CHAPITRE XUII

COMMENT PANTAGRDEL EXCUSE BHIDOTE SUS LES JUGEMENTS FAITZ AU SORT DBS DEZ

A tant seteut Bridoye. Trinquamelle luy commanda issir hors la chambre ilu parquet. Ce que fut faict. Alors dist à Pantagruel : « Raison veull, prince trc>s auguste, non par l'obligation seulement en laquelle vous tenez par infinis bienfaicts cestuy parlement, et tout le marquisat de Myrelingues, mais aussi par le bon sens, discret jugement et admirable doctrine, que le grand Dieu dateur de tous biens a en vous posé, que vous présentons la decision de ceste matière tant nouvelle, tant paradoxe et estrange de Bridoye, qui, vous présent, voyant et entendant, a confessé juger on sort des dez. Si, vous prions qu’en veuillez sententier comme voiis semblera juridicque et équitable. »

A ce respondit Pantagruel : « Messieurs, mon estât n’est en profession de décider procès, comme bien sçavez. Mais puis qu'il vous plaist me faire tant d’honneur, en lieu de faire office de juge, je tiendray lieu de suppliant. En Bridoye je recognoy plusieurs qualités, par lesquelles me scmbleroit pardon du cas advenu mériter. Premièrement vieillesse, secondement simplesse : es quelles deux vous entendez trop mieulx quelle facilité de pardon et excuse de mesfaict nos droits et nos loix octroyent. Tiercement, je recognoy un aultre cas pareillement en nos droits deduicts à la faveur de Bridoye ; c’est que cette unique faultc doibt estre abolie, extaincte et absorbée en la mer immense de tant d’equitables sentences qu’il a donné par le passé : et que, par quarante ans et plus, on n’a en luy trouvé acte digne de reprehension. Comme si, en la rivicre de Loire, je jettois une goutte d’eau de mer ; pour ceste unique goutte,