctement en son estât, ne peut estre sans quelque desastre. Je luy veulx de tout mon pouvoir estre aidant en équité. Je sçay huy tant estre la malignité du monde aggravée que bon droit a bien besoing d’aide. Et présentement délibéré y vacquer, de peur de quelque surprinse. »

Alors furent les tables levées. Pantagruel fit es invités dons précieux et honorables de bagues, joyaulx, et vaisselle, tant d’or comme d'argent, et, les avoir cordialement remercié, se retira vers sa chambre.