LIVRE III . CHAPITRE XLIII
personne ne la scntiroit, personne ne la diroit salée. El me semble qu’il y a je ne sçay quoy de Dieu, qui a faict et dispensé qu’à ces jugemens de sort toutes les precedentes sentences ayent esté trouvées bonnes en cesle vostre venerable et souveraine court ; lequel comme sçavez, veult souvent sa gloire apparoistre en l’hebetation des sages, en la dépression des puissans, et en l’ereclion des simples et humbles.
« Je mettray en obmission toutes ces choses : seulement vous prieray, non par celle obligation que prétendez à ma maison, laquelle je ne recognoy, mais par l’alfection sincere que de toute ancienneté avez en nous cogneue, tant deçà que delà Loire, en la maintenue de vostre estât et dignités, que, pour ceste fois, luy veuilliez pardon octroyer, et ce en deux conditions : premièrement, ayant salisfaicl, ou protestant satisfaire à la partie condemnéc par la sentence dont est question : a ccslny article je donneray bon ordre et contentement ; secondement, qu’en subside de son office, vous luy bailliez quelqu’un plus jeune, docte, prudent, périt et vertueux conseiller, à l’advis duijuel dorénavant fera ses procedures judiciaires. Et, en cas que le voulussiez totalement de son office déposer, je vous prieray bien fort m’en faire un présent et pur don. Je trouveray par mes royaumes lieux assez et Estatz pour l’employer i-l m’en servir. X tant suppliray le bon Dieu créateur, servaleur et dateur de tous biens, en sa saincte grâce perpétuellement vous maintenir. »
Ces motz dietz, Pantagruel fit reverence à toute la court, et sortit hors le parquet. A la porte tr mva Panurge, Epistemon, frere Jean et aullrcs. Là montèrent à cheval pour s’en retourner vers Gargantua. Par le chemin Pantagruel leur contoit de poinct en poinct l’histoire du jugement de Bridoye. Frere Jean dist qu’il avoit cogneu Perrin Dendin, on temps qu’il demouroit à la Fontaine le Comte, sous le noble abbé Ardillon. Gymnaste dist qu’il estoit en la tente du gros Christian, chevalier de Crissé, lorsque le Gascon respondit à l’adventurier. Panurge faisoit quelque difficulté de croire l’heur des jugemens par sort, mesmement par si long temps. Epistemon dist à Pantagruel : a Histoire parallèle nous conte l’on d’un prevost de Monslhery. Mais que diriez vous de cestuy heur des dez continué en succès de tant d’années? Pour un ou deux jugemens ainsi donnés à l’adventure, je ne m’esbahirois, mesmement en matières de euY ambiguës, intrinquées, perplexes et obscures. »
